काठमाडौंको बसुन्धराबाट चापाकोटकी रेजिना बेपत्ता

खगेन्द्र भण्डारी

९ भदौ, पोखरा । स्याङ्जाको चापाकोट नगरपालिका वडा न ९ स्थायी ठेगाना भएकी र बिगत केही बर्षदेखि काठमाडौंको बसुन्धरामा बस्दै आएकी १८ बर्षिय रेजिना डोटेल बिगत ३ दिन देखि बेपत्ता भएकी छन।

गोल्डेन गेट कलेज काठमाडौंमा कक्षा १२ मा अध्ययनरत उनी गत भदौ ७ गते सनिवार पुल्चोक इन्जिनियरिङ कलेजको इन्ट्रान्स परिक्षा दिन कोठाबाट हिडेको र हालसम्म हराइरहेको उनका दाजु ब्रम्हाण्ड डोटेलले बताएका छन।

सनिवारदेखि हराएकी उनको पोखरा महानगरपालिका वडा न २९ र ३३ जोड्ने बागमारा स्थित मझौरेघाट पुलमा हिजो झोला र झोला सङ्गै सर्टिफिकेट,जन्मदर्ता समेत भेटिएको इलाका प्रहरी कार्यालय हंसपुर डाडाको नाग कास्कीका प्रहरी निरीक्षक गोपिकृष्ण सुवेदीले जानकारी दिएका छन ।

उनका अनुसार पुलमा झोला भेटिएको कारण कतै पुलबाट हामफालेको त होइन भन्ने आशंकाले हामिले रेस्क्यु टोलि बोलाएका छौ र निरन्तर खोजिकार्य भैरहेको बताए ।