काठमाडौं । पूर्वराजा ज्ञानेन्द्र शाहले मध्यतराई भ्रमण बुधबार आजदेखि सुरु गरेका छन् । पूर्व मुमा बडामहारानी रत्न शाहको स्वास्थ्यमा सुधार आएपछि उनले रोकेको भ्रमण पुन अगाडि बढाएका हुन् ।
अस्वस्थ भएर मुमा बडामहारानी अस्पताल भर्ना भएपछि पूर्वराजा ज्ञानेन्द्र शाहको मध्यतराई भ्रमण स्थगित भएको थियो । आज उनले धुनषाबाट भ्रमण सुरु गर्ने कार्यतालिका छ ।
आज जनकपुरमा बास बसेर बिहीबार सर्लाहीको मलङ्गवामा रहेको दुर्गा मन्दिरमा पूजापाठ गर्ने र जनकपुरमै बास बस्न फर्किने भ्रमण तालिका रहेको छ ।
त्यस्तै उनले चैत १ गते जानकी मन्दिरमा, २ गते उदयपुरको गाइघाट स्थित राधाकृष्ण मन्दिर र ३ गते सप्तरीको सखडा भगवतीको मन्दिरमा पुजापाठ एवं दर्शन गर्ने कार्य तालिका छन् ।
भ्रमणको क्रममा उनी राजनीतिक दलका स्थानीय नेता तथा कार्यकर्ताहरुसँग मुलुकको पछिल्लो राजनीतिक अवस्थाबारे परामर्शसमेत गर्ने बताइएको छ ।
