गणतन्त्र दिवसको अवसरमा कांग्रेस प्रवक्ता शर्माको शुभकामना

काठमाडौं । नेपाली कांग्रेसका प्रवक्ता विश्व प्रकाश शर्माले गणतन्त्र दिवसको अवसरमा शुभकामना व्यक्त गरेका छन् ।

सामाजिक सञ्जालमा फेसबुक गणतन्त्र दिवसको अवसरमा शुभकामना दिदै गणतन्त्रको सपना देख्नेहरुलाई, सपना प्राप्तिको लक्ष्य लेख्नेहरुलाई, लक्ष्यको मार्गमा पसिना र रगत पोख्नेहरुलाई र देशको सुन्दर भविस्य यही मार्गबाट कुर्नेहरुलाई ! गणतन्त्र दिवसको असीम शुभकामना !! दिएका छन् ।

नेपालमा २३८ वर्षिय राजतन्त्रको अन्त्य गर्दै संघीय लोकतन्त्रिक गणतन्त्र घोषणा भएको आजबाट एघार वर्ष पूरा भएर १२ वर्षमा प्रवेश गरेको छ ।

२०६२/६३ सालको जनआन्दोलनको जगमा गठन भएको संविधानसभाको पहिलो बैठकले २०६५ साल जेठ १५ गते नेपाललाई विधिवतरुपमा गणतान्त्रिक मुलुक घोषणा गरेको आज ११ वर्ष पूरा भएको छ । तर, गणतन्त्र स्थापना हुँदा जनतामा जुन उत्साह र आशा थियो, त्यो अहिले निराशामा परिणत हुँदै गएको छ ।

पहिलो संविधानसभा संविधान बनाउन असफल भएर दोस्रो संविधानसभाको चुनाव गर्ने अवस्था आएदेखि नै जनतामा निराशा बढेको थियो ।