वेष्ट इण्डिजविरुद्ध पाकिस्तान १०५ रनमै अलआउट !

एजेन्सी । विश्वकप क्रिकेटमा वेष्ट इण्डिजविरुद्ध पाकिस्तान १०५ रनमै अलआउट भएको छ । टस हारेर पहिले व्याटिङ गरेको पाकिस्तान २१ ओभर ४ बलमा सबै विकेट गुमाएर १ सय ५ रनमै अलआउट भएको हो ।

पाकिस्तानका फखहर जमान र बाबर अजामले समान २२ रन बनाउनुबाहेक अरु कुनै पनि व्याट्सम्यान टिकेर खेल्न सकेनन ।

पाकिस्तानलाई सस्तैमा अलआउट गर्न वेष्ट इण्डिजका ओशेन थोमसले ४, कप्तान जेसन होल्डरले तीन र आन्द्रे रसेलले दुई विकेट लिए । १ सय ६ रनको सामान्य लक्ष्य पछ्याउदै वेष्ट इण्डिज केही बेरमा जवाफी व्याटिङ गर्दैछ ।