पोखराका पीडितको प्रधानमन्त्रीलाई प्रश्न, ‘सहकारी ठग्ने गृहमन्त्रीलाई के कारवाही हुन्छ’?
नेपालबहस संवाददाता
चैत ४, २०८० आइतबार १४:११:५०
चैत ४, पोखरा । पोखराका सहकारी पीडितले प्रधानमन्त्री पुष्पकमल दाहाल प्रचण्डसँग सहकारी ठगीमा मुछिएका गृहमन्त्री रवि लामिछानेलाई के कारवाही हुन्छ भनेर प्रश्न गरेका छन् । पोखरालाई नेपालको पर्यटकीय राजधानी घोषणा गर्न आएका प्रधानमन्त्रीलाई उनीहरुले प्रश्न गरेका हुन् ।
पोखराको सुर्यदर्शन बचत तथा ऋण सहकारी संस्थाका पीडितले सहकारी ठगीमा उपप्रधानमन्त्रीसमेत रहेका गृहमन्त्री रवि लामिछाने जोडिएको भन्दै छानबिन गर्न प्रधानमन्त्री प्रचण्डसँग माग गरेका छन् ।
पत्रकार महासंघ कास्कीले आयोजना गरेको प्रजातन्त्र सेनानी दयाशंकर पालिखे स्मृति पत्रकारिता सम्मान अर्पण समारोहमा पुगेका प्रधानमन्त्री प्रचण्डलाई भेटेर सहकारी पीडितले ज्ञापन पत्र बुझाएका छन् । उनीहरुले सहकारी पीडित संघर्ष समितिका तर्फबाट ज्ञापनपत्र बुझाएका हुन् ।
सहकारी पीडितका समस्या समाधान गर्न सरकारले चासो नदिएको उनीहरूको भनाइ छ । सहकारीबाट हामी पीडित भएको पनि २ वर्ष भइसक्यो, अहिलेसम्म सरकारले कुनै कदम चाल्न सकेन, उनीहरुले भने । सहकारीको समस्या भनेको जीबी राई र गृहमन्त्री रवि लामिछाने भएको उनीहरुले बताए ।
जवाफमा प्रधानमन्त्री प्रचण्डले सहकारी पीडितका समस्याबारे आफू जानकार भएको बताए । उनले सहकारी पीडितको समस्या समाधान गर्न सरकारले छिट्टै नीतिगत निर्णय गरेर अघि बढ्ने तयारी गरेको बताए । सहकारीको समस्या राष्ट्रिय विषय बनिसक्यो, समस्या समाधान गर्न हामी छिट्टै नीतिगत व्यवस्था गर्दैछौं,उनले भने ।
सुर्यदर्शन बचत तथा ऋण सहकारी संस्थाका अध्यक्ष गितेन्द्रबाबु राई (जिबी) सहित १९ जना विरुद्ध पक्राउ पुर्जी जारी भएको थियो । उक्त सहकारीबाट १ अर्ब ३५ करोड रुपैयाँ अपचलन भएको पोखरा महानगरको छानविन प्रतिवेदनमा उल्लेख छ ।
२२ अर्ब रुपैयाँ चिनियाँ ऋणमा बनेको विमानस्थलले ब्याज तिर्न पनि नसक्ने अवस्थाले पोखरेलीलाई चिन्तित बनाएको भन्दै व्यवसायी विश्वशंकर पालिखेले पनि प्रधानमन्त्रीको ध्यानाकर्षण गराएका छन् । यस्तै पोखरामा दयाशंकर स्मृति पत्रकारिता पुरस्कार अर्पण समारोहमा बोल्दै प्रधानमन्त्री प्रचण्डले पोखरा विमानस्थलबाट नियमित उडान हुने ढुक्क हुन आग्रह गरे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपार्टीमा वैचारिक मतभेद छैनः अध्यक्ष नेपाल
असार ३, २०८१ सोमबार
राष्ट्रपति पौडेललाई बर्लिनमा गार्ड अफ अनर
असार ३, २०८१ सोमबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालको हारले फ्यानका आँखामा आँसु, टुट्यो सुपर–८ को सपना !
नेपालबहस संवाददाता
असार १, २०८१ शनिबार
सन्दीपको सय विकेट, शतक पूरा गर्ने दोस्रो बलरको कीर्तिमान
असार ३, २०८१ सोमबार
नक्कली लाइसेन्स प्रकरणमा यातायात कार्यालयका तत्कालीन प्रमुखसहित ५ जना पक्राउ
असार २, २०८१ आइतबार
दार्जिलिङ रेल दुर्घटना : मृत्यु हुनेको संख्या १५ पुग्यो
असार ३, २०८१ सोमबार
उत्तर कोरिया जाँदै रुसी राष्ट्रपति पुटिन
असार ३, २०८१ सोमबार
प्रधानमन्त्रीसँग विश्व बैंकका वरिष्ठ प्रबन्ध निर्देशकको शिष्टाचार भेट
असार ३, २०८१ सोमबार
सडक कालोपत्र गर्ने काम बीचमै छाडेर ठेकेदार फरार
असार ३, २०८१ सोमबार
पार्टीमा वैचारिक मतभेद छैनः अध्यक्ष नेपाल
असार ३, २०८१ सोमबार
विश्व बैंकको अनुदानमा बागलुङका तीन सडक कालोपत्र हुँदै
असार ३, २०८१ सोमबार
विश्व बैंकका वरिष्ठ प्रबन्ध निर्देशक ट्रोटसनबर्ग र अर्थमन्त्री पुनबीच भेटवार्ता
असार ३, २०८१ सोमबार