गृहमन्त्रीको राजीनामा हाम्रो माग होइन, संसद चल्न संसदीय छानबिन समिति बन्नुपर्छः कोइराला
नेपालबहस संवाददाता
बैशाख २२, २०८१ शनिबार १६:४२:२२
२२ वैशाख, कोहलपुर । नेपाली कांग्रेसका वरिष्ठ नेता डा. शेखर कोइरालाले संसदीय छानबिन समिति नबनेसम्म कांग्रेसले संसद बैठक चल्न नदिने बताएका छन् । उनले सरकारले संसदीय छानबिन समिति नबनाए बजेट अधिवेशन चल्न सक्दैन भन्ने कुरा प्रष्टसँग बुझ्नुपर्ने बताएका छन् । गृहमन्त्री रवि लामिछानेको राजीनामा कांग्रेसको माग नभएको उनको भनाइ छ ।
राष्ट्र नै नरहने गरी राजनीति गर्नु अपराध भएको भन्दै उनले राष्ट्र र जनताका माग सम्बोधन गर्नका लागि कांग्रेसले संसदीय छानबिन समिति माग गरेको बताए । राजनीति गर्नेले आफू र आफ्नो राजनीतिक फाइदाभन्दा जनता हेर्नुपर्छ, जनताका माग सम्बोधन गरिनुपर्छ, यदि जनताका माग सम्बोधन हुँदैनन् र उनीहरुको समस्यामा सरकार बोल्दैन भने संसद चल्नुको अर्थ नहुने कोइरालाले बताए ।
कोइरालाले सहकारी ठगीमा मुछिएका गृहमन्त्री रबि लामिछानेको अनुसन्धानका लागि संसदीय छानबिन समिति नबनेसम्म कांग्रेसले संसद चल्न नदिने दोहर्याए । हामीले गृहमन्त्रीको राजीनामा मागेका होइनौं, संसदिय छानबिन बनाऔँ, सहकारी ठगीमा उहाँको संलग्नता नदेखिए उहाँ गृहमन्त्री रहिरहनु हुनेछ तर संसदीय समिति बनाउन सरकार किन डराएको हो, कोइरालाले भने ।
‘सबै जनता सहकारी पीडित छन, उनीहरुको मुद्दामा खेलबाड भइरहेको छ, जनता मेरो पैसा खायो भनिरहेका छन । खानेले छैन भन्छ । छानबिन गरौं भन्दा सरकार मान्दैन । छानबिन समिति बनाउन नहुने कारण के छ किन सरकार डराएको हो ? समिति बनाउँदा प्रधानमन्त्रीलाई के आपत्ति हुन्छ ?’उनले भने ।
अर्को फरक प्रसंग उठाउँदै कोइरालाले पार्टीका सबै सदस्यहरूले आपसी मनमुटाव र नमिठा बिगत बिर्सेर पार्टी संगठनमा एकजुट हुन स्थानीय नेता एवं कार्यकर्तालाई निर्देशन दिए । पार्टी एक भए कुनै पनि निर्वाचनमा कांग्रेसले गठबन्धनका नाममा कसैको बैशाखीको सहारा लिनु नपर्ने बताए । लोकतान्त्रिक पार्टी भएकाले महाधिवेशनका समयमा आन्तरिक प्रतिस्पर्धा र गुटबन्दी देखिनु सामान्य भएको बताउँदै कोइरालाले भने, तर त्यो तिक्तता र गुटबन्दीलाई लिएर सधैं हिँडिराख्नु राम्रो होइन ।
कोइरालाले चौतर्फी रुपमा देश अप्ठ्यारो परिस्थितिबाट गुज्रिरहेकोले नेताहरूले देशको माटो र जनतालाई सम्झेर संवेदनशील र जिम्मेवार हुनुपर्ने बताए । निर्वाचन प्रणाली नै अहिलेको समस्याको मुल जड भएको बताउँदै कोइरालाले निर्वाचन प्रणाली परिवर्तन गरेर देशलाई निकास दिन संघीय संसदको पहिलो दल कांग्रेस र दोस्रो दल एमाले एक ठाउँमा उभिनु पर्ने समेत प्रष्ट पारे ।
२०६४ को संविधानसभापछि लगातार ४ जना कम्युनिस्ट प्रधानमन्त्री बन्दासमेत संविधान बन्न नसकेको प्रसंग उल्लेख गर्दै कोइरालाले भने, ‘२०७० को दोस्रो संविधानसभामा जब कांग्रेस र एमाले पहिलो र दोस्रो पार्टी भए, कांग्रेस र एमाले एकै ठाउँमा उभिए अनि संविधान जारी भयो । जब देशमा अप्ठ्यारो परिस्थिति आउँछ तब कांग्रेस र एमाले एकै बिन्दुमा उभिएर समस्या समाधान गरेको उदाहरण छ । अब पनि त्यो आवश्यक छ ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसंसदीय छानबिन समितिको टीओआर बनाउन कानून मन्त्रीको संयोजकत्वमा कार्यदल गठन
जेठ ५, २०८१ शनिबार
सहकारी प्रकरणसम्बन्धी छानबिन समिति बनाउने सहमति, मोडालिटीबारे छलफल बाँकी
जेठ ५, २०८१ शनिबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
शनिबार शनिदेवको प्रिय दिन, आज शनि महाराजले कसलाई लाभ-हानी दिन्छन् ?
जेठ ५, २०८१ शनिबार
ठमेलमा खाना तथा हस्तकला मेला
जेठ ५, २०८१ शनिबार
स्टार्टअपलाई १० वर्ष आयकर छुट, सहज ब्याजदरको कर्जा सुविधा
जेठ ५, २०८१ शनिबार
चोरीमा संलग्न रहेको अभियोगमा ६ जना पक्राउ
जेठ ५, २०८१ शनिबार
संसदीय छानबिन समितिको टीओआर बनाउन कानून मन्त्रीको संयोजकत्वमा कार्यदल गठन
जेठ ५, २०८१ शनिबार
बाँकेको जमुनाहा नाका आज रातिबाट बन्द हुँदै
जेठ ५, २०८१ शनिबार
उमेर नपुग्दै गर्भपतनले स्वास्थ्य समस्या बढ्दै
जेठ ५, २०८१ शनिबार