ओलीको निरङ्कुश यात्रा, ज्ञानेन्द्रलाई मरणासन्न हुने गरी कुटपिट
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
असोज १२, २०७६ सोमबार ०:५६:५०
![](https://nepalbahas.prixacdn.net/media/albums/oli-shai_89rwNePKZT.jpg)
१२ असोज, काठमाडौं । नेपाली नागरिकको भरोसा र विश्वासमाथि न्याय गर्न नसकेको नेपाल कम्युनिष्ट पार्टी (नेकपा) नेतृत्वको सरकार नागरिकको आवाज बन्द गर्न भौतिक आक्रमणमा नै ओर्लन थालेको छ ।
हिजो दिउँसो भ्रष्टाचार विरोधी अभियानमा सक्रिय ज्ञानेन्द्र शाहीमाथि प्रधानमन्त्री खड्गप्रसाद ओलीका अरिंगालहरु खनिएका छन् । काठमाडौंबाट चितवन पुगेका ज्ञानेन्द्रलाई माइक्रोबसबाट ओर्लन समेत नदिई कम्युनिष्ट कार्यकर्ताले मरणासन्न हुने गरी कुटपिट गरेका छन् ।
ओली सरकारको अकर्मण्यता र भ्रष्ट कार्यशैलीको भण्डाफोर गर्न कस्सिएका ज्ञानेन्द्र शाहीमाथि ओलीकै संरक्षणमा कुटपिट गरिएको हो । सरकार नै गुण्डागर्दीको शैलीमा ओर्लिएपछि चौतर्फी विरोध हुन थालेको छ । दुई तिहाई समर्थन प्राप्त सरकार अब विरोधको स्वर सुन्नै नसक्ने अवस्थामा पुगेको देखिन्छ ।
गम्भिर घाइते ज्ञानेन्द्रको थप उपचार गर्न काठमाडौं ल्याइएको छ । सरकार विचारको राजनीति भन्दा बाहुबली राजनीतिमा विश्वास गर्न थालेको छ । ओली सरकारको यो कार्यशैलीको विपक्षी राजनीतिक दलले मात्र नभई नागरिक समाजले समेत निन्दा गरेको छ । उक्त घटनाको आज सामाजिक सञ्जालमा धेरैले आक्रोश पोखेका छन् ।
राजनीतिक विश्लेषक पुरञ्जन आचार्य ट्वीट गर्दै लेख्छन्:– अब मुलुक विस्तारै साम्यवादी यात्रातर्फ उन्मुख । नेकपाका अरिंगालले ज्ञानेन्द्र शाहीलाई डसेको छ ।
पूर्व प्रधानमन्त्री डा. बाबुराम भट्टराई पनि ट्वीट गर्दै भन्छन्:– पञ्चायतकालका मण्डलेले जस्तै लोकतन्त्रवादीको फरक बिचारमाथि कुटपिट । कम्रेडहरु सामाजिक फासीवादतिर उन्मुख भएकै हुन् ?
नेपाली कांग्रेसका प्रवक्ता विश्वप्रकाश शर्मा सामाजिक सञ्जालमा लेख्छन्:– अब पञ्चायत र ओली शासन उस्तै, नवमण्डलेकरण गर्दै ओली ।
कांग्रेसका युवा नेता गगन थापाले पनि सामाजिक सञ्जालमार्फत आफ्नो विचार यसरी राखेका छन्:– बिचरा अरिंगाल, अब उक्साउनेसँग हिसाब माग्नु पर्छ । स्मरण रहोस्:– ओली र प्रचण्ड बेला–बेला विरोधीको प्रतिकार गर्न कार्यकर्तालाई उकास्ने गर्छन् ।
कांग्रेसकै नेता चन्द्र भण्डारीले पनि आफ्नो विचार सामाजिक सञ्जालमार्फत सार्वजनिक गर्दै लेखेका छन्:– बिरोधी मजबूत नबनी सरकारले सही मार्ग पहिल्याउन पाउँदैन, भिजिलान्ते सतर्क बन । यस्तै अर्का युवा नेता धनराज गुरुङले लेखेका छन्ः– अब बिचार र अभिव्यक्ति स्वतन्त्रताको अन्त्य भएकै हो ?
यो घटनाको विरोधमा राप्रपा अध्यक्ष कमल थापाले पनि सामाजिक सञ्जालको प्रयोग गरेका छन् । थापा लेख्छन्:– यो त अति नै भो । विचारको राजनीति गरौं, न की मसलको ।
यसरी हेर्दा ओली सरकारको कार्यशैली र उनका भिजिलान्तेबाट भएका भौतिक आक्रमणले अब अराजकता र निरकुंशता मौलाउने वातावरण तयार हुन लागेको छ । ओलीको शासनमा नागरिकको अभिव्यक्ति स्वतन्त्रताको हनन हुने अवस्था निर्माण भएको छ ।
ओलीकै उक्साहटमा बाटो ढुकेर कुटपिट गर्न थालिएको छ । को व्यक्तिले पिटाई खायो भन्दा पनि कुन प्रवृत्तिको विकास गर्न खोजिंदै छ भन्ने कुरो मुख्य हो ।
माइक्रोबसबाट ओर्लनसमेत नदिई लघार्दै लघार्दै आक्रमण गर्दा प्रहरी प्रशासन मूक दर्शक बन्नुको अर्थ के हो ? ओलीको तानाशाही चरित्र अब नेपाली नागरिकले स्वीकार्नु पर्ने हो ?
आफूलाई मन नपर्नेलाई बाटोघाटो ढुकेर भकुर्ने शैली र प्रवृत्तिलाई बढावा दिने कि प्रतिकार गर्ने ? न्यायप्रेमी नागरिकको अघिल्तिर गम्भिर प्रश्न उठेको छ । मन नपर्नेलाई राजावादीको पगरी गुथाइ दिने अनि सार्वजनिक रुपमै कुटपिट गर्ने छुट ओलीले आफ्ना अरिंगाललाई दिएको देखिन्छ । बुढी मरी भन्दा पनि काल पल्किने डर भयो ।
राजावादी हुनु अपराध हो ? हिजोसम्म कमल थापाको दौराको फेर समाएर सत्ताको भरेङ चढ्दा राजावादी नदेखेका पूर्व एमालेका कम्रेडलाई अहिले राजावादीको भूतले सताएको छ ।
०५९ मा तत्कालिन राजा ज्ञानेन्द्रले कू गरेको घटनामा तत्कालिन एमालेको भूमिका नेपाली नागरिकले भुलिसकेका छैनन् । प्रतिगमन आधा सच्चिएको देख्ने पूर्व एमालेका लागि त्यसबखत राजा प्रिय थिए । ०६२/०६३ को जनआन्दोलनमा गणतन्त्रको नारा लाग्न थालेपछि अहिलेका प्रधानमन्त्री ओलीले गरेको टिप्पणी थियोः– बैलगाडा चढेर अमेरिका पुगिन्न । त्यही बैलगाडाले ल्याएको गणतन्त्रमा अहिले उनी तर मारिरहेका छन् । तर राजा चाहिंं अहिले कसरी अछुत भए त्यो बुझ्न कठिन भएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसूचना संकलन गर्ने गुप्तचरका एसपीमाथि आर्थिक संकलन गरेको आरोप
साउन ७, २०८१ सोमबार
क्यासिनो खोल्न पर्यटन विभाग कै डीजी पण्डितको चलखेल, करोडौंको बार्गेनिङ
साउन ६, २०८१ आइतबार
बाग्मतीमा कुन्दन काफ्लेको लफडाले रोकियो मन्त्रीहरुको शपथ
नेपालबहस संवाददाता
साउन ११, २०८१ शुक्रबार
सौर्य एयर दुर्घटना: यस्ता छन हृदयविदारक तस्वीरहरु
नेपालबहस संवाददाता
साउन ९, २०८१ बुधबार
बुधबार पनि आयो दोलखा भीमसेनको शिलामा पसिना, अनिष्ट हुने मान्यता
नेपालबहस संवाददाता
साउन ९, २०८१ बुधबार
माधव नेपालले दिए पार्टी फुटाउने कोसिस भइरहेको संकेत
नेपालबहस संवाददाता
साउन १०, २०८१ बिहिबार
आफूमाथि बलात्कार नभएको भन्दै सन्दीपविरुद्ध मुद्दा अगाडि नबढाउन गौशाला–२६ ले दिइन निवेदन
साउन ११, २०८१ शुक्रबार
'आइभिएफ' प्रविधिबाट बच्चा जन्माउनेको संख्या किन बढ्दैछ ?
साउन १२, २०८१ शनिबार
अर्थतन्त्र सुधार्न टालटुल गर्ने कि वास्तबिक समस्यासम्म पुगेर समाधान गर्ने ?
साउन १२, २०८१ शनिबार
१७ वर्षीय युवकको मृत्यलाई लिएर धनगढीको नोभा अस्पतालमा तनाव
साउन १२, २०८१ शनिबार
बागमतीमा जोड घटाउ मिलाएर कांग्रेसका ४ मन्त्रीलाई शपथ गराए पनि एक मन्त्रालय अझै पुगेन
साउन १२, २०८१ शनिबार
तरकारी खेतीबाट नाम र दाम दुवै
साउन १२, २०८१ शनिबार