सेवासुविधा सहजरुपमा नपाएको पाल्पाका ज्येष्ठ नागरिकको गुनासो
इन्द्र रिजाल
जेठ ७, २०७६ बुधबार १:५८:५३
बेझाड । राज्यले उपलब्ध गराएको सेवासुविधा सहजरुपमा उपभोग गर्न नपाएको पाल्पाका ज्येष्ठ नागरिकले गुनासो गरेका छन् ।
सरकारले ज्येष्ठ नागरिक ऐन २०६३ जारी गरी विभिन्न सेवासुविधा उपलब्ध गराउने भनिए पनि यहाँका ज्येष्ठ नागरिकले त्यस्तो सेवासुविधा सहज रुपमा उपभोग गर्न नपाएको गुनासो गरेका हुन् ।
सार्वजनिक यातायातमा ५० प्रतिशत छुट, सवारी साधनमा आरक्षण सिट, कानूनी क्षेत्र, मुद्दा मामिला, अस्पताल, सार्वजनिक निकाय, बैंक तथा वित्तीय संस्था, सहकारी क्षेत्र लगायतका विभिन्न क्षेत्रमा सेवा लिन पुगेका ज्येष्ठ नागरिकलाई पहिलो प्राथमिकतामा राखेर सेवा दिनुपर्ने ऐनमा उल्लेख भए पनि यहाँका ज्येष्ठ नागरिकले त्यसको उपभोग गर्न सकेका छैनन् ।
रामपुर नगरपालिका–५ मटेरीका ७२ वर्षीय ठाकुरप्रसाद भट्टराईले राज्यले दिने सेवासुविधा अहिलेसम्म उपभोग गर्न नपाएको बताउछन् । उनले राज्यले विभिन्न सेवासुबिधा दिने भनेपछि २०७४ साल चैत २५ गते रामपुर नगरपालिका कार्यालयबाट ज्येष्ठ नागरिक परिचयपत्र लिए तर अहिलेसम्म सो परिचयपत्रका आधारमा कुनै पनि स्थानमा सेवा लिन नपाएको बताए ।
“गोजीमा ज्येष्ठ नागरिक परिचयपत्र बोकेर हिँड्छु, अहिलेसम्म कुनै सेवासुविधा पाएको छैन, सार्वजनिक यातायातमा ५० प्रतिशत छुट, औषधि उपचारमा सहज सेवा पाइन्छ भने पनि सुविधाको कुनै अनुभूति आफूले गर्न पाएको छैन”, उनले भने ।
त्यस्तै रामपुर नगरपालिका–४ का ६५ वर्षीय पूर्णबहादुर खाँणले सार्वजनिक निकायमा सेवा लिन जाँदा सहुलियत सेवा पाउनुका सट्टा दिनभर युवायुवतीसंगै लाइन लागेर सेवा लिनुपर्ने बाध्यता कायमै रहेको बताए।
“सार्वजनिक क्षेत्रमा नै ज्येष्ठ नागरिकलाई सेवा प्रवाहमा विभेद गरिएको छ, सवारी साधनमा आरक्षण कोटा छुट्टयाइएको भन्छन् तर कहिल्यै पनि त्यो सेवा सुविधा पाइँदैन,” उनको गुनासो छ । ज्येष्ठ नागरिकले सार्वजनिक सवारी साधन र अस्पतालहरुमा सेवा लिन जाँदा बढी समस्या भोग्नु परेको उनीहरुको दाबी छ ।
सार्वजनिक निकायमा सेवा दिन बसेका सेवाग्राही कर्मचारीले पनि ज्येष्ठ नागरिकप्रति संवेदनशील हुन नसकेको गुनासो स्थानीयवासी दीनानाथ भण्डारीको छ । टाठाबाठा र पहुँचवालाको आधारमा कर्मचारीको काम गर्ने प्रवृत्ति अझै पनि कायम रहेको हुँदा ज्येष्ठ नागरिकले सास्ती खेप्नु परेको उनको भनाइ छ ।
राज्यले तोकेका सेवासुविधा हरेक क्षेत्रमा ज्येष्ठ नागरिकले उपभोग गर्न पाउनुपर्ने रामपुर नगरपालिकाका प्रमुख प्रशासकीय अधिकृत बाबुराम अर्यालले बताए।
“नगरपालिका र वडा कार्यालयहरुमा सेवा लिन आएका ज्येष्ठ नागरिकलाई पहिलो प्राथमिकतामा राखेर काम गरिरहेका छौँ”, अर्यालले भने । रामपुर नगरपालिकाभित्र रहेका सबै सरकारी कार्यालयमा ज्येष्ठताका आधारमा सेवा प्रवाह गर्न अनुरोध गरिएको पनि उनले बताए ।
ज्येष्ठ नागरिकका लागि राज्यले तोकेअनुसारको सेवासुविधा सार्वजनिक यातायातमा दिइरहेको रामपुर यातायात व्यवसायी समितिका अध्यक्ष राजन पोखरेलले दाबी गरे ।
सम्बन्धित निकायले ज्येष्ठ नागरिकको सेवासुविधा दिइरहेको दाबी गरे पनि व्यवहारमा भने त्यस्तो देखिएको छैन् । यसतर्फ सरकार, सम्बन्धित निकाय र सरोकारवाला सबै पक्ष संवेदनशील हुनुपर्छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपबेसहाराको आश्रयस्थल बन्दै बालगृह
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
बैशाख ३०, २०८१ आइतबार
चतराधाम पूर्णमहाकुम्भ मेला अवधिमा ३५ जनाको उद्धार, तीन हजारको उपचार
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
भारतमा लोकसभाको चौथो चरणको मतदान जारी
बैशाख ३१, २०८१ सोमबार
मुक्तिनाथ विकास बैंकद्वारा धादिङका विद्यार्थीहरूलाई स्टेशनरी सामान वितरण
बैशाख ३१, २०८१ सोमबार
हिलाम्य सडकले सवारी आवागमनमा समस्या
बैशाख ३१, २०८१ सोमबार
जानकी मन्दिरको झलक दिने आकर्षक प्रवेशद्वार
बैशाख ३१, २०८१ सोमबार
निक्षेपमा दिने औसतदर घटाएर बैंकहरुले सार्वजनिक गरे जेठ महिनाको ब्याजदर
बैशाख ३१, २०८१ सोमबार
निर्माणाधीन तनहुँ जलविद्युत आयोजना
बैशाख ३१, २०८१ सोमबार