माधव नेपाललाई मैले अग्रज नेताको रुपमा बुझेको छु : योगेश भट्टराई

काठमाडौं । नवनियुक्त संस्कृति, पर्यटन तथा नागरिक उड्डयनमन्त्री योगेश भट्टराईले समृद्ध नेपाल सुखी नेपालीको नारालाई साकार पार्नका लागि आफ्नो ध्यान केन्द्रित हुने बताएका छन् ।

सिंहदरबारमा आइतबार बसेको प्रतिनिधिसभाको अन्तराष्ट्रिय समिति बैठकमा उनले यस्तो बताएका हुन् । उनले आफू संसदीय समितिको निर्देशन शिरोपर गर्ने पनि बताए । आफ्नो कार्यकालमा पटक–पटक समितिसँग छलफल गर्ने प्रतिवद्धता उनले जनाए ।

उनले अन्तर्राष्ट्रिय सन्धीप्रति पूर्ण प्रतिवद्ध रहेको र यसको कार्यान्वयन हुने जिकिर गरे । मन्त्री भट्टराईले अन्तर्राष्ट्रिय बिमानस्थलको सुधार भइरहेको र बुटिक बिमानस्थल बनाउने कार्य अघि बढिरहेको बताए ।

धारणा राख्ने क्रममा उनले माधव नेपाललाई अग्रज नेताको रुपमा बुझेको बताए । २०४० मा पञ्चायतविरोधी गतिविधिमा क्रममा आफु अस्पतालमा भर्ना भएका बेला माधव नेपालले भेटेको कुरा स्मरण गर्दा उनी भावुक भएका थिए । सो क्रममा माधव नेपाल पनि निकै भावुक भएका थिए ।

बैठकमा नेकपा वरिष्ठ नेता माधव कुमार नेपालले पर्यटन क्षेत्रको बिकास र सरकारको लक्ष्य अनुसार अघि बढ्न मन्त्री भट्टराईलाई सुझाव दिए । बैठकमा समिति सदस्यहरुले पर्यटन बर्षलाई सफल पार्नका लागी बिशेष भूमिका खेल्न सुझाव दिएका थिए ।