सुदूरपश्चिममा मुख्यमन्त्रीलाई सत्ता पक्षकै असहयोग, विपक्षमा मतदान गर्न रेशम पक्षधरको ह्विप

२१ वैशाख, काठमाडौं। रेशम चौधरी पक्षधरको नागरिक उन्मुक्ति पार्टी समूहले मुख्यमन्त्री दीर्घ सोडारीलाई विश्वासको मत नदिन ह्विप जारी गरेको छ ।

नागरिक उन्मुक्ति पार्टी सुदूरपश्चिम प्रदेश संसदीय दलका प्रमुख सचेतक खुशीराम डगौराले शुक्रबार सोडारीलाई विश्वासको मत नदिन नाउपाका सांसदहरूलाई जारी गरेका हुन् । नाउपामा रेशम र रञ्जिता पक्ष समूहमा सांसदहरू विभाजित छन् । रेशम पक्षका ४ र रञ्जिता समूहमा ३ सांसद छन् । 

 यता रन्जिता श्रेष्ठ पक्षका सांसद भने विश्वासको मत दिने तयारीमा छन् ।  मुख्यमन्त्री सोडारीले शुक्रबार विश्वासको मत लिने कार्यक्रम रहेको छ ।