जागरण अभियानमार्फत कांग्रेस एकताबद्ध भएर अघि बढ्ने : डा कोइराला
इन्द्र रिजाल
बैशाख ८, २०७६ सोमबार १:२४:१८
भक्तपुर । नेपाली कांग्रेसका नेता डा शेखर कोइरालाले वर्तमान सरकारले जनअपेक्षालाई ध्यानमा राखेर प्रभावकारी ढङ्गले काम गर्न नसकेको आरोप लगाएका छन् ।
नेपाल आदिवासी जनजाति सङ्घ जिल्ला कार्यसमिति भक्तपुरले आइतबार यहाँ आयोजना गरेको शुभकामना आदानप्रदान कार्यक्रममा बोल्दै जनअपेक्षालाई ध्यानमा राखेर सरकार जानुपर्नेमा जोड दिए ।
सरकारले दुई तिहाइको आडमा प्रतिपक्षको बेवास्ता गर्दै अगाडि बढेको बताउँदै मानवअधिकार, लोकतन्त्र, स्वतन्त्र पत्रकारिता र न्यायलयमाथि चुनौती थपिएको डा कोइरालाले आरोप लगाए । प्रधानमन्त्रीले सङ्घीयताको मर्म विपरीत सबै शक्ति आफैँमा केन्द्रित गर्न खोजेको आरोप लगाए ।
नेपाली कांग्रेस पार्टीभित्रको गुटबन्दीले नेता र कार्यकर्तालाई विभाजित गरेको बताउँदै अहिलेकै अवस्थामा कांग्रेस पार्टी बलियो हुन नसक्ने भनाइ राखे। पार्टी बलियो बनाउन कांग्रेस सङ्गठनलाई एकै ठाउँमा उभ्याउनुपर्नेमा जोड दिए ।
नेपाली कांग्रेसले प्रखर प्रतिपक्षको भूमिका निर्वाह गर्न नसकेको बताउँदै उनले काङ्गेस आन्तरिक विवादमा रुमल्लिँदा पार्टी कमजोर बनेको बताए ।
उनले कांग्रेस कमजोर हुँदा लोकतन्त्र नै कमजोर भएको अब कांग्रेस बलियो हुनुपर्ने चर्चा गर्दै सरकारको कमजोरीप्रति कांग्रेसले कडा प्रतिवाद गर्न नसक्दा लोकतन्त्र फस्टाउन नसक्ने बताए ।
कार्यक्रममा पूर्वमन्त्री इन्द्रबहादुर गुरुङले, नेता बुद्घिमान पाख्रिन, जिल्ला सभापति दुर्लभ थापा, पूर्वसांसद लेखनाथ न्यौपाने, नेता बाबुराजा जोशी, तरुण दलका पूर्वकेन्द्रीय अध्यक्ष विनोद कायस्थलगायतले वैशाख ११ गतेदेखि शुरु हुने जागरण अभियानमार्फत कांग्रेस एकताबद्ध भएर अघि बढ्ने बताए ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
सत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
धुलिखेलमा भोलिदेखि राष्ट्रिय महिला हक्की प्रतियोगिता
बैशाख १४, २०८१ शुक्रबार
अस्ट्रेलियाको तटमा २९ ह्वेलको मृत्यु, १३० को उद्धार
बैशाख १४, २०८१ शुक्रबार
शनिदेवको पूजामा गल्तीले पनि नगर्नुहोस् यी चिजको प्रयोग
बैशाख १४, २०८१ शुक्रबार
सुदूरपश्चिम प्रदेशमा आयातित औलोका बिरामी बढी
बैशाख १४, २०८१ शुक्रबार
२८ जना सहसचिवको एकैपटक अन्तरमन्त्रालय सरुवा
बैशाख १४, २०८१ शुक्रबार
'डर्टी पिक्चर’ पछि विद्या बालनलाई चुरोटको लत
बैशाख १४, २०८१ शुक्रबार