जनसंख्याको आधारमा प्रदेशमा बजेट दिन राजपाको माग

काठमाडौँ । सरकारको नीति तथा कार्यक्रमप्रति असन्तुष्टि जनाएको राष्ट्रिय जनता पार्टी (राजपा) नेपालले जनसंख्याको आधारमा प्रदेशमा बजेट विनियोजन गर्नुपर्ने माग गरेको छ। मंगलबार बसेको राजपा अध्यक्ष मण्डलको बैठकमा नीति तथा कार्यक्रममाथि छलफल भएको थियो। छलफलमा अध्यक्ष मण्डलका सदस्यहरुले जनसंख्याका आधारमा प्रदेशमा बजेट विनियोजन हुनुपर्ने कुरा संसदमा उठाउने निष्कर्ष निकालेका थिए। आज बसेको अध्यक्ष मण्डलको बैठकले १४ गते पुनः अध्यक्ष मण्डलको बैठक र २५ गते राजनीतिक समितिको बैठक गर्ने निर्णय गरेको छ । थप पढ्नुहोस्

पाकिस्तानमा कडा लू, ६५ जनाको मृत्यु

काठमाडौं । पाकिस्तानको कराँचीमा कडा लू चल्दा कम्तीमा ६५ जनाको मृत्यु भएको छ ।  सोमवार तापक्रम ४४ डिग्री सेल्सियस पुगेको पाकिस्तानी मौसम विभागले बतायो । शहरभरि बिजुली नहुँदा अनि मुसलमानको पवित्र महिना रमजान चलिरहँदा मानिस आलसतालस परेका छन् । लू भारतको केन्द्रीय र उत्तरी भागमा समेत पुगेको छ । असारमा मनसून नलागुन्जेल गर्मी कायम रहने अपेक्षा गरिएको छ । कराँचीमा यसअघि पनि प्रचण्ड गर्मी हुने गरेको छ । सन् २०१५ मा त्यहाँको तापक्रम ४५ डिग्री पुगेको थियो र कम्तीमा १३ सयजनाको ज्यान लिएको थियो । थप पढ्नुहोस्

नेपाल कम्युनिष्ट पार्टीले ४४१ जना केन्द्रीय सदस्यको नामावली गर्यो सार्वजनिक

काठमाडौँ  । नेपाल कम्युनिष्ट पार्टीले ४४१ जना केन्द्रीय सदस्यको नामावली सार्वजनिक गरेको छ ।महासचिव विष्णुप्रसाद पौडेलका अनुसार नेकपाको केन्द्रीय सचिवालयको सोमबारको निर्णयानुसार केन्द्रीय सदस्यको नामावली सार्वजनिक गरिएको हो । महासचिव पौडेलका अनुसार स्थायी आमन्त्रित सदस्यमा अमिक शेरचन, । अमृतकुमार बोहरा, केशवप्रसाद बडाल, पुष्पराज कँडेल, पेशल खतिवडा र सोमनाथ अधिकारी प्यासी छन् । थप पढ्नुहोस्

प्रदेश नं २ को जेठ १३ देखि बर्खे अधिवेशन

धनुषा । प्रदेश नं २ को वर्खे अधिवेशन यही जेठ १३ गतेका लागि आह्वान गरिएको छ । मन्त्रिपरिषद्को निर्णयबमोजिम प्रदेश प्रमुख रत्नेश्वरलाल कायस्थले सो बैठक आह्वान गरेका छन् । प्रदेशसभाको दोस्रो अधिवेशनबाट प्रदेश सरकारले नीति र बजेट ल्याउने तयारी गरेको छ । प्रदेशसभाको २६औँ बैठकले यही जेठ ३ गते राति १२ बजेदेखि लागू हुनेगरी पहिलो अधिवेशन अन्त्य गरेएको थियो । प्रदेशसभा तथा सरकार सञ्चालनका लागि महत्वपूर्ण कानून निर्माण गर्न ढिलाइ भइरहेकाले जेठ १३ गतेका लागि वर्खे अधिवेशन आह्वान गरिएको प्रदेश प्रमुखको कार्यालयले जनाएको छ । थप पढ्नुहोस्

वन्यजन्तुका लागि नभै नहुने घोल र घाँसेमैदान जोगाउन निकुञ्जमा चुनौती

चितवन । नेपालका संरक्षित क्षेत्रका वन्यजन्तु चोरी शिकारमा कमी आए पनि वन्यजन्तुका लागि नभै नहुने घोल र घाँसेमैदान संरक्षणमा भने चुनौती थपिँदो छ । जलवायु परिवर्तनसँगै प्राकृतिक कारणले घोल र घाँसेमैदान खुम्चने तथा मिचाहा प्रजातिका झार र बाढी पहिराका कारण घोल, ताल र घाँसेमैदानमा क्षति पुग्दै आएको छ ।राष्ट्रिय निकुञ्ज तथा वन्यजन्तु संरक्षण विभागले यसमा खासै ध्यान दिनसकेको छैन । सीमित कार्यक्रम ल्याएर सामान्य सरसफाइ र व्यवस्थापनको काम गरिए पनि सबै कार्यक्रम प्रभावहीन छ । व्यवस्थापनको काम न्यून र खुम्चने क्रम अधिक हुँदा वन्यजन्तु प्रभावित हुने गरेका छन् । थप पढ्नुहोस्

दक्षिण कोरियाले उत्तर कोरियासँग वार्ताको सम्भावना ९९ .९ प्रतिशत

  सोल । दक्षिण कोरियाले उत्तर कोरियासँग वार्ताको सम्भावना ९९।९ प्रतिशतसम्म रहेको बताएको छ । दक्षिण कोरियाली राष्ट्रपति मुन जाय इनका प्रमुख सुरक्षा सल्लाहकार चुङ इयु योङले भन्नुभयो– हामी उत्तर कोरियाप्रति आशावादी छौँ, हामीलाई लाग्छ आगामी उच्च सम्मेलनको लागि हामी ९९।९ प्रतिशत आशावादी रहेका छौँ । उहाँ मङ्गलबार संयुक्त राज्य अमेरिका प्रस्थान गर्दै हुनुहुन्छ । त्यसअघि सोलमा सम्वाददाताहरुसँग कुराकानी गर्दै उहाँले भन्नुभयो– केही बिग्रिएको छैन, उत्तर कोरियासँग आगामी दिनमा वार्ता हुन्छ । उहाँले उत्तर कोरियाको अमेरिकासँग पनि वार्ता हुने बताउनुभयो । थप पढ्नुहोस्

अमेरिकाद्वारा इरानमा कडा प्रतिबन्धको घोषणा, इरानको कडा आपत्ति

वासिङ्टन । अमेरिकाले इरानमाथि पुराना प्रतिबन्धहरु पुनः दोहोर्याउने भएको छ । इरानमाथि अमेरिकाले सन् २०१५ मा भएको आणविक सम्झौतापछि ती प्रतिबन्धहरु फुकुवा गरेको थियो । तर हालै अमेरिकाले इरानसँगको उक्त पारमाणविक सम्झौता रद्द गरेको छ । त्यसपछि भने अमेरिकाले ती पुराना प्रतिबन्धहरु पुनः लगाउने भएको बताइएको हो । अमेरिकी विदेशमन्त्री माइक पोम्पेओले हालैमात्र अमेरिकाले इरानसँगको पारमाणविक सम्झौता रद्द गरेपछि यसअघि फुकुवा गरेका सबै प्रतिबन्धहरू पुनः लगाइने तथा इरानले नयाँ आर्थिक प्रतिबन्धको पनि सामना गर्नुपर्ने हुनसक्छ भन्नुभएको छ । थप पढ्नुहोस्

महोत्तरीमा १३१ कुष्ठरोगी, सबैभन्दा बढी जलेश्वरमा

गौशाला । महोत्तरी जिल्लाका प्रत्येक नगर तथा गाउँपालिकामा गरी १ सय ३१जना कुष्ठरोगी भेटिएका छन् । जलेश्वर नगरपालिका कार्यालयले ‘नगरस्तरीय कुष्ठरोग निवारण अभियान’ कार्यक्रमबारेमा पत्रकारसँग गरेको अन्तरक्रियामा नगरपालिकाका स्वास्थ्य विकास अधिकृत डा सुबोधकुमार मिश्रले महोत्तरीका १० नगरपालिका र पाँच गाउँपालिकामध्ये सबैभन्दा बढी जलेश्वर नगरपालिकामा २४ र सबैभन्दा कम बर्दिबास नगरपालिकामा चार कुष्टरोगी रहेको बताएका छन् । जिल्लाका कुष्ठरोगीमध्ये ६५ जनामा सर्ने तथा ६६ जनामा कम सर्ने खालको कुष्ठरोग रहेको जनाइएको छ । थप पढ्नुहोस्

निजामति अस्पताल भ्रष्टाचारको दलदलमा फस्दै

काठमाडौँ । निजामति अस्पताल (civil service hospital ) भ्रष्टाचारको दलदलमा फस्दै गएको स्रोतले जनाएको छ । अहिले सो अस्पतालमा उपचार गराउन पुग्नेहरुको संख्या थेगिनसक्नु भएको पाइएको छ । बिहान ३–४ बजेदेखि नै टिकट लिनको लागि बिरामीहरु लाइन लागिरहेको भेट्न सकिन्छ । अस्पताल प्रशासनले यस विषयमा उचित ध्यान पु(¥याउन नसक्दा पहुँचवाला बिरामीले मात्र उक्त अस्पतालमा उपचार गराउने सौभाग्य पाउने गरेको टिकटको लाइनमा बसेका बिरामीहरु बताउँछन् । थप पढ्नुहोस्

सरकारको गम्भीर गल्ती : डा.भट्टराईको ट्विट

काठमाडौं । नयाँ शक्ति नेपालका संयोजक डा. बाबुराम भट्टराईले प्रदेश २ का मुख्यमन्त्रीको अमेरिका भ्रमणलाई रोक लगाउन नहुने बताएका छन् । आइतबार साँझ बसेको मन्त्रिपरिषद बैठकले प्रदेश २ का मुख्यमन्त्री लालबाबु राउतको अमेरिका भ्रमणको प्रस्तावलाई सदर नगर्ने निर्णय गरेकोमा उनले संघीय सरकारको निर्णय सच्याउनुपर्ने बताएका छन् । मंगलबार पूर्वप्रधानमन्त्री समेत रहेका डा. भट्टराईले ट्विट गर्दै सरकारले गम्भीर गल्ती गरेको टिप्पणी गरेका छन् । यस निर्णयबाट संघ र प्रदेशबीच दुरी बढाउने उनको धारणा छ । थप पढ्नुहोस्
1 2 3 157