६ कार्तिक २०७८, शनिबार

संक्रमणकालीन विषय टुंग्याउन सक्षम: परराष्ट्रमन्त्री ज्ञवाली

प्रकाशित मिति :  २१ फाल्गुन २०७५, मंगलवार १९:२५


काठमाडौं । संक्रमणकालीन न्यायको विषय टुंग्याउन अन्तराष्ट्रिय समुदायको मद्दत आवश्यक नपर्ने परराष्ट्रमन्त्री प्रदीप ज्ञवालीले बताएका छन् ।

संक्रमणकालीन न्याय निरुपणको बारेमा बहस बढ्दै गइरहेका बेला मंगलबार सिंहदरबारमा आयोजित पत्रकार सम्मेलन ज्ञवालीले नेपाल आफैँ उक्त विषय टुंग्याउन सक्षम रहेको स्पष्ट पारे ।

केही साताअघि जेनेभा भ्रमणमा रहेका बेला परराष्ट्रमन्त्री परराष्ट्र ज्ञवालीलाई राष्ट्रसंघीय अधिकारीहरुले यसअघि द्वन्द्व समाधानमा अन्तराष्ट्रिय समुदायको सहयोग दिए जसरी नै संक्रमणकालीन न्याय निरुपणमा पनि राष्ट्रसंघले सघाउने उल्लेख गर्दै नेपालको धारणा मागेका थिए ।

ज्ञवालीले आफ्नो जेनेभा भ्रमणका क्रममा संयुक्त राष्ट्र संघले नेपालको संक्रमणकालीन न्याय निरुपणमा आवश्यक सहयोग गर्ने प्रतिवद्धता जनाएको पनि बताए । भ्रमणका क्रममा संयुक्त राष्ट्र संघीय मानव अधिकार उच्च आयुक्त मिचेल बेचेलेटले आफूसँगको भेटमा नेपालको संक्रमणकालीन न्याय निरुपणका लागि आवश्यक सहयोग गर्ने प्रतिबद्धता जनाएको उहाले जानकारी दिए ।

मन्त्री ज्ञवाली नेतृत्वको प्रतिनिधि मण्डल परिषदको बैठकमा सहभागी भएर गत फागुन १६ गते स्वदेश फर्किएको थियो । त्यस्तै मन्त्री ज्ञवालीले राष्ट्रपति विद्यादेवी भण्डारी आगामी फाल्गुन २६ गते कमिशन अन द स्टाटस अफ वमेनको ६३ औं सेसनमा भाग लिन अमेरिकाको न्यूर्योक जाने कार्यक्रम तय भएको जानकारी पनि दिए । मार्च ११ देखि २२ सम्म न्यूयोर्कमा सो कार्यक्रम आयोजना गरिएको परराष्ट्र मन्त्रालयले जनाएको छ ।


इन्द्र रिजाल नेपालबहस डटकमका प्रधान सम्पादक हुन् । अर्थराजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथ चित्रण गर्छन् ।
प्रतिक्रिया दिनुहोस !
छुटाउनुभयो कि?
ताजा