अज्ञात समूहले माचमा आगो लगाएपछि बेलबारीका किसान आतङ्कित
नेपालबहस संवाददाता
जेठ ८, २०८१ मंगलबार १३:५६:४९
८ जेठ, मोरङ । अज्ञात समूहले केही दिनदेखि बस्तीमा रहेका परालका माचमा आगो लगाउन थालेपछि मोरङ बेलबारीका स्थानीय किसान आतङ्कित बनेका छन् । गत आइतबार मध्यराति एकै गाउँका पाँच स्थानमा रहेका परालको माचमा आगो लगाइएको थियो । त्यसअघि वैशाख २४ गते राति बेलबारी–९ पोखरियाका रमेश कार्कीको परालको माचमा आगो लागेको थियो ।
स्थानीय सुनिल कार्कीले अन्जानबस कसैले फालेको चुरोटको ठुटोबाट आगलागी भएको अनुमान गरे पनि त्यसपछि अन्य स्थानमा पनि आगलागी हुन थालेपछि जानीजानी आगो लगाएको निष्कर्षमा आफूहरू पुगेको बताए । “बाटो नजिकै माच रहेको हुनाले कसैले फालेको चुरोटको ठुटोबाट आगलागी भएको हुनसक्ने अनुमान थियो तर त्यसपछि गाउँका अन्य व्यक्तिका माचमा पनि निरन्तर आगलागी हुन थालेपछि कसैले जानीजानी आगो लगाएको अनुमान गरेका छौँ,” कार्कीले भने ।
बेलबारी–९ का वडाअध्यक्ष शालिग्राम बस्नेतले कार्कीको माचमा आगलागी भएकै दिन शम्भु आचार्यको करिब ६० बोट केरा र काली माध्यमिक विद्यालय छेउमा रहेको टङ्क पौडेलको बारीबाट मकै काटिएकाले अज्ञात समूहले जानीजानी यस्तो काम गरिरहेको हुनसक्ने बताए ।
फेरि गत शनिबार राति बेलबारी–९ विष्ट चोकमा लोकबहादुर खड्काको परालको माच र बेलबारी–११ का गणेश पराजुलीको गोठमा आगो लागेको प्रहरी चौकी डाँगिहाटका प्रमुख टङ्क दाहालले जानकारी दिए । आगलागीबाट पराजुलीका गाईभैँसी र बाख्रा जलेर क्षति पुगेको उनले बताए । अर्को दिन आइतबार राति ११ः४५ बजे देखि १२ः३० बजेभित्रमा करिब पाँच सय मिटरभित्रका पाँच परालका माचमा आगो लगाइएकाले सुनियोजितरूपमा भएको हो वा अन्य कारणले भन्ने विषयमा अनुसन्धान भइरहेको दाहालले बताए ।
वडाअध्यक्ष बस्नेतले दिएको जानकारीअनुसार पोखरियामा आइतबार राति कालीबहादुर न्यौपाने, नरबहादुर अधिकारी, युवराज बस्नेत, ओमनाथ खड्का, विष्णुमाया बराल र गत साता नलबारीस्थित खेमबहादुर पाण्डे र मानबहादुर पाण्डेको परालको माचमा आगो लागेको थियो ।
आगलागीका घटना नरोकिएपछि टोल विकास समितिमार्फत गस्ती गर्न थालिएको र शङ्कास्पद व्यक्ति भेटिए प्रहरीमा खबर गरिने अध्यक्ष बस्नेतले बताए । इलाका प्रहरी कार्यालय बेलबारीका प्रमुख प्रहरी निरीक्षक तेजबहादुर दाहालले पनि घटनाको अनुसन्धान भइरहेको र स्थानीयसँगको सहकार्यमा प्रहरीले पनि गस्ती सुरू गरेको जानकारी दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकोशीमा ‘एक विद्यालय, एक नर्स कार्यक्रम’ प्रभावकारी
असार ३, २०८१ सोमबार
कोशी प्रदेशमा दश वर्षमा चट्याङ लागेर दुई सय ५४ जनाले ज्यान गुमाए
असार ३, २०८१ सोमबार
कोशीमा स्वास्थ्य क्षेत्रमा साढे ३ अर्बको बजेट
असार २, २०८१ आइतबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालको हारले फ्यानका आँखामा आँसु, टुट्यो सुपर–८ को सपना !
नेपालबहस संवाददाता
असार १, २०८१ शनिबार
सन्दीपको सय विकेट, शतक पूरा गर्ने दोस्रो बलरको कीर्तिमान
असार ३, २०८१ सोमबार
नक्कली लाइसेन्स प्रकरणमा यातायात कार्यालयका तत्कालीन प्रमुखसहित ५ जना पक्राउ
असार २, २०८१ आइतबार
दार्जिलिङ रेल दुर्घटना : मृत्यु हुनेको संख्या १५ पुग्यो
असार ३, २०८१ सोमबार
उत्तर कोरिया जाँदै रुसी राष्ट्रपति पुटिन
असार ३, २०८१ सोमबार
प्रधानमन्त्रीसँग विश्व बैंकका वरिष्ठ प्रबन्ध निर्देशकको शिष्टाचार भेट
असार ३, २०८१ सोमबार
सडक कालोपत्र गर्ने काम बीचमै छाडेर ठेकेदार फरार
असार ३, २०८१ सोमबार
पार्टीमा वैचारिक मतभेद छैनः अध्यक्ष नेपाल
असार ३, २०८१ सोमबार
विश्व बैंकको अनुदानमा बागलुङका तीन सडक कालोपत्र हुँदै
असार ३, २०८१ सोमबार
विश्व बैंकका वरिष्ठ प्रबन्ध निर्देशक ट्रोटसनबर्ग र अर्थमन्त्री पुनबीच भेटवार्ता
असार ३, २०८१ सोमबार