प्रविधिमैत्री बन्दै भानु नगरपालिका
![नेपालबहस संवाददाता](
https://nepalbahas.prixacdn.net/media/albums/NB_UIxDgs76ai.jpeg
)
नेपालबहस संवाददाता
असोज ५, २०७९ बुधबार २०:३२:२५
![](https://nepalbahas.prixacdn.net/media/albums/bhanu-napa-e1663750442334_dvWg3hrZSW.jpg)
५ असोज, डुम्रे । तनहुँको भानु नगरपालिका प्रविधिमैत्री बन्दै गएको छ । नगरवासीलाई सहजरुपमा सेवा प्रवाह गर्ने उद्देश्यले नगरपालिकाको सेवा प्रवाह प्रविधिमैत्री बनाउन थालिएको हो ।
नागरिकलाई सेवा, अवसर र पहुँचमा पुर्याउन दुईवर्षे परियोजनाको अवधारणासहित सहज सेवा उपलब्ध गराउन प्रविधिको प्रयोगलाई प्राथमिकता दिइएको नगर प्रमुख आनन्दराज त्रिपाठीले जानकारी दिए । नगर कार्यपालिकाको बैठकबाट स्वीकृत गरी प्रविधिको प्रयोग गरी सेवा प्रवाह गर्ने परियोजना कार्यान्वयनमा जुटेको उनले बताए ।
नागरिक र स्थानीय सरकारको सम्बन्धलाई प्रगाढ बनाउँदै विद्युतीय प्रणालीको प्रयोगले ‘डिजिटलाइजेसन’ गरी कार्यालयको सेवा प्रवाहलाई ‘पेपरलेस’ बनाउन लागिएको उनले बताए । “विशेष गरी गर्भवतीलाई सहजरुपमा सेवा उपलब्ध गराउन मेडिकल मोबाइलको प्रयोगलाई प्राथमिकता दिएका छौँ ।
मेडिकल मोबाइलको प्रयोगबाट गर्भवती महिलाको नियमित परीक्षणको लागि सूचना प्रदान गर्ने तथा बिरामीलाई नगरको अनलाइन पोर्टलमार्फत सामुदायिक स्वास्थ्य स्वयं सेविका, गर्भवती, बिरामी स्वास्थ्यकर्मीसँग लिङ्क गराई सेवा उपलब्ध गराउने व्यवस्था गरिएको छ । संवेदनशील स्थान, पर्यटकीय क्षेत्र, प्रत्येक वडामा सिसिक्यामरा जडान गरिनेछ”, नगर प्रमुख त्रिपाठीले भने ।
सामुदायिक विद्यालयका लागि विद्यालय व्यवस्थापन प्रणाली प्रयोगमा ल्याइने, प्रत्येक वडामा प्रविधिमैत्री नागरिक सहायता केन्द्र स्थापना गरिनेछ । प्रत्येक किसानलाई नगरको छुट्टै कृषि एपसँग आबद्ध गराई आर्थिक विकासको लक्ष्य हासिल गरिनेछ । कृषि सूचना, व्यवसायिक योजना निर्माण, अनुदान व्यवस्थापन, सेवा प्रदायक व्यवस्थापन, बिमा, किसान व्यवस्थापन, माटो स्वास्थ्यता तथा मल सिफारिस प्रणाली एवं कृषि प्रोफाइल निर्माणका लागि कृषि विकास तथा उत्पादन नियन्त्रण प्रणाली प्रत्येक किसानमा एपको प्रयोगमार्फत सेवा पुर्याइने उनले बताए ।
समष्टिगतरुपमा नगरपालिकालाई पारदर्शी, जवाफदेही, स्थानीय सरकारको सुनिश्चितताको लागि प्रविधिमैत्री बनाउँदै घरमै बसेर मोबाइलबाट सेवा प्राप्त गर्न यो प्रणाली कार्यान्वयन गरी सुशासनको प्रत्याभूति गर्ने अवधारणा ल्याइएको नगर प्रमुख त्रिपाठीले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपुल बनाउन खनेको खाल्टोमा डुवेका बालकको शव फेला
असार २, २०८१ आइतबार
मनाङमा खाद्य उत्पादन वृद्धि
असार २, २०८१ आइतबार
पार्टीको ह्वीप नमानेको भन्दै सांसद गुरुङलाई एमालेले सोध्यो स्पष्टीकरण
असार २, २०८१ आइतबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालले टी- २० विश्वकप अन्तर्गत भोलि बिहान दक्षिण अफ्रिकासँग खेल्दै
नेपालबहस संवाददाता
जेठ ३२, २०८१ शुक्रबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
असार २, २०८१ आइतबार
५१ प्रहरी कर्मचारीहरुलाई ट्राफिक प्रशासन तालिम प्रदान
असार २, २०८१ आइतबार
सहकार्यको संस्कृतिलाई सबल बनाउन बकर इदको महत्वपूर्ण भूमिका : प्रधानमन्त्री
असार ३, २०८१ सोमबार
पहिरो पन्छाएपछि खुल्यो पृथ्वी राजमार्ग
असार ३, २०८१ सोमबार
कस्तो रहला आज दिनभरको मौसम ?
असार ३, २०८१ सोमबार
राष्ट्रपतिको सम्मानमा वर्लिनमा स्वागत समारोह
असार ३, २०८१ सोमबार
युरोकपमा इङल्याण्डको विजयी सुरुवात
असार ३, २०८१ सोमबार
मुस्लिम धर्मावलम्बीहरुले आज बकर इद मनाउँदै, देशभर सार्वजनिक बिदा
असार ३, २०८१ सोमबार