महाकालीमा पानीको बहाव उच्च, सर्तकता अपनाउन आग्रह

भीमदत्तनगर । सोमबार रातीदेखि परेको बर्षाका कारण महाकाली नदीमा पानीको बहाव बढ्दै गएको छ । पानीको बहाव बढेपछि नेपाल–भारत आवतजावत गर्ने बनबासा पुलमा भारतीय पक्षले चारपाङग्रे सवारीसाधान सञ्चालनमा रोक लगाएको छ ।

नदीमा बहाव बडेपछि आज बिहानैदेखि चारपाङ्ग्रे सवारीसाधन सञ्चालनमा रोक लगाइएको थियो । इलाका प्रहरी कार्यालय गड्डाचौकीका अनुसार पानीको बहाव बढ्दै गएको छ ।

आज साँझको मापनअनुसार महाकालीमा पानीको बहाव एक लाख २० हजार आठ सय क्युसेक पुगेको छ । सवारीसाधन सञ्चालनमा रोक लगाएपछि यात्रु अलपत्र परेका छन् ।

सुदूरपश्चिम प्रदेशको पहाडी जिल्लामा वर्षा अत्यधिक हुँदा नदीमा पानीको बहाव बढ्दै गएको हो । नदीमा पानीको बहाव बढ्दै गएपछि सर्तकता अपनाउन आग्रह गरिएको छ ।

नदीमा लगातार रुपमा बहाव घट्नु भन्दा नि बढेकाले नदी आसपासका क्षेत्रमा बसोबास गर्ने स्थानियलाई सर्तकता अपनाउन आग्रह गरिएको छ ।