सुनको मूल्य पाँच सयले बढ्यो, कतिमा हुँदैछ कारोबार ?

३० वैशाख, काठमाडौं । स्थानीय बजारमा पहेँलो धातुको मूल्य तोलामा पाँच सयले वृद्धि भएको छ । नेपाल सुनचाँदी व्यवसायी महासंघका अनुसार शुक्रबार प्रतितोला एक लाख ३७ हजार नौ सयमा कारोबार भएको छापावाल सुन आजका लागि भने एक लाख ३८ हजार चार सय निर्धारण भएको छ । 

त्यस्तै, तेजाबी सुन शुक्रबार प्रतितोला एक लाख ३७ हजार दुई सय ५० मा कारोबार भएकामा आजका लागि भने  एक लाख ३७ हजार सात सय ५० निर्धारण भएको छ । 

चाँदीको मूल्य भने तोलामा १० ले घटेको छ । शुक्रबार प्रतितोला एक हजार सात सय ३५ मा कारोबार भएको चाँदी आजका लागि भने एक हजार सात सय २५ निर्धारण भएको छ ।