सहकारी प्रकरणले राष्ट्रिय स्वतन्त्र पार्टी आफैं समस्याग्रस्त
केदार भट्टराई (काका)
चैत २२, २०८० बिहिबार १३:०:३८
२२ चैत, काठमाडौं । सहकारी ठगी प्रकरणले गर्दा राष्ट्रिय स्वतन्त्र पार्टी (रास्वपा) आफै समस्याग्रस्त देखिएको छ । पार्टीका सभापति, उपसभापति र सहमहामन्त्री हुँदै सभापति पत्नीसमेतको सहकारी ठगी प्रकरणमा नाम जोडिएर आउन थालेपछि रास्वपा राजनीतिक दल हो कि सहकारीका बचतकर्ता सिध्याउने गिरोह हो भनेर आम मानिसले चर्चा गर्न थालेका छन् । देशलाई नयाँपन दिने भनेर आएको रास्वपा अहिले नो नट अगेन भन्नेहरुकै नेतृत्वमा गठबन्धन सरकारमा छ ।
सरकारको उपप्रधानसहित गृहमन्त्री रहेका रास्वपा सभापति रवि लामिछाने एकपछि अर्को गर्दै विभिन्न प्रकरणमा मुछिँदै आएका व्यक्ति हुन् । उनी केही समय यता, सहकारी ठगी प्रकरणमा मुछिएका छन् । उनलाई पछिल्लो समयमा जीबी राई अध्यक्ष रहेको गोर्खा मिडिया नेटवर्कमा आबद्ध भएका सबै सहकारीको रकम अपचलन सहभागी भएको आरोप लगाइएको छ । उनीमाथि छानविनको माग संसदमै दिनहुँ उठिरहेको छ ।
यसअघि लामिछाने प्रबन्ध निर्देशक र जीबी राई अध्यक्ष रहेको गोर्खा मिडिया नेटवर्कमा काठमाडौंको स्वर्ण लक्ष्मी, पोखराको सूर्य दर्शन, चितवनको सहारा, वीरगन्जको सानो पाइला, बुटवलको सुप्रिम र नेपालगन्जको समानता सहकारीबाट रकम अपचलन गरेको भन्ने आरोप छ । यसलाई पुष्टि हुने दस्ताबेज पनि सार्वजनिक भइसकेको भन्दै लामिछानेमाथि कारबाहीका लागि छानविन हुनुपर्ने माग उठिरहेको छ । लामिछानेसँगै उनकी श्रीमती निकिता पौडेल पनि सरकारी ठगी प्रकरणमा तानिएकी छन् । निकिता यसअघि उपाध्यक्ष रहेको भनिएको सहकारीमा सहकारी विभागसहित काठमाडौं महानगरपालिकाको टोलीले बुधबार छापा मारेको छ ।
महानगरपालिकाले गृहमन्त्री लामिछानेकी पत्नी निकिता पौडेलको साई स्वागत बचत तथा ऋण सहकारीमा छापा मारेको हो । महानगरपालिकाको सहकारी विभागले लामो समयदेखि बचतकर्ताको उजुरीका आधारमा सहकारीमा बुधबार विभागका कर्मचारी, महानगर प्रहरीसहित टोलीले छापा मारेको हो । महानगरको अनुगमन टोलीका एक सदस्यका अनुसार बिजुली बजारमा रहेको सहकारी कार्यालयबाट पछिल्लो साधारणसभाको उपस्थिति निर्णयसहित माइन्युट, सहकारीबाट ऋण लिने ऋणीको विवरण, बचतकर्ताको विवरण ल्याएको छ । यस्तै धेरै ऋण लैजाने ऋणी, सञ्चालक समितिका सदस्यहरूको विवरण पनि टोलीले ल्याएको छ । सहकारीको सफ्टवेयर सिस्टम पनि महानगरको टोलीले ल्याएको हो ।
महानगरपालिका अनुसार धेरै उजुरी आएका ४० सहकारीमध्ये साई स्वागत बचत तथा ऋण सहकारी पनि एक हो । महानगर सहकारी विभागमा उपाध्यक्ष पौडेल जमानी बसेर ऋण दिएको मान्छे नै भागेको भन्दै उजुरी आएको थियो । विभागका अनुसार बचतकर्ताले सञ्चालक समितिबाट रकम हिनामिना गरेको भन्दै बचत फिर्ता दिन महानगरमा उजुरी दिएका थिए । यसरी उपप्रधान र गृहमन्त्रीसमेत रहेका पति रवि लामिछाने कै श्रीमती निकिता पनि सहकारीमा मुछिएको भनेर खबर सार्वजनिक भए लगत्तै उनी सभापति भएको पार्टी रास्वपाका उपसभापति एवं श्रममन्त्री डीपी अर्याल र सहमहामन्त्री कवीन्द्र बुर्लाकोटी पनि सहकारीकाे साढे ४ करोड बचत हिनामिनामा तानिएका छन् ।
उनीहरुलाई कारवाही र अनुसन्धान गर्न पीडितले सीआईबीमा उजुरी दिएपछि यो विषय बाहिर आएको हो । काठमाडौंमा कार्यालय रहेको ‘हाम्रो नयाँ कृषि सहकारी संस्था’ मा डेढ वर्ष अघिसम्म अर्याल उपाध्यक्ष र बुर्लाकोटी सञ्चालक रहेको खुलेको छ । त्यही अवधिदेखि नै सहकारीले रकम फिर्ता नदिएको भन्दै पीडितले उजुरी दिएका छन् । सहकारीको रकम अपचलनमा रास्वपा सभापति तथा गृहमन्त्री रवि लामिछानेमाथि संसदीय छानबिन हुनुपर्ने भन्दै प्रमुख प्रतिपक्षी कांग्रेसले हरेक दिन संसदमा माग गर्दै आएको छ ।
पछिल्लो पटक चर्चामा आएको ‘हाम्रो नयाँ कृषि सहकारी’मा माओवादीका उपमहासचिव एवं ऊर्जामन्त्री शक्तिबहादुर बस्नेतको अध्यक्षतामा स्थापना भएको खुलेको छ । ०७० साल जेठ १३ मा डिभिजन सहकारी कार्यालय काठमाडौंमा दर्ता भएको थियो । माओवादी नेता बस्नेत नेतृत्वको यो सहकारीले देशैभरि काम गर्ने अनुमति पाएको थियो । यो सहकारी संकटमा परेपछि उनीमाथि पनि प्रश्न उठेको छ । अहिले सहकारी विभागको पत्रका आधारमा सीआईबीले पनि अनुसन्धान अघि बढाएको छ । यसरी देशैभरि सहकारी ठगी गर्ने जीबी राई समूहका अन्य सदस्य यो सहकारीमा पनि जोडिएपछि रास्वपा थप नेता यो प्रकरणमा जोडिने देखिएको छ ।
रमाइलो के छ भने एकपछि अर्को गर्दै सहकारी ठगीमा तानिएका रास्वपाका नेताहरूले नै सहकारीमा ठगी भयो भनेर यसमा देखिएका समस्या समाधान गर्न पार्टीकै तर्फबाट प्रधानमन्त्रीलाई प्रतिवेदन पनि बुझाएका छन् । अहिले सहकारीमा देखिएको समस्या समाधान गर्न आफैं लागेका छौं भन्नुको पछाडि उनीहरू आफू कसरी बच्ने भन्ने उपायको खोजीमा रहेको प्रस्टै हुन्छ । रास्वपा पार्टी सहकारी ठगहरूको सञ्जाल भएको अभाव आम जनताले गर्न थालेका छन् । सरकारी प्रकरणलाई लिएर गृहमन्त्री रवि लामिछाने राजीनामा दिनुपर्ने कुरा उठिरहेका बेला सो पार्टीका उपसभापति एवं श्रममन्त्री डीपी अर्याल पनि यही लाइनमा आइपुगेका छन् ।
केदार भट्टराई (काका)
नेपालबहस डटकमका कार्यकारी सम्पादक केदार भट्टराई दुई दशकदेखि नेपाली पत्रकारितामा क्रियाशील छन् । भूगोल साप्ताहिकबाट पत्रकारिता शुरु गरेका पत्रकार भट्टराईले साप्ताहिक विमर्श, देशान्तर, रेडियो नेपाल वाणी नेटवर्कमा काम गरिसकेका छन् । भट्टराईले आर्थिक, राजनीतिक, भ्रष्टाचार एवं विकृति र विसंगतिका विरुद्ध तीखो कलम चलाउँदै आएका छन् ।
लेखकबाट थपभारतीय मूलका विनोद चौधरीका कर्तुत खोजिँदै, कसरी छिरे नेपाल ?
जेठ ११, २०८१ शुक्रबार
यस्तो छ सहकारीको शिर, दलीय वर्चश्वमा एमाले !
जेठ १०, २०८१ बिहिबार
रविको निशानामा देउवाको परिवारः आरजु र छोरा जयवीर माथि अनुसन्धानको तयारी
जेठ ९, २०८१ बुधबार
भारतीय मूलका विनोद चौधरीका कर्तुत खोजिँदै, कसरी छिरे नेपाल ?
नेपालबहस संवाददाता
जेठ ११, २०८१ शुक्रबार
के तपाईको हातमा पैसा जोगिदैन ? यी तरिकाहरु अपनाउनुस् !
नेपालबहस संवाददाता
जेठ १२, २०८१ शनिबार
भारतीय कारखानामा विस्फोट : मृत्यु हुनेको संख्या ११ पुग्यो
नेपालबहस संवाददाता
जेठ ११, २०८१ शुक्रबार
पाक्वेटालाई स्पट फिक्सिङको आरोप, १० बर्षको प्रतिबन्ध लाग्न सक्ने
नेपालबहस संवाददाता
जेठ ११, २०८१ शुक्रबार
फेरिए नारायणी अस्पतालको मेसु, डा.एनामुलले पाए जिम्मेवारी
जेठ १३, २०८१ आइतबार
तपाईको आजको राशीफल कस्तो छ ?
जेठ १३, २०८१ आइतबार
अस्पतालमा आगलागी हुँदा सात नवजात शिशुको मृत्यु
जेठ १३, २०८१ आइतबार
स्वास्थ्य मन्त्रालयको बेरुजु ३ अर्ब
जेठ १३, २०८१ आइतबार
पत्नी बलात्कार मुद्दामा निलम्बित न्यायाधीश गिरी दोषी ठहर
जेठ १३, २०८१ आइतबार
ब्रोडब्यान्ड इन्टरनेट सेवाको पहुँच सबै स्थानीय तहको केन्द्रसम्म
जेठ १३, २०८१ आइतबार
सरकारसंगको सम्झौता कार्यान्वयन भएन : महन्थ ठाकुर
जेठ १३, २०८१ आइतबार
नेपालमा चिकित्सकको सङ्ख्या ४५ हजारभन्दा बढी, ८ सय ४९ विदेशी नर्स कार्यरत
जेठ १३, २०८१ आइतबार
देशभर बन्यो ३४ हजार दुई सय ६७ किलोमिटर सडक
जेठ १३, २०८१ आइतबार