चीनबाट फर्किएको भोलीपल्टै माकुने अमेरिका प्रस्थान

काठमाडौं । सत्तारुढ नेपाल कम्युनिस्ट पार्टी ‘नेकपा’का वरिष्ठ नेता माधवकुमार नेपाल अमेरिका प्रस्थान गरेका छन् ।चीन भ्रमणबाट फर्किएको भोलिपल्टै नेता नेपाल अमेरिका प्रस्थान गरेका हुन् ।

नेता नेपाल भाइको छोरीको विवाहमा सहभागी हुन सोमबार साँझ उनी अमेरिका प्रस्थान गरेको उनको निजी सचिवालयले जानकारी दिएको छ । उनी ३ तारिखमा फर्कने कार्यक्रम छ ।

नेता नेपालले आफ्नो भ्रमणबारे सोमबार विहान सचिवालय बैठकमा जानकारी गराएका थिए । नेताहरुले भने नेपाललाई ट्रान्जिट मात्र बनाएको भन्दै ठट्टा गरेको एक नेताले जानकारी दिए । पूर्वप्रधानमन्त्री नेपाल धेरै विदेश गइरहने नेताहरुको सूचीमा अग्रपङ्तिमा पर्छन् ।