३ कार्तिक २०७८, बुधबार
राजनीति

दिनेशकुमार थपलिया निर्वाचन आयोगको प्रमुख आयुक्तमा सिफारिस

प्रकाशित मिति :  ११ चैत्र २०७५, सोमबार १८:३८


काठमाडौं । संवैधानिक परिषद्ले संघीय मामिला तथा सामान्य प्रशासन मन्त्रालयका सचिव दिनेशकुमार थपलिया निर्वाचन आयोगको प्रमुख आयुक्तमा सिफारिस गरेकोछ ।

सिंहदरबारमा सोमबार बसेको संवैधानिक परिषद्को बैठकले निर्वाचन आयोगको प्रमुख आयुक्तमा सचिव थपलियालाई सिफारिस गर्ने निर्णय गरेको हो । सचिव थपलियाले सचिव पदबाट आज नै राजीनामा दिएको बुझिएको छ ।

निवर्तमान प्रमुख आयुक्त अयोधीप्रसाद यादव र आयुक्त इला शर्मा हिजो मात्र अवकास भएका थिए । रिक्त आयुक्त पदमा भने सिफारिस गरिएको छैन ।

यस्तै बैठकले समावेशी आयोगको सदस्यमा विष्णुमाया ओझालाई नियुक्त गर्न सिफारिस गर्ने निर्णय गरेको राष्ट्रियसभा अध्यक्ष गणेश तिमिल्सीनाले जानकारी दिए ।

बैठकमा विपक्षी दलका नेता शेरबहादुर देउवा अनुपस्थित थिए । उनी सभापति देउवा आइतबार नै जनकपुर गएपछि बैठकमा अनुपस्थित भएका हुन् । । कांग्रेस संसदीय दलका नेता देउवाले बैठकमा आफू उपस्थित हुन नसक्ने जानकारी लिखित रुपमा गराएको तिमिल्सीनाले बताए ।

परिषद्को सिफारिसपछि अब संसदीय सुनुवाइ समितिबाट अनुमोदन भएमा दुई जनाले नियुक्ती पाउनेछन् । संवैधानिक परिषद्को सिफारिसमा सुनुवाइ समितिले अनुमोदन गरेपछि राष्ट्रपतिले सिफारिस गर्ने व्यवस्था छ ।


इन्द्र रिजाल नेपालबहस डटकमका प्रधान सम्पादक हुन् । अर्थराजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथ चित्रण गर्छन् ।
प्रतिक्रिया दिनुहोस !
छुटाउनुभयो कि?
ताजा








चीनबाट रासायनिक मल आउन सुरु
नेपालबहस संवाददाता