काठमाडौं । प्रधानमन्त्री केपी शर्मा ओली उपचारका लागि शिक्षण अस्पताल भर्ना भएका छन् । नियमित उपचारका लागि प्रधानमन्त्री ओली त्रिवि शिक्षण अस्पताल परिसरमा रहेको मनमोहन कार्डियोथोरासिक तथा भास्कुलर सेन्टरमा भर्ना भएका हुन् ।
प्रधानमन्त्रीको उपचार एवम् परीक्षण प्राध्यापक डाक्टर अरुण सायमीको संयोजकत्वमा भइरहेको र उनको स्वास्थ्य स्थिति सामान्य रहेको शिक्षण अस्पतालले जनाएको छ ।
प्रधानमन्त्री ओलीको मुटुको नियमित परीक्षणका लागी एक दिन भर्ना गरिएको डाक्टर सायमीले जानकारी दिए । उपचारका क्रममा थप केही परीक्षण गर्न उपयुक्त देखिएकाले अब्जरभेशनमा राखिएको पनि सेन्टरले बताएको छ ।
