सहकारी मार्फत महिला व्यावसायिक बन्दै
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
जेठ ८, २०८१ मंगलबार १२:६:२४
![](https://nepalbahas.prixacdn.net/media/albums/Garamid_Photo_GCVOdXfSJX_2r1q6TqxSU.jpg)
८ जेठ, स्याङ्जा । स्याङ्जाको अर्जुनचौपारीमा रहेको ग्रामीण स्वावलम्बन साना किसान कृषि सहकारी संस्था मार्फत महिलाहरू व्यावसायिक बन्दै गएका छन् । सहकारीले पशुपालन र कृषिमा लगानी बृद्धि गरेपछि महिला व्यावसायिक बन्दै गएका हुन् ।
सहकारीले पशुपालनमा ८ करोड र कृषिमा ९ करोड सहित समग्रमा २६ करोडको लगानी गरेको छ । सहकारी मार्फत एकसय घरपरिवारले चार हजार बाख्रापालन, ५० घरपरिवारले ५ सय भैसीपालन र १० घरपरिवारले एकसय ५० वटा बंगुर पालन गर्दै आएका छन् । पशुपालन र कृषि पेशा गर्नेमा ९० प्रतिशत महिला आबद्ध छन् ।
लगानीको कुल हिस्सा मध्ये ९० प्रतिशत पशुपालन र कृषि क्षेत्रमा लगानी गरेको सहकारीका अध्यक्ष बोधनारयण रेग्मीले बताए । पशुपालन र कृषि तर्फको कुल लगानीमा १० प्रतिशत पुरुष र ९० प्रतिशत महिलाहरू व्यावसायिक बन्दै गएको अध्यक्ष रेग्मीले बताए । महिलाहरू व्यावसायिक बन्दै जाँदा पालिका दुध र मासुमा आत्मनिर्भर बन्दै गएको उनले दाबी गरे ।
उत्पादित दुध, मासु र तरकारीको स्थानीय बजारमै खपत हुने गरेको छ । ग्रामीण बजारमा खपत हुन नसक्ने वस्तुलाई छिमेकी पालिका पुतलीबजार, भीरकोट, वालिङ र पोखरामा लगेर बिक्री वितरण गरिएको छ । उत्पादनमा जोडिएका व्यावसायिक महिलाहरूको आर्थिक अवस्थामा समेत परिवर्तन आएको महिलाहरूको भनाई छ ।
महिलाहरुले बाख्रापालनबाट खसि बोकासँगै पाठापाठीको बिक्रीबाट राम्रो आम्दानी लिन सफल भएका छन् । मासुका लागि खसिबोका र नयाँ समूहमा आबद्ध सदस्यलाई पाठापाठी बिक्री गर्दै आएका छन् । भैसीपालनमा आबद्ध महिलाले त दिनमै १५ सयदेखि दुई हजारसम्म आम्दानी लिने गरेका छन् । बंगुर पालनमा आबद्ध महिलाहरू आम्दानीबाट प्रफुल्ल देखिन्छन् ।
सहकारीले म्यादी बिमा, पशु बिमा, उन्नत जातको बिउबिजन वितरण र पशु स्वास्थ्य कार्यकर्ता मार्फत पशु हेरचाहको सेवा प्रबाह गर्दै आएको छ । सहकारीमा दुईसय ५ समूहमा आबद्ध झण्डै ४५ सय सदस्यलाई सहकारी शिक्षा तथा वित्तिय साक्षरता प्रदन गरेको छ ।
सदस्यहरूको आर्थिक र सामाजिक स्तरमा बढ्वा दिन सहकारीकै लगानीमा म्यादी बिमा र पशु बिमा गरेको सहकारीका प्रबन्धक शालिग्राम काफ्लेले बताए । “मौसम तथा बेमौसमी तरकारी, फलफुल खेतीका लागि उन्नत जातको बिउबिजन दिने गरेका छौं ।” प्रबन्धक काफ्लेले भने, “पशु स्वास्थ्यको हेरचाह र उपचार पद्धतिमा सदस्यको क्षमता अभिबृद्धिमा ध्यान दिएका छौं ।”
संस्थाले भण्डै ३ करोडको लगानीमा १८ कोठे तीन तलाको व्यावसायिक भवन समेत बनाएको छ । भवनमा बहुउद्देश्यीय व्यापारिक प्रयोजन र कार्यालय संचालन गरिएको छ । सहकारीले पालिका ६ वटा वडा मध्ये ५ वटा वडामा प्रत्यक्ष सेवा प्रवाह गर्दै आएको सहकारीले जनाएको छ ।
महिलाहरू व्यावसायिक बन्दै जाँदा घरपरिवारमा हुने खर्च कटौती र बचतमा टेवा पुग्ने गरेको पुरुष सदस्यहरूको अनुभव छ । घरपरिवार बालबच्चामा हुने खर्चमा मितव्यायी हुने र फजुल खर्च नहुने भएपछि आम्दानीमा समेत बढोत्तरी आएको उनीहरुले बताए । पुरुषको तुलनामा महिलाबाट हुने आम्दानी टिकाउ भएको उनीहरुको भोगााई छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसरकारी निकायसँग भएका डकुमेन्टबाट सहकारी ठगीको छानबिन थाल्ने समितिको निर्णय
असार २, २०८१ आइतबार
कछुवा गतिमा काम गरिरहेको सहकारी छानबिन समितिले आज कार्यविधि पास गर्ने
असार २, २०८१ आइतबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालले टी- २० विश्वकप अन्तर्गत भोलि बिहान दक्षिण अफ्रिकासँग खेल्दै
नेपालबहस संवाददाता
जेठ ३२, २०८१ शुक्रबार
५१ प्रहरी कर्मचारीहरुलाई ट्राफिक प्रशासन तालिम प्रदान
असार २, २०८१ आइतबार
नक्कली लाइसेन्स प्रकरणमा यातायात कार्यालयका तत्कालीन प्रमुखसहित ५ जना पक्राउ
असार २, २०८१ आइतबार
काठमाडौं उपत्यकामा पेट्रोलियम पदार्थको अभाव !
असार ३, २०८१ सोमबार
नदी धमिलिने बित्तिकै मेलम्ची बन्द
असार ३, २०८१ सोमबार
नेपाल भाषा पत्रकारिताको सय वर्ष र मुलुकको मातृभाषा
असार ३, २०८१ सोमबार
सङ्खुवासभा बाढीपहिरो : १० वर्षमा २१ जनाको मृत्यु, ३८ जना बेपत्ता
असार ३, २०८१ सोमबार
६ किलो सुन र ४८ लाख नगदसहित पक्राउ परेका चिनियाँसँग भेटियो नेपाली नागरिकता
असार ३, २०८१ सोमबार