व्यापार घाटा रु १३ खर्बभन्दा माथि पुग्ने,आयात–निर्यात दुवैमा भारतको हिस्सा बढी
![इन्द्र रिजाल](
https://nepalbahas.prixacdn.net/media/albums/Indra_Rijal_MwZXtSM0ir.jpg
)
इन्द्र रिजाल
जेठ २७, २०७६ सोमबार २०:१०:३
![](https://nepalbahas.prixacdn.net/media/albums/Nepal-export-import-e1572672099304_gR3SYpJ7I7.jpg)
काठमाडौं । भन्सार विभागले हालै देशको वैदेशिक व्यापारको प्रथम दश महिनाको तथ्यांक प्रकाशित गरेको छ । उक्त तथ्यांकलाई हेर्दा मुलुकको व्यापारघाटा भीषण ओरालोतर्फ उन्मुख हुने क्रम चालु आर्थिक वर्षको प्रथम दश महिनामा पनि यथावत जारी रहेको छ ।
आर्थिक वर्ष २०७५/७६ को प्रथम दश महिनामा गत आर्थिक वर्षको सोही अवधिको तुलनामा व्यापारघाटामा २०.६ प्रतिशतको भारी वृद्धि भएको छ । आयातमा भएको १९.९१ प्रतिशतको वृद्धिका कारण यो अवस्था सिर्जना भएको हो । समीक्षा अवधिमा निर्यातमा १७.८४ प्रतिशतको वृद्धि देखिएता पनि निर्यातको आकार नै आयातको तुलनामा अत्यन्त सानो भएको हुनाले कुल व्यापार घाटामा सुधार आउन नसकेको हो । देशभित्र औद्योगीकरणको राम्रो वातावरण बन्न नसक्नु, जग्गा जमीन बाँझो रहनु, श्रमिक शक्ति विदेशिनु र रेमिट्यान्सका कारण दैनिक उपभोग्य वस्तुहरुको माग बढ्दै जाँदा आयातमा भारी वृद्धिको अवस्था देखिएको हो ।
यही अवस्था कायम रहेमा यस वर्षको आयात करिब यस आर्थिक वर्षमा आयात रु. १४ खर्बभन्दा माथि जाने निश्चित छ भने निर्यात रु ९४ अर्बको हारहारीमा मात्र पुग्ने देखिन्छ । यसरी हेर्दा चालु आर्थिक वर्षको व्यापारघाटा मात्रै रु. १३ खर्ब भन्दा माथि पुग्ने सहजै अनुमान लगाउन सकिन्छ ।
यी हुन सबैभन्दा बढी व्यापार हुने भन्सार विन्दूहरु
नेपालको वैदेशिक व्यापारमा निर्याततर्फ विराटनगर भन्सार कार्यालयले पहिलो स्थान ओगट्न सफल भएको छ । आयातमा पहिलो स्थान ओगट्न सफल भएको वीरगञ्ज भन्सार कार्यालय निर्यातमा भने तेश्रो स्थानमा रहन गएको छ । भारतीय नाकावन्दी ताकाको प्रभाव स्वरुप भैरहवा भन्सार कार्यालय आयात व्यापारमा दोश्रो ठूलो भन्सारका रुपमा देखा परेको छ ।
सुदूरपश्चिम प्रदेशमा अवस्थित कैलाली भन्सार कार्यालय आयातमा पुछारमा रहेको भने निर्यातमा पुछारको भन्दा एकस्थान अगाडि रहेको छ । समग्रमा हेर्दा भन्सार विन्दूका आधारमा मुलुकको आयात र निर्यात वीरगञ्ज , विराटनगर र त्रिभुवन अन्र्तराष्ट्रिय बिमानस्थल गरि तीनवटा भन्सारविन्दूमा केन्द्रित रहेको पाइन्छ ।
यी हुन सबैभन्दा बढी व्यापार हुने देशहरु
यता देशगत रुपमा हेर्दा भारत नेपालको आयात निर्यात दुवैमा करिब दुईतिहाई हिस्साको नजिकमा रहेको देखिन्छ । आयातमा १४ प्रतिशतको हिस्सासहित दोश्रो स्थान ओगटेको चीन निर्यातमा भने दुई प्रतिशत हिस्सासहित छैठौं स्थानमा रहेको छ । आयातमा दश स्थानमा रहेको संयुक्त राज्य अमेरिका निर्यातमा भने ११ प्रतिशत हिस्सासहित दोश्रो स्थानमा रहेको छ । निर्यातका प्रमुख गन्तव्यहरुमा एशियाली मुलुक भारत, चीन, बंगलादेश र जापान छन् भने अन्य मुलुकहरुमा सबै जसो पश्चिमी मुलुकहरुको बाुहल्यता रहेको छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपमदिरा र सुर्तीजन्य वस्तुमा कर वृद्धि
जेठ १५, २०८१ मंगलबार
बजेटबारे नेताहरूको मिश्रित प्रतिक्रिया : कोही भन्छन्- राम्रो, कोही भन्छन् नराम्रो !
जेठ १५, २०८१ मंगलबार
सूचना प्रविधि आर्थिक विकासको रुपान्तरणकारी क्षेत्रमा समावेश
जेठ १५, २०८१ मंगलबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालको हारले फ्यानका आँखामा आँसु, टुट्यो सुपर–८ को सपना !
नेपालबहस संवाददाता
असार १, २०८१ शनिबार
सन्दीपको सय विकेट, शतक पूरा गर्ने दोस्रो बलरको कीर्तिमान
असार ३, २०८१ सोमबार
नक्कली लाइसेन्स प्रकरणमा यातायात कार्यालयका तत्कालीन प्रमुखसहित ५ जना पक्राउ
असार २, २०८१ आइतबार
जारी टी-२० विश्वकपको सुपर आठको समीकरण पुरा
असार ३, २०८१ सोमबार
कर प्रणालीमा सुधार भए यसै वर्ष थपिन्छ ३ खर्ब राजस्व
असार ३, २०८१ सोमबार
जातिवादको कारक मुगल र पश्चिमा संस्कृति
असार ३, २०८१ सोमबार
हुण्डीे र अनलाइन जुवामा अर्बमाथिको कारोबार, सीआईबीले समात्यो ७ जना
असार ३, २०८१ सोमबार
दार्जिलिङ रेल दुर्घटना : मृत्यु हुनेको संख्या १५ पुग्यो
असार ३, २०८१ सोमबार
बहिरीगामको जङ्गलमा देखिएको फुस्रो चैते चरा
असार ३, २०८१ सोमबार
मौरी घारबाट मह निकाल्दै किसान
असार ३, २०८१ सोमबार