स्याङ्जाका अधिकांश सहकारी नियम विपरीत संचालनमा
नेपालबहस संवाददाता
भदौ ६, २०७६ शुक्रबार २०:३५:२५
६ भदौ,स्याङ्जा । जिल्लामा संचालनमा आएका अधिकांश सहकारीहरु नियम विपरीत संचालन भएको पाइएको छ । जिल्ला डिभिजन सहकारीलाई स्थानीय तहमा गाभिएपछि अनुगमन गर्दा सहकारीहरु नियम विपरीत संचालन भएको पाइएको हो ।
अर्जुनचौपारी गाँउपालिकाले आफ्नो स्थानीय तहमा संचालनमा आएका सहकारीहरुको अनुगमन गर्दा अधिकांश सहकारीहरु उदेश्य भन्दा बाहिर रहेर संचालन हुदै आएको फेला परेका हुन् । गाँउपालिकाले गण्डकी प्रदेश सहकारी मन्त्रालयबाट अधिकृतसहितको टोली बोलाएर अनुगमन थालेको प्रमुख प्रशासकिय अधिकृत पुरन गुरुङ्ले बताए । सहकारी बुझेका कर्मचारीको अभाव पालिकामा छ, प्रमुख प्रशासकिय अधिकृत गुरुङ्ले भने,“कर्मचारी अभावले पालिका भित्र रहेका सहकारी अनुगमन र निरिक्षणमा कठिनाई छ । पहिलो चरण प्रदेश मन्त्रालयबाट कर्मचारी झिकाएर अनुगमन थालेका छौें ।”
गाँउपालिकाले सबै वडाहरुमा रहेका सहकारीहरुलाई एक हप्ताको समय लगाएर अनुगमन गर्दैछ । अहिलेसम्म गाँउपालिकामा १६ सहकारी संचालनमा रहेका छन् । अनुगमन शुरु गरेदेखि ७ ओटा सहकारीको अनुगमन गरिएको छ, प्रमुख प्रशासकिय अधिकृत गुरुङ्ले भने,“अधिकांश सहकारीहरु सहकारी ऐन विपरीत संचालनमा रहेको पाएका छौं ।” जुन प्रयोजनका लागि सहकारी दर्ता गरिएको हो त्यो प्रयोजन भन्दा भिन्न रहेर सहकारी संचालन गरिएको गुरुङ्ले बताए । अधिकांश सहकारी कृषि उदेश्यका साथ खोलिए पनि वचत तथा ऋणको कारोवार गर्दै आएका छन् । यो पहिलो अनुगमन भएकाले सुझाव दिने काम मात्रै भएको गुरुङ्ले बताए ।
अनुगमन टोलीले गाँउपालिका भित्र रहेका सहकारीको अनुगमन पश्चात प्रतिवेदन तयार गर्ने र सो प्रतिवेदनका आधारमा सुझावका लागि सहकारीहरुलाई निर्देशित गर्ने तयारीमा गाँउपालिका रहेको गुरुङ्को भनाई छ । ११ स्थानीय तह मध्ये अर्जुनचौपारी गाँउपालिकाले सहकारी अनुगमन गरेको पहिलो भएको बताइएको छ । अन्य पालिकाले अनुगमन गरेको वा नगरेको बिषय भने बाहिर नआएकाले जिल्लामै पहिलो हुन सक्ने अनुमान लगाइएको छ ।
स्थानीय तहमा सहकारी कार्यालय नआउदा जिल्ला डिभिजन सहकारीले अनुगमन गर्ने गरेको थियो । विगतमा जिल्लाले गरेको अनुगमनको प्रभावकारिता नभएकै कारण अधिकांश सहकारीहरुले उदेश्य भन्दा बाहिर गएर सहकारी संचालन गरेको हुनसक्ने अनुमान यो अनुगमनबाट गरिएको छ । गाँउपालिका भित्र नियम विपरित संचालनमा आएका सहकारीको बारेमा कार्यपालिकाको ध्यानाकर्षण भएको गाँउपालिका अध्यक्ष दीर्घनारायण अर्यालले बताए ।
टोलीले ल्याएको प्रतिवेदनका आधारमा गाँउपालिकाले सहकारी नीति बनाएर अगाडी बढ्ने छौ अध्यक्ष अर्यालले भने,“ जे उदेश्य राखेर दर्ता गरिएको हो सोही बमोजिम सहकारी संचालन गर्न निर्देशन दिनेछौं ।” कृषि सहकारीले कृषि सम्वन्धी काम नगरेर बचत तथा ऋण संचालन गर्न पाईदैन अध्यक्ष अर्यालले भने । ७ ओटा अनुगमन गरेकोमा एउटा मात्रै बचत तथा ऋण सहकारी रहेको र अन्य कृषि सहकारी रहेका छन् । सबै कृषि सहकारीले बचत तथा ऋणको कारोवार गर्दै आएकोले अबका दिनदेखि व्यवसायको प्रकृति परिवर्तन गर्न निर्देशन दिने अधिकृत गुरुङ्ले जानकारी दिए ।
संघियतासँगै जिल्ला सदरमुकाममा रहेका सरकारी कार्यालयलाई स्थानीय तहमा गाभिएका छन् । अझै विभागीय कर्मचारीहरु स्थानीय तहमा नहुदा कतिपय काम कारवाहीमा समस्या हुने गरेको पनि छ । सरकारले सहकारी मर्च गर्ने अभियानको सुरुवात गरिरहँदा यस्ता अनुगमनले सरकारको अभियानलाई सफल बनाउन महत्वपूर्ण भुमिका हुने विश्वास लिइएको छ । यस्तो क्रियाकलाप अन्य स्थानीय तहले पनि गर्नु जरुरी छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपविनिमय दर: डलर स्थिर रहँदा युराे र पाउण्ड घट्याे
बैशाख २०, २०८१ बिहिबार
विदेशी मुद्राको विनिमय दर : आज कतिमा हुँदैछ कारोबार ?
बैशाख १७, २०८१ सोमबार
यस्तो छ आजको विदेशी मुद्राको विनिमय दर
बैशाख १३, २०८१ बिहिबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
मधेशमा नयाँ सरकार गठनका लागि आज ४ दलले एमालेको नेतृत्वमा दाबी पेश गर्दै
बैशाख ३१, २०८१ सोमबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
राजनीति देश र जनताका लागि हुनुपर्छ : उपसभापति गुरुङ
बैशाख ३१, २०८१ सोमबार
ठूला सरकारी अस्पतालमा जनशक्ति थप्ने नवनियुक्त स्वास्थ्यमन्त्री यादवको निर्णय
बैशाख ३१, २०८१ सोमबार
नेपालको वित्तीय सङ्घीयता कार्यान्वयनमा मध्यम प्रगति, प्रदेश र स्थानीय तह घाटामा
बैशाख ३१, २०८१ सोमबार
धनगढी र दार्चुलामा करेन्ट लागेर दुई जना घाइते
बैशाख ३१, २०८१ सोमबार
पोखराबाट खैरो हिरोइनसहित दुई जना पक्राउ
बैशाख ३१, २०८१ सोमबार
कर्णालीमा जबरजस्ती करणीका मुद्दा धेरै
बैशाख ३१, २०८१ सोमबार