नवनियुक्त पर्यटनमन्त्री भट्टराई भन्छन, “मुलुक र जनताको अपेक्षा पूरा गर्नेछु”
नेपालबहस संवाददाता
साउन १५, २०७६ बिहिबार २:२९:४५
काठमाडौं । नवनियुक्त संस्कृति, पर्यटन तथा नागरिक उड्डयनमन्त्री योगेश भट्टराईले मुलुकको इज्जत र जनताको अपेक्षा पूरा गर्नेतर्फ आफूले ध्यान केन्द्रित गर्ने बताएका छन् ।
आज मन्त्रालयमा पदभार ग्रहणपछि आयोजित स्वागत समारोहमा मन्त्री भट्टराईले भने, “तपाईहरुले मलाई काम लगाउनुहुनेछ, कस्तो काम गर्दा मुलुकको इज्जत बढ्छ, प्रधानमन्त्रीले र जनताले सोचेको अपेक्षा पूरा हुन्छ, के गर्दा चुनौतीमाथि सफलता हासिल हुन्छ, भोलिका दिनमा विषयगत हिसाबले छलफल गरेर जानेछु ।”
केही दिनभित्रैमा प्रधानमन्त्रीसमक्ष मन्त्रीको हिसाबले कामको करार सम्झौता गर्ने उल्लेख गर्दै मन्त्री भट्टराईले भने, “हामी जे गर्न सक्छौँ, त्यो कुरा भन्छौँ, जे हुन सक्दैन, त्यो के कारणले भएन भनेर पारदर्शी ढङ्गले बताउने छौँ ।” निर्देशन कम हुने र सामूहिक निर्णयबाट अघि बढ्ने बताउँदै उनले प्रधानमन्त्रीले राखेको आशा र अपेक्षा पूरा गर्र्ने उल्लेख गरे ।
कुनै पूर्वघोषित कार्यक्रम नभई परिस्थितिले आफू मन्त्री हुन आइपुगेको प्रष्ट्याउँदै उनले कसैलाई काम लगाउन होइन काम सिक्न आएको बताए । राष्ट्रिय गौरवका आयोजनालाई समयमै सक्ने तथा सन् २०२० को नेपाल भ्रमण वर्ष साकार पार्ने मन्त्री भट्टराईले प्रतिबद्धता जनाए ।
मुलुकलाई समृद्ध बनाउने राष्ट्रिय आकाङ्क्षा पूरा गर्न कुनै कसर बाँकी नराख्ने मन्त्री भट्टराईको भनाइ थियो । नेपाल वायुसेवा निगमको विश्वसनियता कायम गर्नेसमेत उनले प्रतिबद्धता जनाए । सञ्चारमाध्यमलाई कुनै पनि बधाई नछाप्न अनुरोध गर्र्दै उनले मन्त्रीका रुपमा नियुक्तिका लागि सहयोग गर्ने पार्टीका नेतृत्वप्रति आभार प्रकट गरे ।
अधिकारीको उत्तराधिकारी भएर आएको छु
मन्त्री भट्टराईले विसं २०७५ फागुन १५ गते तत्कालिन मन्त्री रवीन्द्र अधिकारीको दुःखद् निधनले असल युवा राजनीतिकर्मी र घनिष्ट मित्र गुमाएको स्मरण गरे। उनले परिस्थिति र घटनाक्रमले अधिकारीको कुर्सीमा आफू आइपुगेको बताए।
“यो मन्त्रालयलाई उनकै नेतृत्व आवश्यक थियो, प्रधानमन्त्रीले सही चयन गरेका थिए, अफसोच प्रकृतिसँग हामीले जित्न सकेनौँ र उहाँलाई अल्पआयुमै गुमाउन पुग्यौँ, उनको एउटा उत्तराधिकारी जस्तो भएर म आएको छु, यसोभन्दा मलाई कुनै हिनताबोध छैन, गर्व छ”, मन्त्री भट्टराईले भने।
अधिकारीले यो मन्त्रालयमा जे कदम उठाउनुभएको थियो, त्यो कामलाई आगामी दिनमा अझै माथि बढाउने विश्वास व्यक्त गर्दै उनले यसअघि जिम्मेवारी सम्हालिसक्नु भएकाको सल्लाह लिएर अघि बढ्ने प्रतिबद्धता व्यक्त गरे ।
सञ्चारजगतसँग सँगसँगै
मन्त्री भट्टराईले आफू सञ्चारजगतसँग नभाग्ने प्रतिबद्धता जनाए । सञ्चारजगतबाट नभागी सँगसँगै अघि बढ्ने बताउँदै उनले आजको दिनमा मिडियाको भूमिका ठूलो रहेको उल्लेख गरे ।
देश बनाउने अभियानमा सञ्चारमाध्यामको सहयोगी भूमिका रहने उल्लेख गर्दै भने, “हामी तपाईहरुको निगारनीमा छौँ, म अपेक्षा गर्दछु कि देश बनाउने दायित्व प्रधानमन्त्रीको, मन्त्रीको, मन्त्रालयका सचिव या कर्मचारीको मात्रै होइन हामी सबैको हो, सञ्चारकर्मीको पनि हो ।”
व्यक्तिगत र गोप्य कुराबाहेक पत्रकारका निम्ति मन्त्रालय सधैं खुला रहेकोसमेत उनले बताए । आजको दुनियाँ पारदर्शी र जवाफदेही रहेको, संविधानतः प्रधानमन्त्री र संसद्प्रति एकसाथ जवाफदेही रहेकाले हर काम सहभागितामूलक हुने उनको भनाइ थियो ।
मन्त्रालयका काममा केही चुनौती रहेको बताउँदै मन्त्री भट्टराईले नेपाल भ्रमण वर्ष २०२० लाई सफल बनाएरै छाड्ने जिकिर गरे । “सन् २०२० को जुन लक्ष्य छ, हामी पुग्छौँ, त्यसका निम्ति मन्त्रालयको सम्पूर्ण तागत र शक्तिका साथ अगाडि बढ्छौँ, कहाँकहाँ कमजोरी छ, त्यसलाई सच्याएर जान्छौँ”, मन्त्री भट्टराईले थपे ।
उनले पोखरा अन्तर्राष्ट्रिय विमानस्थल, गौतमबुद्ध अन्तर्राष्ट्रिय विमानस्थल जस्ता गौरवका आयोजना सके समयभन्दा पहिले नै भएन भनेपनि तोकिएको समयभित्र सम्पन्न गरी आउने भ्रमण वर्षलाई सफल बनाउने गरी अघि बढ्ने बताउँदै भने, “प्रगति कहाँ पुगेको छ छलफल गर्छौं, सहमति जुटाउने प्रयास गर्छौं, भएका आशङ्का मेटाउने गरी सकेसम्म आउने कार्यकालमै सम्पन्न गर्नेछौँ ।” त्यो काम अति आवश्यक र निर्विकल्प रहेकोसमेत मन्त्री भट्टराईको भनाइ थियो ।
वाह ! नेपाल एयरलाइन्स भन्ने बनाउँछौंँ
नेपाल वायुसेवा निगममाथि टिप्पणी भइरहेको अवस्थामा त्यसको विश्वसनियतालाई माथि उठाउने प्रतिबद्धता जनाउँदै मन्त्री भट्टराईले भने, “वाह ! नेपाल एयरलाइन्स भन्ने बनाउने छौँ, त्यसका निम्ति छलफल अगाडि बढाउने छौँ ।” अन्य आन्तरिक विमानस्थलको सुदृढीकरण, विस्तार गरी निजी सहयोगी संस्थासँग हातेमालो गरेर अघि बढ्ने उनले उल्लेख गरे ।
कार्यक्रममा संस्कृति, पर्यटन तथा नागरिक उड्डयन राज्यमन्त्री धनबहादुर बुढाले मन्त्री भट्टराईको आगमनले ‘समुद्ध नेपाल र सुखी नेपाली’ भन्ने मुलुकको राष्ट्रिय आकाङ्क्षा पूरा हुने विश्वास व्यक्त गरे ।
मन्त्रालयका सचिव मोहनकृष्ण सापकोटाले मन्त्रीको कार्यकाल मन्त्रालयका लागि स्वर्णिम बन्ने उल्लेख गर्दै मुलुकको संस्कृति र अर्थतन्त्रमा निकै महत्व राख्ने मन्त्रालय भएको जानकारी गराए ।
नेपालको अर्थतन्त्रको दोस्रो योगदानकर्ता क्षेत्रको रुपमा केही नयाँ नीति लिएर अघि बढेको भन्दै उनले नेपाली जनतालाई आर्थिक उपार्जन र रोजगारी सिर्जना गर्ने लक्ष्यकासाथ नीतिनियम सुधारको चरणमा र वायुसेवा निगमको कार्यक्षेत्र विस्तारको अभियानमा मन्त्रालय लागेको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराजनीति देश र जनताका लागि हुनुपर्छ : उपसभापति गुरुङ
बैशाख ३१, २०८१ सोमबार
ठूला सरकारी अस्पतालमा जनशक्ति थप्ने नवनियुक्त स्वास्थ्यमन्त्री यादवको निर्णय
बैशाख ३१, २०८१ सोमबार
राष्ट्रिय मुद्दामा बुझ्ने र बुझाउनेबीचको खाडल घटाउनुपर्छ : अध्यक्ष दाहाल
बैशाख ३१, २०८१ सोमबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
मधेशमा नयाँ सरकार गठनका लागि आज ४ दलले एमालेको नेतृत्वमा दाबी पेश गर्दै
बैशाख ३१, २०८१ सोमबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
राजनीति देश र जनताका लागि हुनुपर्छ : उपसभापति गुरुङ
बैशाख ३१, २०८१ सोमबार
ठूला सरकारी अस्पतालमा जनशक्ति थप्ने नवनियुक्त स्वास्थ्यमन्त्री यादवको निर्णय
बैशाख ३१, २०८१ सोमबार
नेपालको वित्तीय सङ्घीयता कार्यान्वयनमा मध्यम प्रगति, प्रदेश र स्थानीय तह घाटामा
बैशाख ३१, २०८१ सोमबार
धनगढी र दार्चुलामा करेन्ट लागेर दुई जना घाइते
बैशाख ३१, २०८१ सोमबार
पोखराबाट खैरो हिरोइनसहित दुई जना पक्राउ
बैशाख ३१, २०८१ सोमबार
कर्णालीमा जबरजस्ती करणीका मुद्दा धेरै
बैशाख ३१, २०८१ सोमबार