एक्स्पोको नाममा ठगी: ठेकेदार ओलीसँग ७० लाखको लेनदेनको कागज बाहिरिए पछि बबाल
नेपालबहस संवाददाता
फागुन १७, २०८० बिहिबार १२:२४:२७
१७ फागुन, दाङ । घोराहीको झीगौरामा दाङ चेम्बर अफ कमर्सले लगाएको दाङ एक्स्पो २०८० मा चेम्बरको कार्य समितिसँग एउटा लेनदेनको कागज बनाएर ठेकेदारसँग अर्को गोप्य कागज गरेकाे सार्वजनिक भएको छ ।
चेम्बर अफ कमर्सले माघ २३ गतेदेखि फागुन ८ गतेसम्म १५ दिन लामो एक्स्पोको नाममा मेला लगाएको थियो । एक्स्पोमा एक सय ८० स्टल रहेकोमा ५० स्टल स्थानीय व्यवसाय प्रवर्द्धनका लागि दिइएको थियो । ५० वटा घरेलु उद्योगमा केही छुट दिए पनि न्यूनतम् २६ हजारदेखि अधिकतम ४५ हजारसम्म भाडा तिरेर व्यापारीहरूले एक्स्पोमा स्टल राखेका थिए ।
मेला सकिएपछि धेरैले पैसा नपाएको गुनासो गरेका छन् । एक्स्पो ठेक्कामा दिएकाले ठेकेदार भागेपछि करीब २८ जना सेक्युरिटीले आफूले काम गरेको पैसा नपाएको बताए । चेम्बरको जिल्ला कार्य समितिसँग एक्स्पोका ठेकेदार सुर्खेत निवासी भरत ओलीले १८ लाख दिने कागज गरे पनि चेम्बरका जिल्ला अध्यक्ष विकास अग्रवालसँग ७० लाख दिने कागजी लेनदेन गरेको बाहिर आएको हो ।
एक्स्पोमा वाल उद्यान, जुवाजन्य विभिन्न खेलमा पनि चेम्बरका अध्यक्ष अग्रवालले नै आफ्ना निकटलाई ठेक्का दिएर कमिसन लिएको आरोप लागेको छ । अग्रवालले आफू प्रथम पक्ष भई छुट्टै गोप्य ७० लाखको सम्झौता गरेको कुरा बाहिर आएपछि सिंगो चेम्बरको जिल्ला कार्य समितिमा खैलाबैला मच्चिएको छ । आयोजक चेम्बर भएपनि यसको ठेक्का एमएमडिकेएल इभेन्ट एन्ड बहुउद्देश्यीय प्रालिले लिएको थियो ।
अग्रवालले रोल्पा त्रिवेणी गाउँपालिका वडा नम्बर ४ बस्ने वर्ष ४८ का मनु बुढा मगरसमेतको रोहबरमा ठेक्कामा दिएको रकम भन्दा बढिको लेनदेनको कागज गरेका छन् । भरत ओलीसहित दोस्रो पक्षले लेनदेनमा भएको रकम उपलब्ध गराउने र त्योवापत चेम्बरले स्थानीय प्रहरी प्रशासन, राजश्व, कर, खाजा सबै बेहोर्ने लिखित कागज गरेको खुलेको छ । यता, चेम्बरका जिल्ला अध्यक्ष अग्रवालले नक्कली कागज देखाएर आफूलाई बदनाम गर्ने काम भइरहेको बताए । उनले लेनदेनको कागज सबै कार्य समितिको बैठकबाट पास गरिएको पनि बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआर्थिक मन्दीले मकवानपुरमा तीन सय ७४ साना उद्योग बन्द
जेठ ११, २०८१ शुक्रबार
सीता एयरको जहाजमा ठोक्किएर घाइते भएका भामलाई नेपालगञ्ज लगियो
जेठ १०, २०८१ बिहिबार
विज्ञापन बोर्डको चेतावनी, ‘भ्रमपूर्ण विज्ञापन छापिए कारवाही हुन्छ’
जेठ १०, २०८१ बिहिबार
अवैध नदीजन्य पदार्थ ओसारपसार गरिरहेका टिपर स्थानीयको नियन्त्रणमा
नेपालबहस संवाददाता
जेठ १०, २०८१ बिहिबार
यस्तो छ सहकारीको शिर, दलीय वर्चश्वमा एमाले !
केदार भट्टराई (काका)
जेठ १०, २०८१ बिहिबार
भारतीय कारखानामा विस्फोट : मृत्यु हुनेको संख्या ११ पुग्यो
नेपालबहस संवाददाता
जेठ ११, २०८१ शुक्रबार
के तपाईको हातमा पैसा जोगिदैन ? यी तरिकाहरु अपनाउनुस् !
जेठ १२, २०८१ शनिबार
तपाईको आजको राशीफल कस्तो छ ?
जेठ १२, २०८१ शनिबार
के क्रिकेटर हार्दिक र नतासाको डिभोर्स भएको ?
जेठ १२, २०८१ शनिबार
सरकार बनेको महिना दिन पुग्दापनि सुदूरपश्चिममा मन्त्रिपरिषद्ले किन पूर्णता पाएन ?
जेठ १२, २०८१ शनिबार
देशमा संविधान र विधिको शासन हुनुपर्दछ : पूर्वराष्ट्रपति यादव
जेठ १२, २०८१ शनिबार
पत्रकार पूर्णिमाद्वारा सगरमाथा आरोहणमा विश्व कीर्तिमान
जेठ १२, २०८१ शनिबार
भारतको सहयोगमा दाङ जिल्लामा निमार्ण गरिएको विद्यालय भवनको उद्घाटन
जेठ १२, २०८१ शनिबार
‘थाइराइड देखिँदैमा सन्तान जन्मिदैन भन्ने भ्रममात्र’
जेठ १२, २०८१ शनिबार
नुवाकोटमा पौडी खेल्ने क्रममा दुई युवाको मृत्यु
जेठ १२, २०८१ शनिबार