गृहका ७ उपसचिहरूको सरुवा, ६ जिल्लाका सहायक प्रजीअ फेरिए

२१ वैशाख, काठमाडौं । गृह मन्त्रालयले एक सीडीओ र ६ जना सहायक सीडीओको सरुवा गरेको छ । गृह मन्त्रालय अन्तर्गतका ७ जना उपसचिवहरूको सरुवा गर्दै उनीहरुको पदस्थापन पनि गरिएको छ । ६ जनालाई सहायक प्रमुख जिल्ला अधिकारीमा सरुवा र पदस्थापन गरिएको छ । 

प्रजीअतर्फ जिल्ला प्रशासन कार्यालय मकवानपुरका झरेन्द्र प्रसाद चापागाईंलाई इलाका प्रशासन कार्यालय दमकमा सरुवा भएका छन् । सहायक प्रजीअतर्फ उत्तर कुमार घिमिरेलाई पर्साको सहायक प्रजीअ, नरेश कुमार यादवलाई रौतहटको सहायक प्रजीअ र महेश राज तिम्सिनालाई इलामको सहायक प्रजीअको रूपमा पठाइएको छ ।  

यस्तै उपसचिव लोकमान श्रेष्ठलाई मकवानपुरको सहायक प्रमुख जिल्ला अधिकारीमा पदस्थापन गरिएको छ । सिराहका सहायक प्रजीअमा भीमराज कोइराला र सप्तरीको सहायक प्रजिअमा जितेन्द्र कुमार यादवलाई पदस्थापन गरिएको छ ।