दैनिक प्रहरी बुलेटिन : कहाँ-के भयो ? [थाहा पाउनुस]
नेपालबहस संवाददाता
असोज १०, २०७६ शुक्रबार २०:२४:१२
१० असोज, काठमाडौं । काठमाडौं महानगरपालिका-१२ टेकुस्थित सडक किनाराबाट अवैध लागूऔषध चरेश १ केजी ३ सय ग्राम सहित ३ जनालाई बिहीबार साँझ प्रहरीले पक्राउ गरेको छ ।
पक्राउ पर्नेहरुमा काभ्रेपलान्चोक नमोबुद्ध नगरपालिका-१ ठेगाना भएका १९ वर्षीय रामबहादुर मिजार, रामेछाप काँडादेवी गाउँपालिका-७ ठेगाना भएका १९ वर्षीय प्रज्वलराज श्रेष्ठ र नुवाकोट म्यागम गाउँपालिका-६ ठेगाना भएका ३१ वर्षीय आस्मा लामा रहेका छन् । लागूऔषध नियन्त्रण ब्यूरो कोटेश्वरबाट खटिएको प्रहरीले उनीहरुलाई पक्राउ गरेको हो ।
सर्लाही, बसबरिया गाउँपालिका-२ मानपुरबाट बा.३७ प ३००१ नम्बरको मोटरसाइकल चालक बरहथवा नगरपालिका(१० सितापुर बस्ने २८ वर्षीय राजन राउतलाई अवैध लागूऔषध गाँजा करिब ६ केजी सहित बिहीबार दिउँसो प्रहरीले पक्राउ गरेको छ । ईलाका प्रहरी कार्यालय मानपुरबाट खटिएको प्रहरीले मोटरसाइकल जाँच गर्ने क्रममा लुकाई छिपाई ल्याएको उक्त परिमाणको लागूऔषध गाँजा सहित फेला पारी उनलाई पक्राउ गरेको हो ।
सुनसरी, दुहबी नगरपालिका-७ भलुवा मुसहरी टोल बस्ने ६५ वर्षीय हकिम पासवानलाई अवैध लागूऔषध गाँजा १ केजी सहित बिहीबार साँझ प्रहरीले पक्राउ गरेको छ । ईलाका प्रहरी कार्यालय दुहबीबाट खटिएको प्रहरीले पासवानको घर तलासी गर्दा घरमा लुकाइ छिपाई राखेको अवस्थामा उक्त लागूऔषध सहित फेला पारी उनलाई पक्राउ गरेको हो ।
यस सम्बन्धमा स्थानीय प्रहरीले थप अनुसन्धान गरिरहेको छ ।
यस्तै उदयपुरमा विभिन्न मुद्धाका फरार त्रियुगा नगरपालिका-१० बस्ने २० वर्षीय अबिलाश राई लगायत १३ जना प्रतिवादीहरुलाई बिहीबार दिउँसो प्रहरीले पक्राउ गरेको छ । जिल्ला प्रहरी कार्यालय उदयपुरबाट खटिएको प्रहरीले उनीहरुको घर, ठेगानाबाट उनीहरुलाई पक्राउ गरेको हो । उनीहरुलाई आवश्यक कारवाहीको लागि जिल्ला अदालत उदयपुर गाईघाट पठाइएको जिल्ला प्रहरी कार्यालयले जनाएको छ ।
कास्की, जबरजस्ती करणी मुद्धाका फरार प्रतिवादी काभ्रे नवबुद्ध नगरपालिका-१० बस्ने समशेर तामाङलाई बिहीबार साँझ प्रहरीले पक्राउ गरेको छ । तामाङलाई जिल्ला प्रहरी कार्यालय कास्कीबाट खटिएको प्रहरीले पोखरा महानगरपालिका वैदामबाट पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
यस्तै रौतहटको चन्द्रपुर नगरपालिका-१ बागमती गैह्रीगाँउ बस्ने ५७ वर्षीय मणिराज श्रेष्ठलाई रिभल्वर १ थान र सोको गोली १ राउण्ड सहित बिहीबार दिउँसो प्रहरीले पक्राउ गरेको छ ।
विशेष सूचनाको आधारमा ईलाका प्रहरी कार्यालय चपुरबाट खटीएको प्रहरीले उनको घरमा तलासी गर्दा उनी सुत्ने ओछ्यानमा उक्त रिभल्वर र गोलीसहित फेला पारी उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
उता सल्यानको कपुरकोट गाउँपालिका-४ किमिचौरस्थित सडकमा लु.१ च ४१५३ नम्बरको पिकअप भ्यान शुक्रबार बिहान अनियन्त्रित भई दुर्घटना हुँदा सल्यान कपुरकोट गाउँपालिका-४ किमिचौर बस्ने ६७ वर्षीय कर्मी पुनको मृत्यु भएको छ । उक्त भ्यान बाटोबाट करिब २५ मिटर तल खसेर दुर्घटना हुँदा गम्भीर घाइते भएका पुनको अञ्चल अस्पताल तुल्सिपुर दाङमा उपचारको क्रममा मृत्यु भएको हो ।
दुर्घटनामा घाइते भएका अन्य ६ जनाको सोही अस्पतालमा उपचार भइरहेको छ । भ्यान चालकलाई प्रहरीले नियन्त्रणमा लिएको छ ।
यता नुवाकोटको दुप्चेश्वर गाउँपालिका-५ निंगाले बस्ने ३० वर्षीया चिरमाया तामाङ सोही ठाउँस्थित गुन्ज खोलामा बिहीबार दिउँसो मृत अवस्थामा फेला परेकी छन् । मंगलबार सोही गाउँपालिका-४ बस्ने कर्म लामाको घरमा घेवा सकेर घर फर्के पश्चात घरमा नआएकी उनलाई खोजी गर्ने क्रममा उनको शव फेला परेको हो ।
यस्तै सुदुरपश्चिमको दार्चुलाको महाकाली नगरपालिका-३ झुस्कु बडुगाँउ बस्ने ५५ वर्षीय अम्बादत्त बडु सोही ठाउँमा बिहीबार दिउँसो मृत अवस्थामा फेला परेका छन् । यस सम्बन्धमा स्थानीय प्रहरीले आवश्यक अनुसन्धान गरिरहेको छ ।
प्रहरी बुलेटिनका अनुसार धनुषाको जनकपुर उपमहानगरपालिका-८ स्थित रत्नसागर पोखरीमा बिहीबार दिउँसो सोही उपमहानगरपालिका-९ पिडारीचोक बस्ने ओखलढुंगा सुनकोशी गाउँपालिका-१ बल्खुका ४५ वर्षीय राजकुमार राई डुबेर मृत्यु भएको अवस्थामा फेला परेका छन् ।
र रौतहटको राजपुर नगरपालिका-५ बस्ने लखिन्द्र शाहकी ७ वर्षीया छोरी प्रीयान्सु कुमारी शाह सोही स्थानस्थित विद्यालयको प्राङ्गणमा रहेको पानी जमेको खाल्डोमा डुबेर मृत्यु भएको अवस्थामा बिहीबार बेलुका फेला परेकी छिन् ।
यस सम्बन्धमा स्थानीय प्रहरीले आवश्यक अनुसन्धान गरिरहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
फरार रहेका जीवन चलाउनेविरुद्ध डिफ्युजन नोटिस जारी गर्न प्रहरीले गर्यो पत्राचार
बैशाख ६, २०८१ बिहिबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
बैशाख ५, २०८१ बुधबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार
मस्कको सुझाव - रकेट एकअर्कामा होइन, ताराहरुमा पठाऊ !
बैशाख ७, २०८१ शुक्रबार