२६ माघ २०७९, बिहीबार
सुरक्षा/अपराध

महानिरीक्षकलाई थाहै नदिई तीन एआईजीको सरुवा

प्रकाशित मिति :  ९ आश्विन २०७६, बिहीबार १३:४९


महानिरीक्षकलाई थाहै नदिई तीन एआईजीको सरुवा

९ असोज, काठमाडौं । प्रहरी महानिरीक्षक सर्वेन्द्र खनाललाई जानकारी नै नदिई सरकारले तीन जना एआईजीको सरुवा गरेको छ ।

त्यो पनि एकवर्ष अवधि नै नपुगेका उनीहरुलाई सरुवा गर्दा गृहमन्त्री रामबहादुर थापा ‘बादल’ले प्रहरी नेतृत्वलाई एक वचन सोधेनन् । यसबाट महानिरीक्षक खनाल असन्तुष्ट रहेको समाचार स्रोतले बताएको छ ।

प्रहरी अधिकारीको सामन्यतया एकवर्ष अवधि पूरा भएपछि मात्र सरुवा गर्ने नियमको उल्लंन गर्दै तीन जना उच्च प्रहरी अधिकारीको सरुवा गरिएकाे हाे । मन्त्रिपरिषदको मंगलबार बसेको आकस्मिक वैठकले नेपाल प्रहरीका तीन जना अतिरिक्त महानिरीक्षक एआईजीको सरुवा गरेको छ ।

यसरी सरुवा हुनेहरुमा एआईजी पुष्कर कार्की, ठूले राई र धीरु बस्नेत रहेका छन् । गृह मन्त्रालय स्रोतले दिएको जानकारी अनुसार , एआईजी कार्कीलाई अपराध अनुसन्धान तथा कार्य विभागको जिम्मेवारी दिइएको छ । यसअघि उनी राष्ट्रिय प्रहरी प्रतिष्ठानमा थिए ।

यस्तै, प्रहरी प्रतिष्ठानमा एआईजी राईलाई सरुवा गरिएको छ । यसैगरी अर्का एआईजी बस्नेतको सरुवा मानव स्रोत तथा प्रशासन विभागमा गरिएको छ । तर बस्नेतलाई काज स्वरुप राष्ट्रिय सुरक्षा परिषदमा पठाइएको छ । बस्नेतमाथि आर्थिक अनियमितता गरेको आरोप लागेको छ ।


0
Shares
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई info@nepalbahas.com मा पठाउनु होला । धन्यवाद ।
प्रतिक्रिया दिनुहोस !
छुटाउनुभयो कि?
ताजा



मिलन नेवारको आँखा झिमीझिमी
नेपालबहस संवाददाता