स्याङ्जाको चापाकोट र गल्याङमा हवाई फायर

४ मंसिर, पोखरा । स्याङ्जाको चापाकोट र गल्याङमा दलहरुबीच विवादपछि झडप भएको छ । झडपले उग्र रूप लिन नदिन भन्दै प्रहरीले ४ राउण्ड हवाइ फायर गरेको छ ।

चापाकोट नगरपालिका–१ को भानु मावि मतदानस्थलमा दलका प्रतिनिधिबीच विवाद हुँदा झडप भएपछि स्थिति नियन्त्रणमा लिन एक राउण्ड हवाइ फायर गरेको प्रहरीले जनाएको छ ।

यसैगरी गल्याङ–७ मनहरीखरणक मावि मतदानस्थलमा विवाद बढ्दै गएपछि प्रहरीले हवाइ फायर गरेको छ । चर्को भीडलाई नियन्त्रणमा लिन प्रहरीले हवाइ फायर गरेका प्रमुख जिल्ला अधिकारी गंगाबहादुर क्षेत्रीले जानकारी दिए ।

दुवै ठाउँमा मतदान प्रक्रिया लम्बिने भएको छ । अहिले मतदान सुरू भएको छ । पूर्वनिर्धारित समयभन्दा दुई घण्टा समय लम्बिने उनको भनाइ छ ।