भुक्तानी भन्दा पहिले ५० प्रतिशत भ्याट राजस्व खातामा पठाउन कोलेनिकालाई परिपत्र
![इन्द्र रिजाल](
https://nepalbahas.prixacdn.net/media/albums/Indra_Rijal_MwZXtSM0ir.jpg
)
इन्द्र रिजाल
असार ११, २०७६ बुधबार २०:४९:१२
![](https://nepalbahas.prixacdn.net/media/albums/mahalekha-parikchhan_NSFG_JJa9EnxkGu.jpg)
काठमाडौं।महालेखा नियन्त्रकको कार्यालय (मलेनिका)ले सबै कोष तथा लेखा नियन्त्रकको कार्यालय (कोलेनिका) लाई सरकारी निकायको ठेक्का, परामर्श शुल्क तथा सामान आपूर्तिको रकम भुक्तानी गर्दा मूल्य अभिवृद्धि कर (भ्याट)को ५० प्रतिशत कटौती गरेर मात्रै पैसा भुक्तानी दिन परिपत्र गरेको छ।
मंगलबार साँझ सम्पूर्ण कोलेनिकालाई परिपत्र गर्दै मलेनिकाले आन्तरिक राजस्व विभाग, नेपाल राष्ट्र बैंक र आफूबीच भएको छलफलका आधारमा संशोधित भ्याट नियमावली कार्यान्वयन गर्न भनेको छ।
मलेनिकाले गरेको परिपत्रअनुसार भ्याट दाखिला गर्दा बिलको भुक्तानी प्राप्त गर्ने निर्माण व्यवसायी, आपूर्तिकर्ता, परामर्शदाता वा सेवा प्रदायक जुन कर कार्यालयमा दर्ता भएका भएका छन् त्यसैको नामा चेक तयार गर्नुपर्नेछ। यसका लागि भुक्तानी आदेश पठाई सम्बन्धित कोलेनिकाबाट चेक प्राप्त गर्ने परिपत्रमा उल्लेख गरिएको छ। तर बिल भुक्तानी गर्ने कार्यालयले नै चेक जारी गर्ने अवस्थामा भने आफैँले भ्याट को ५० प्रतिशत राजस्व खातामा दाखिला गराउनुपर्ने परिपत्रमा भनिएको छ। सरकारी निकायले नै निर्माण व्यवसायी वा आपूर्तिकर्ता वा परामर्शदाता वा सेवा प्रदायकको नाममा सम्बन्धित कर कार्यालयको बैंक खातामा जम्मा गरिदिनुपर्ने पनि परिपत्रमा उल्लेख छ।
सरकारले आगामी आर्थिक वर्षको बजेटसँगै ल्याएको आर्थिक ऐनमार्फत मूल्य अभिवृद्धि कर नियमावली संशोधन गर्दै सरकारी ठेक्कामा निर्माण व्यवसायीले तिर्नुपर्ने भ्याटको ५० प्रतिशत रकम सम्बन्धित कार्यालयले राजस्व खातामा जम्मा गरेपछि मात्रै बाँकी रकम भुक्तानी दिनुपर्ने व्यवस्था गरेको थियो। त्यसैअनुसार मलेनिकाले सबै कोलेनिकालाई परिपत्र गरेको हो।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपटेलिकमको इन्टरनेशनल ब्यान्डविथ खरिदमा मुद्दा चलाउने अख्तियारको तयारी
जेठ ३१, २०८१ बिहिबार
बालमन्दिर प्रकरणः विशाल ग्रुपसँगको सेटिङमा गृह मन्त्रालय अनुसन्धान तुहाउँदै
जेठ ३०, २०८१ बुधबार
टेलिकममा अख्तियारको आँखाः दुई प्रबन्ध निर्देशकलाई बयान
जेठ ३०, २०८१ बुधबार
सन्दीपको सय विकेट, शतक पूरा गर्ने दोस्रो बलरको कीर्तिमान
असार ३, २०८१ सोमबार
नक्कली लाइसेन्स प्रकरणमा यातायात कार्यालयका तत्कालीन प्रमुखसहित ५ जना पक्राउ
असार २, २०८१ आइतबार
जारी टी-२० विश्वकपको सुपर आठको समीकरण पुरा
असार ३, २०८१ सोमबार
विश्व बैंकको अनुदानमा बागलुङका तीन सडक कालोपत्र हुँदै
असार ३, २०८१ सोमबार
विश्व बैंकका वरिष्ठ प्रबन्ध निर्देशक ट्रोटसनबर्ग र अर्थमन्त्री पुनबीच भेटवार्ता
असार ३, २०८१ सोमबार
करेण्ट चाउचाउमा किरा भेटिएको समाचार कपोलकल्पित फण्डा मात्रः यशोदा फुड्स
असार ३, २०८१ सोमबार
राष्ट्रपति पौडेललाई बर्लिनमा गार्ड अफ अनर
असार ३, २०८१ सोमबार
बाँके र बर्दियामा उखरमाउलो गर्मी, जनजीवन प्रभावित
असार ३, २०८१ सोमबार
इजरायलका प्रधानमन्त्री नेतन्याहुले विघटन गरे युद्ध क्याबिनेट
असार ३, २०८१ सोमबार