सेन्चुरी बैंकका डेपुटी सीईओ भट्टराईकाे राजिनामा पछि ‘एसम्यान’हरुको रुवाबासी
इन्द्र रिजाल
साउन २९, २०७६ बुधबार १८:२५:२२
२९ साउन, काठमाडौं । अकुत सम्पत्ति कमाएको भन्दै सम्पत्ति शुद्धिकरण विभाग र अख्तियार दूरुपयोग अनुसन्धान आयोगले एकैचोटी छानविन थालेपछि सेन्चुरी कमर्सियल बैंकका डेपुटी सीईओ जीवन भट्टराईले राजिनामा दिएको रहस्य सार्वजनिक भएको छ ।
सम्पत्ति शुद्धिकरण विभागले राष्ट्र बैंकसँगको सहकार्यमा बैंकका सीईओ, डेपुटी सीईओ तथा कर्जा प्रमुखहरुको सम्पत्ति छानबिन थालेपछि अत्तालिएका भट्टराईले पीएचडी गर्ने बहाना बनाएर राजिनामा दिएको समाचार स्रोतले बताएको छ ।
बैंक स्थापनाकालदेखि नै सेन्चुरी कमर्सियल बैंकको डाडुपन्यू हातमा लिएर बसेका भट्टराईको अकुत सम्पत्तिमाथि सम्पत्ति शुद्धिकरण विभाग र अख्तियारले गम्भिर अनुसन्धान गर्दै बयानका लागि चिठी काटेको थियो । बैंकमा बसेर उनले कर्जा लगानी तथा खरिदमा गरेको अनियमिततामाथि नेपाल राष्ट्र बैंकको बैंक सुपरिवेक्षण विभागले समेत कारबाही गर्ने तयारी गरेपछि उनले राजिनामा दिएर कुलेलम ठोकेको बताइन्छ । राजिनामा दिए पनि सम्बन्धित निकायले थप कारबाही गर्ने तयारी थालेपछि उनी देशै छोडेर जाने तयारीमा रहेको सम्बद्ध स्रोतले नेपालबहस डटकमलाई बताएको छ ।
बैंकर भट्टराईले हरेक ब्रान्च खोल्दा पनि प्रत्येक ब्रान्चबाट प्रत्येक ठेक्काको पाँचदेखि सातलाख रुपैयाँ कमिशन खाने गरेको समाचार स्रोतको दावी छ । पछिल्लो समयमा सेन्चुरी बैंकले करिब ३० वटा नयाँ ब्रान्च खोलेको थियो । यसबाट मात्र उनले एक करोड पचास लाखभन्दा बढी धनराशी आर्जन गर्न सफल भएको उजुरी अहिले विभागसम्म पुगेको छ ।
जीवनले वर्तमान सीईओलाई पनि असहयोग गर्ने र षड्यन्त्रपूर्वक हटाउन खोजेपछि सीईओ र डेपुटी सीईओबीच विगत केही समयदेखि टसल रहेको बताइन्छ । बैंक स्रोतका अनुसार सेन्चुरीका सीईओ तुलसीराम गौतमले संचालक समिति बैठकमा नै कि त जीवनलाई हटाउनु पर्ने वा आफु राजिनामा दिएर बाहिरिने जनाएपछि संचालक समिति पनि डेपुटी सीईओ भट्टराईको राजिनामा स्वीकृत गर्न बाध्य भएको थियो ।
बैंकका संस्थापक सीईओ गणेशप्रसाद श्रेष्ठकी धर्मपत्नी एवंम संचालक श्रीमती उमा श्रेष्ठले भट्टराईलाई संरक्षण गर्दैै आएकी थिइन् । नौ वर्षदेखी सेन्चुरी बैंकमा सम्बद्ध रहेका भट्टराईले बैंकको सबै विभाग र महत्वपूर्ण शाखामा आफ्ना ‘एसम्यान’हरुलाई सेटिङ गरेर राख्दै आएका थिए । भट्टराईले अचानक राजिनामा दिएपछि उनका ‘एसम्यान’हरुमा अहिले रुवाबासी सुरु भएको छ ।
पूर्व सीईओ अुनजमणी तिमिल्सिना र डीजीएम मनिष तिमिल्सिनालाई पनि बिगतमा काम नै गर्न नदिई असहयोग गरेपछि उनीहरु बाध्य भएर बैंक छोड्न पुगेको बताइन्छ । डेपुटी सीईओ भट्टराईको सेन्चुरी बैंकमा अझै कतिसम्म हालिमुहाली थियो कि बैंकको आन्तरिक नियमावली नै परिवर्तन गरी डेपुटी सीईओ पनि बोर्ड बैठकमा बस्ने परिपाटी सुरु गरेका थिए । ‘कहीँ नभएको जात्रा हाँडीगाउँमा’ भनेजस्तै यस्तो नियमावली बनाएर उनले सीईओको अधिकार र क्षेत्राधिकारमा पनि हस्तक्षेप गर्दै आएका थिए ।
बैंकर भट्टराईले हरेक ब्रान्च खोल्दा पनि प्रत्येक ब्रान्चबाट प्रत्येक ठेक्काको पाँचदेखि सातलाख रुपैयाँ कमिशन खाने गरेको समाचार स्रोतको दावी छ । पछिल्लो समयमा सेन्चुरी बैंकले करिब ३० वटा नयाँ ब्रान्च खोलेको थियो । यसबाट मात्र उनले एक करोड पचास लाखभन्दा बढी धनराशी आर्जन गर्न सफल भएको उजुरी अहिले विभागसम्म पुगेको छ । यसै गरी बैंकको सेक्युरीटी गार्ड राख्ने क्रममा पनि उनले निजी सेक्युरिटी कम्पनीबाट कमिशन खाने गरेको स्रोतको दावी छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपविनिमय दर: डलर स्थिर रहँदा युराे र पाउण्ड घट्याे
बैशाख २०, २०८१ बिहिबार
विदेशी मुद्राको विनिमय दर : आज कतिमा हुँदैछ कारोबार ?
बैशाख १७, २०८१ सोमबार
यस्तो छ आजको विदेशी मुद्राको विनिमय दर
बैशाख १३, २०८१ बिहिबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
बैशाख २४, २०८१ सोमबार
एनआईसी एशिया बैंकद्वारा राष्ट्रिय महिला फुटबल टोलीलाई सम्मान
बैशाख २४, २०८१ सोमबार
डढेलो नियन्त्रण गर्न प्रभावकारी समन्वय जरुरी : विज्ञ
बैशाख २४, २०८१ सोमबार
ग्लोबल आइएमई बैंक र बडीमालिका नगरपालिकाबीच कर्जा सहजीकरण सम्झौता
बैशाख २४, २०८१ सोमबार
ललितपुर आगलागीमा घाइते भएका दुई बालिकाको मृत्यु, दुईको अवस्था गम्भीर
बैशाख २४, २०८१ सोमबार
डिभोर्स गर्न अदालत पुगेका श्रीमानद्वारा श्रीमती कुटिए
बैशाख २४, २०८१ सोमबार
राजदूत प्रा. खत्रीसँग शिविर सञ्चालन नगरेको नेजाको गुनासो
बैशाख २४, २०८१ सोमबार