जसपापछि नेकपा एसलाई फूटाउने कोसिस
नेपालबहस संवाददाता
बैशाख २३, २०८१ आइतबार २२:४२:९
२३ वैशाख, काठमाडौं । वर्तमान सत्ता समीकरण जोगाउनका लागि एमाले–माओवादीको मिलेमतोमा जनता समाजवादी पार्टीलाई विभाजन गरेपछि अर्को चरणमा नेकपा एस तार्गेटमा परेको छ । उपप्रधानमन्त्री एवं स्वास्थ्य तथा जनसंख्या मन्त्रीको पार्टी फुटाएपछि माधवकुमार नेपालको नेकपा एकीकृत समाजवादी पार्टी विभाजन गर्ने तयारी भएको स्रोतले जनाएको छ । नेकपा एसभित्र असन्तुष्ट रहेको पक्षलाई फुटाउने र एमालेमा समाहित गर्ने गरी योजना बनाइएको स्रोतको दावी छ ।
प्रधानमन्त्री पुष्पकमल दाहाल ‘प्रचण्ड’ नेतृत्वको सरकारमा गडबडी आउने संकेतपछि उपेन्द्र यादवको जनता समाजवादी पार्टी 'जसपा' नेपाल सत्ताधारीले नै फुटाइदिएका छन् । उपेन्द्र अमेरिकाबाट फर्किनुभन्दा अगाडि नै उनको पार्टी शक्ति केन्द्रले फुटाइदिएको हो । प्रचण्ड–ओलीको निरन्तर वार्तापछि साना दलहरू फुटाउने गृहकार्य सुरु भएको हो । त्यसको पहिलो शिकार स्वास्थ्यमन्त्री उपेन्द्र यादवको जसपा नेपाल बनेको छ । जसपा, नेपालका १२ जना संसदमध्ये उपेन्द्रको पक्षमा राज किशोर यादव, दीपक कार्की, प्रकाश अधिकारी र रेखा यादव मात्र बाँकी छन ।
अशोक राईसहित ७ जना सांसद भने जनता समाजवादी पार्टी दर्ता गराएर उपेन्द्रबाट अलग भएका छन् । अशोकसँग सांसदहरु डा. वीरेन्द्रकुमार महतो, प्रदीप यादव, हसिना खान, नवलकिशोर शाह सुडी, रञ्जु ठाकुर र सुशीला श्रेष्ठ विभाजन भएर गएका हुन् । एकीकृत समाजवादीका बहुमत सांसद माधवको विपक्षमा रहेका दाबी गरिएको छ । अन्तिममा मेटमणि चौधरी र उनी मात्र पार्टीमा रहने समेत चर्चा हुन थालेको छ । नागरिक उन्मुक्ति पार्टी, लोकतान्त्रिक समाजवादी पार्टी 'लोसपा' नेपाल र जनमत हुँदै त्यसको पराकम्पन राष्ट्रिय स्वतन्त्र पार्टी 'रास्वपा' सम्म पुग्ने आँकलन गरिएको छ । नेकपा एसभित्र राजेन्द्र पाण्डे, किसान श्रेष्ठ, प्रेम आले, धनबहादुर बूढाले नयाँ दल दर्ताका लागि कोसिस गरिरहेको स्रोतको दावी छ ।
महाधिवेशनको सम्मुखमा रहेको नेकपा एसभित्र पनि विवाद रहेको मौका छोपेर सत्ता गठबन्धनले त्यहाँ पनि खेल्न थालेको स्रोतको दावी छ । गत वर्ष भदौ १ गते नेकपा एसले माओवादीसँग पार्टी एकता गर्ने भन्दै पार्टी एकता संयोजन समिति बनाउने तयारी गरेपछि नै विवादमा रहेको बेला पार्टीका नेताहरुले अर्को दल गठनको तयारीमा थिए । तर माओवादीसँगको एकता प्रकृया टरेपछि भने सरकारमा जाने वा नजाने भन्ने बारेमा पनि विवाद रहेको थियो । अहिले एसभित्र रहेका सांसदले पार्टी विभाजन गर्ने अवस्था आए माओवादी र एमालेले तुरुन्तै सहयोग गर्ने अवस्था रहेको एमालेका एक नेताले बताए ।
शनिवार साँझ एमाले अध्यक्ष केपी शर्मा ओली, माओवादीका अध्यक्ष एवं प्रधानमन्त्री प्रचण्ड र गृहमन्त्री रवि लामिछानेबीच भएको भेटघाटमा जसपाका विद्रोही सांसदहरुले नयाँ दल गठन गर्न निर्वाचन आयोगमा निवेदन दिएमा उनीहरुलाई सहजीकरण गर्ने निर्णय गरेका थिए । सरकारले नै नयाँ दल गठनका लागि सहयोग गरेपछि अशोक राई नेतृत्वमा नयाँ जसपा खुलेको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसरकार बनेको महिना दिन पुग्दापनि सुदूरपश्चिममा मन्त्रिपरिषद्ले किन पूर्णता पाएन ?
जेठ १२, २०८१ शनिबार
देशमा संविधान र विधिको शासन हुनुपर्दछ : पूर्वराष्ट्रपति यादव
जेठ १२, २०८१ शनिबार
कार्यदलको बैठकमा जुटेन सहमति, टीओआर टुंग्याउन शीर्ष नेताको बैठक भोलि बस्ने
जेठ १२, २०८१ शनिबार
अवैध नदीजन्य पदार्थ ओसारपसार गरिरहेका टिपर स्थानीयको नियन्त्रणमा
नेपालबहस संवाददाता
जेठ १०, २०८१ बिहिबार
यस्तो छ सहकारीको शिर, दलीय वर्चश्वमा एमाले !
केदार भट्टराई (काका)
जेठ १०, २०८१ बिहिबार
भारतीय कारखानामा विस्फोट : मृत्यु हुनेको संख्या ११ पुग्यो
नेपालबहस संवाददाता
जेठ ११, २०८१ शुक्रबार
के तपाईको हातमा पैसा जोगिदैन ? यी तरिकाहरु अपनाउनुस् !
जेठ १२, २०८१ शनिबार
तपाईको आजको राशीफल कस्तो छ ?
जेठ १२, २०८१ शनिबार
के क्रिकेटर हार्दिक र नतासाको डिभोर्स भएको ?
जेठ १२, २०८१ शनिबार
सरकार बनेको महिना दिन पुग्दापनि सुदूरपश्चिममा मन्त्रिपरिषद्ले किन पूर्णता पाएन ?
जेठ १२, २०८१ शनिबार
देशमा संविधान र विधिको शासन हुनुपर्दछ : पूर्वराष्ट्रपति यादव
जेठ १२, २०८१ शनिबार
पत्रकार पूर्णिमाद्वारा सगरमाथा आरोहणमा विश्व कीर्तिमान
जेठ १२, २०८१ शनिबार
भारतको सहयोगमा दाङ जिल्लामा निमार्ण गरिएको विद्यालय भवनको उद्घाटन
जेठ १२, २०८१ शनिबार
‘थाइराइड देखिँदैमा सन्तान जन्मिदैन भन्ने भ्रममात्र’
जेठ १२, २०८१ शनिबार
नुवाकोटमा पौडी खेल्ने क्रममा दुई युवाको मृत्यु
जेठ १२, २०८१ शनिबार