सुडानकाण्डका अभियुक्त शम्भु भारती पक्राउ
नेपालबहस संवाददाता
भदौ १३, २०७६ शुक्रबार १८:३५:३४
१३ भदौ, काठमाडौं । चर्चित सुडान घोटाला प्रकरणका फरार अभियुक्त शम्भु भारती आज बिहान ललितपुरको भैंसेपाटीस्थित आफ्नै निवासबाट पक्राउ परेका छन् । संयुक्त राष्ट्र संघिय शान्ति सेनाका लागि सुडानमा खटिएको नेपाल प्रहरीको बन्दोवस्तीका सामान खरिद प्रकरणमा भएको घोटालामा दोषी ठहर भारती लामो समयदेखि फरार थिए ।
०६२/०६३ को दोस्रो जनआन्दोलनपछि बनेको सरकारका पालामा भएको यो काण्डले ठूलो चर्चा पाएको थियो । ०६४ मा भएको उक्त काण्डमा धेरै प्रहरी प्रमुखले जेल भाग्नु परेको थियो । सोही प्रकरणमा सामान आपूर्ति गर्ने भारतीलाई पनि सर्वाेच्च अदालतले दोषी ठहर गरेको थियो । तर भारती फरार थिए ।
केन्द्रीय अनुसन्धान ब्यूरो सीबीआईले आज बिहान भारतीलाई ललितपुरबाट पक्राउ गरेको हाे । सो प्रकरणमा भारतीलाई सर्वाेच्चले १४ करोड २० लाख बिगो र एक वर्ष कैदको सजाय तोकेको थियो । बेलायतको लण्डनमा मुख्यालय रहेको निर्माण कम्पनी अस्योर्ड रिस्क लिमिटेडका एजेण्टका रुपमा भारती नेपालमा कार्यरत थिए ।
प्रहरीका अनुसार भारतीलाई आजै सर्वाेच्च अदातलमा पेश गरिने छ । भारतीले तत्कालिन प्रहरी महानिरिक्षक ओमविक्रम राणासँगको मिलोमतोमा क्याटलग र स्पेसिफिकेन बिना नै सामान खरिदको नक्कली बिल बनाएको भन्दै सजाय तोकिएको थियो ।
सुडान मिसनका लागि सामान खरिद गर्दा २८ करोड ४० लाख भ्रष्टाचार भएको आरोप थियो । सो काण्डमा सर्वाेच्चले राणाका साथै पूर्व प्रहरी महानिरिक्षकहरु हेमबहादुर गुरुङ र रमेशचन्द ठकुरीलाई समेत दोषी ठहर गरेको थियो । यी सबै पूर्व प्रहरी महानिरीक्षकहरुले जेल सजाय भुक्तान गरिसकेका छन् ।
यो बहुचर्चित काण्डको फैसला सर्वाेच्च अदालतका तत्कालिन न्यायधीशहरु सुशीला कार्की र विश्वम्भरप्रसाद श्रेष्ठको इजलाशले गरेको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपधरौटी बुझाएर छुटेका पुन फेरी सीआईबीको नियन्त्रणमा
बैशाख १४, २०८१ शुक्रबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
बैशाख १४, २०८१ शुक्रबार
गृह मन्त्रालयद्वारा ६ जना एसएसपीको सरुवा, काठमाडौंमा रजौरे र अपराध महाशाखामा भट्टराई
बैशाख १४, २०८१ शुक्रबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
नेपाल र वेस्ट इन्डिज ‘ए’ बीचको टि–ट्वान्टी शृङखला आजदेखि सुरु
बैशाख १५, २०८१ शनिबार
शनिदेवको पूजा गर्दा दिशामा विशेष ध्यान दिनुपर्छ
बैशाख १५, २०८१ शनिबार
इलाम र बझाङमा आज उपनिर्वाचन हुँदै
बैशाख १५, २०८१ शनिबार
गुडको यो उपायले सफलता मिल्छ, धनसम्पत्ति बढ्छ
बैशाख १५, २०८१ शनिबार
यस्तो छ तपाइको आजको राशिफल
बैशाख १५, २०८१ शनिबार
राष्ट्रिय सम्पत्ति जलिरहेको छ, देशको वास्तविकता ख्याल नगरी कस्ता योजना आउने होलान् ?
बैशाख १५, २०८१ शनिबार