राष्ट्रपति भण्डारीद्धारा सान्सी प्रान्तको केन्द्र सियानमा अनुगमन [तस्विर]

एजेन्सी । राष्ट्रपति विद्यादेवी भण्डारी अहिले चिनमा छिन् । राष्ट्रपति भण्डारी चिनियाँ समकक्षी सी चिनफिङको निमन्त्रणमा चीनको राजकीय भ्रमणका क्रममा आजै सान्सी प्रान्तको केन्द्र सियानबाट बेइजिङका लागि प्रस्थान गरेकी छिन् ।

उनलाई सियानयाङ अन्तरराष्ट्रिय विमानस्थलमा सान्सी प्रान्तका अधिकारीले बिदाइ गरेका छन् । भ्रमणका क्रममा राष्ट्रपति भण्डारी बेइजिङमा आयोजना हुने दोस्रो ‘बेल्ट एण्ड रोड फोरम फर इन्टरनेशनल’ कोअपरेशन ९अन्तर्राष्ट्रिय सहयोगका लागि दोस्रो क्षेत्र तथा मार्ग मञ्च० मा सहभागी हुने भएकी छिन् । उनले उक्त मञ्चलाई सम्बोधन गर्ने कार्यक्रम छ ।

राष्ट्रपति भण्डारीका साथ परराष्ट्रमन्त्री प्रदीपकुमार ज्ञवाली, प्रदेश नं ३ का मुख्यमन्त्री डोरमणि पौडेल, सङ्घीय संसद्का सदस्य, नेपाल सरकारका उच्च अधिकारी, चीनका लागि नेपाली राजदूत लीलामणि पौडेल तथा निजी क्षेत्रका प्रतिनिधि र सञ्चारकर्मी रहेका छन् ।