जनकपुर । अन्तगृह परिक्रमाको एक दिनपछि जनकपुरधाममा होली हुने भएकाले यसपाली शुक्रबार हुने भएको छ ।तराईका जिल्लामा आज होली हुने भएपनि जनकपुरमा भने भोली मात्रै होली हुने भएको हो ।
प्रदेश सरकारले जनकपुरमा भोली विदा समेत दिएको छ । आज परिक्रमाको समापनको कार्यक्रम छ । १५ दिने मिथिला मध्यमा परिक्रमाको अन्तगृह परिक्रमा गरी पूर्णाहुति गर्ने परम्परा रहेको छ ।
होलीका दिन जनकपुरधामको चोक चोकमा एक अर्कालाई रंग अबिर दलेर होली खेल्ने परम्परा रहेको छ ।नगरको केही स्थानमा मटकाफोर कार्यक्रमको आयोजना समेत गरिने गरिन्छ । मिथिलाको होली हेर्न ठूलो संख्यमा विदेशी पर्यटक जनकपुरधाम पुग्ने गरेका छन् ।
