विप्लवद्वारा चितवन बन्द

९ भदौ चितवन । नेत्र विक्रम चन्द विप्लव नेतृत्वको नेकपाले घोषणा गरेको चितवन बन्दको जिल्लामा सामान्य प्रभाव परेको छ।

चितवनको राप्ती नगरपालिकामा उक्त दलले बनाएको प्रतीक्षालय प्रहरीले भत्काइदिएको विरोधमा चितवन बन्दको घोषणा गरिएको थियो । उक्त प्रतिक्षालयमा विभिन्न नाराहरू लेखिएका थिए। बन्दको सामान्य प्रभाव परेको छ ।

बन्दका कारण बजारहरु बन्द छन् भने लामो तथा छोटो दुरीका सवारी साधनहरु चल्न सकेका छैनन् । कुनै अप्रिय घटना हुन नदिन भरतपुर, रत्ननगरलगायतका क्षेत्रमा व्यापक रुपमा प्रहरी परिचालन गरिएको छ ।