केरकारको टोलीद्धारा बलात्कारी झिरिप्पै

२३ भदौ, काठमाडौं । एउटी अबला नारी माथि बलात्कार भएको ३१ महिनापछि नेपाल प्रहरीले बलात्कारीलाई झिरिप्प पारेको छ । पक्राउ पर्नेमा जुम्ला घर भइ बसुन्धारा बस्ने ३१ वर्षका मनोज खत्री रहेका छन् ।

महानगरीय अपराध अनुसन्धान महाशाखा, टेकुको टोलीले उनलाई आज बसुन्धाराबाट पक्राउ गरेको हो । महाशाखाका प्रमुख एसएसपी सहकुलबहादुर थापाले खत्रीलाई विशेष अनुसन्धानपछि पक्राउ गरिएको नेपालबहस डटकमलाई बताए ।

प्रमुख खत्रीका अनुसार २० माघ ०७४ मा खत्रीले बुद्धनगरमा एक अबला नारीमाथि बलात्कार गरेको उजुरी परेको थियो । अपराधीहरुको खोजी र गुण्डागर्दी नियन्त्रणमा विशेष दखल राख्ने एसएसपी थापाले उपत्यका अपराध अनुसन्धानको प्रमुखको जिम्मेवारी सम्हालेको छोटो समय मै उल्लेखनिय काम गरिसकेका छन् ।

बिगतमा केरकारको रुपमा परिचित अपराध महाशाखाले पछिल्लो समय अपराधीको पहिचान तथा गुण्डागर्दी नियन्त्रणतर्फ विशेष विशेष जोड दिन थालेको छ ।

फरार अभियुक्तहरु खोजतलास गर्ने मिशनमा बलात्कारी आरोपी खत्रीलाई बसुन्धाराबाट पक्राउ गरी थप अनुसन्धानका लागि महागनरीय प्रहरी वृत्त, बानेश्वर पठाइएको एसएसपी थापाले नेपालबहसलाई बताए ।