५ जेष्ठ २०७९, बिहीबार

यता दाल भात तरकारीको प्रमोसन चलिरहदा यस्तो छ निरुताको फेसबुक स्टाटस

प्रकाशित मिति :  ३० चैत्र २०७५, शनिबार २१:४१


काठमाडौं । मह सञ्चारले निर्माण गरेको चलचित्र ‘दालभात तरकारी’ टीम यतिबेला मोफसल यात्रामा दौडिएको छ । टीमले विभिन्न सहरमा कन्सर्ट, पत्रकार सम्मेलन गरेर चलचित्रको बारेमा जानकारी गराइरहेको छ।

तर मोफसल यात्रामा चल चित्रकी मुख्य अभिनेत्री निरुता सिंह उपस्थित छैनन् । केही समयदेखि बिरामी उनि मुम्बईमा उपचाररत छिन् । उनले बुधवार सामाजिक सञ्जाल फेसबुकमा एक स्टाटस लेख्दै चलचित्रलाई धेरै सम्झिरहेको बताएकी छन्।

प्रचार– प्रसारमा उपस्थित हुन नपाउँदाको पल आफूले जीवनमै सबैभन्दा धेरै सम्झिरहेको पल रहेको निरुताले बताएकी छन् । साथै उनले आफू बिरामी रहेको र चाँडै निको भएर प्रचार–प्रसारमा सामेल हुने विश्वास व्यक्त गरेकी छन् ।

लामो समय पछि नेपाली चल चित्रमा फर्किएकी निरुता नेपालमा रहँदा रुघा खोकी लागिरहने र औषधिले पनि काम नगरेपछि मुम्बई फर्किएकी थिइन्। मुम्बई गएर स्वास्थ्य जाँच गराउँदा डाक्टरले डेंगु भएको बताएका थिए। सुदन केसीको निर्देशनमा बनेको चलचित्र ‘दाल भात तरकारी’ बैशाख २० गतेबाट प्रदर्शनमा आउँदैछ ।

यस्तो छ निरुताको फेसबुक स्टाटस :

मलाई आज कसैले सोधे “तिमीले जीवनमा सबैभन्दा धेरै मिस गरेको पल कुन हो रु” भनेर । मेरो जवाब हुनेछ “ दाल भात तरकारी को प्रचार प्रसार पल”‘ म बिरामी भएको कारण ले गर्दा हाम्रो चलचित्र “दाल भात तरकारी” को प्रचार प्रसार कार्यक्रम मा सामील हुन सकिन ‘तर मलाई विश्वाश छ कि म चाड़ो भन्दा चाड़ो निको भएर यो प्रचार प्रसार कार्यक्रम मा सामील हुनेछु भनेर‘ जय दर्शक,जय नेपाली चलचित्र, जय दाल भात तरकारी,प्रदर्शन हुने दिन “वैशाख २० गते


इन्द्र रिजाल नेपालबहस डटकमका प्रधान सम्पादक हुन् । अर्थराजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथ चित्रण गर्छन् ।
प्रतिक्रिया दिनुहोस !
छुटाउनुभयो कि?
ताजा
संस्कृत भाषामा आकर्षण
नेपालबहस संवाददाता