वाणिज्यद्धारा दशैंको पूर्वसन्थ्यामा बजार अनुमनलाई तीव्रता

१३ असोज, काठमाडौं । सोमबार राजधानीबाट प्रकाशित पत्रपत्रिकाले विभिन्न फरक – फरक विषयका समाचार प्रकाशित गरेका छन् ।

गोरखापत्र दैनिकले वाणिज्य आपूर्ति तथा उपभोक्ता विभागले दशैंको पूर्वसन्थ्यामा बजार अनुमनलाई तीव्रता दिएको समाचारलाई शीर्ष समाचार बनाएको छ । समाचारमा विभागका महानिर्देशक योगेन्द्र गौचनका अनुसार बजार अनुगमन दशैं तिहारमा मात्रै नभएर बाह्रै महिना गरिने उल्लेख छ ।

चाडपर्वका बेलामा भने मूल्य, गुणस्तर र तौलमा उपभोक्ता बढी ठगीमा पर्ने सम्भावना भएकाले विशेष खालको अनुगमन गर्ने गरेको उनको भनाई छ । पछिल्लो समय बजारमा खाद्यान्न, पानी, इन्धन, लत्ता कपडा तथा होटेलमा उपभोक्ता बढी ठगिने गरेको पाइएको छ ।

यातायात र औषधीमा अझ अत्याधिक लुट देखिएको र बजारमा म्याद नाघेका औषधी र मूल्य सूची नभएका सामानको बिगबिगी बढिरहेको समाचारमा लेखिएको छ ।

नागरिक दैनिकले मेलम्चीमा फेरि एक वर्षको वाचा शीर्षकमा मुख्य समाचार बनाएको छ । समाचारमा उल्लेख भए अनुसार डेढ दशकदेखि सर्वाधिक चासो र चर्चामा रहेको मेलम्ची खानेपानी आयोजना बनाउन पछिल्लोपटक नयाँ ठेकेदार कम्पनी सीनो हाइड्रोसँग सम्झौता भएको छ ।

निर्माण सुरु भएको १५ वर्षको अवधिमा पटक(पटक विवादमा आइरहने यो योजना बनाउन यसअघि तीनवटा ठेकेदार कम्पनीसँग सम्झौता भइसकेको थियो । समाचारमा लेखिए अनुसार आइतबार चौथो ठेकेदार कम्पनी सिनो हाइड्रोसँग आयोजना कार्यालयले एक वर्षभित्रै सुरुङ निर्माण सक्ने सहमति गरेको हो ।

यस्तै, कान्तिपुर दैनिकमा चाडपर्वको अवधिभर देशैभरिका प्रहरीले बिदा नपाउने शिर्षकमा समाचार प्रकाशित भएको छ ।प्रहरी प्रधान कार्यालयले आन्तरिक र प्रशासन कार्यमा खटिएकाबाहेक दशैं, तिहार, छठ लगायत शान्तिसुरक्षा व्यवस्थापन र अपराध नियन्त्रणमा तैनाथ जनशक्तिलाई घरबिदा नदिन महानगरिय प्रहरीसहित सातवटै प्रदेश र जिल्लाका प्रहरी कार्यालयलाई परिपत्र गरेको हो ।

सुत्केरी स्याहार र क्रिया बिदाबाहेक कसैलाई पनि घरबिदामा दशैं अवधिभर नछाड्न देशभरका कार्यालयमा परिपत्र गरिएको प्रधान कार्यालयले जनाएको छ । घरबिदामा जान नपाएका फौजले ब्यारेकमै दशैं मनाउनेछन् ।

यस्तै आजको नागरिक दैनिकमा मेलम्चीमा फेरि एक वर्षको वाचा, सम्झौता छिटो सके पुरस्कार नत्र जरिवाना शिर्षकमा समाचार प्रकाशित भएको छ ।डेढ दशकदेखि सर्वाधिक चर्चामा रहेको मेलम्ची खानेपानी आयोजना बनाउन पछिल्लोपटक नयाँ ठेकेदार कम्पनी सिनो हाइड्रोसँग सम्झौता भएको छ ।

निर्माण सुरु भएको १५ वर्ष अवधिमा पटकपटक विवादमा आएको यो आयोजना बनाउन यसअघि नै तीनवटा ठेकेदार कम्पनीसँग सम्झौता भएको थियो । आइतबार चौथो ठेकेदार कम्पनी सिनो हाइड्रोसँग आयेजना कार्यालयले एक वर्षभित्रै सुरुङ निर्माण सक्ने सम्झौता गरेको हो ।

आयोजना प्रमुख तिरेशप्रसाद खत्रीले मेलम्ची आयोजनाको काम छिटो सके ठेकेदार कम्पनीलार्य प्रोत्साहन पुरस्कारको व्यवस्था गरको बताए । समयमा निर्माण सम्पन्न नगरेको खण्डमा पनि सोही अनुसार जरिवाना तिर्नुपर्नेछ ।

यस्तै आजको गोरखापत्र दैनिकमा थाहा नै नपाई युवापुस्ता मुटुरोगको चपेटामा पर्ने गरेको स्वास्थ्य सम्बन्धि समाचार प्रकाशित भएको छ ।एक्काइस वर्षीय सुमन केसीको चार वर्षअघि मनमोहन कार्डियोथेरासिस, भास्कुलर एन्ड ट्रान्सप्लान्ट सेन्टरमा हृदयाघात भएपछि शल्यक्रिया भयो । उनलाई हृदयाघात के हो भन्ने थाहै थिएन ।

अहिले सुमन निरन्तर चिकित्सकको निगरानीमा हुनुहुन्छ । डा। भगवान् कोइराला नेतृत्वको टोलीले केसीको शल्यक्रिया गरेको थियो ।यस्तै सिन्धुपाल्चोकका २६ वर्षीय विजय पौडेलको पनि दुई वर्षपहिले हृदयाघातका कारण शल्यक्रिया गर्नु परेको थियो । उनी पनि समयसमयमा चिकित्सकको फलोअपमा छन् ।

युवापुस्तामै मुटुसम्बन्धी रोगले सताएका यी दुई प्रतिनिधि पात्र मात्र हुन् । धेरै युवा हिजोआज मुटुसम्बन्धी रोगका कारण पीडित हुने गरेका छन् ।मुख्यतया २० देखि ४० वर्ष उमेर समूहका युवापुस्तालाई मुटुरोगले आक्रान्त पारिरहेको छ ।

वरिष्ठ मुटुरोग विशेषज्ञ डा. ओममूर्ति अनिलले अव्यवस्थित जीवनशैलीका कारण युवापुस्ता मुटुरोगको चपेटामा परेको बताए । डा। अनिलको नेतृत्वमा केही वर्ष पहिले स्वास्थ्य मन्त्रालय र हार्ट क्लिनिकले संयुक्त रूपमा गरेको सर्वेक्षणमा समेत २५ प्रतिशत युवामा कुनै न कुनै किसिमको मुटुसम्बन्धी रोग रहेको पाइएको थियो ।

यस्तै नागरिक दैनिकमा जापान रोजगारीमा जान ठूलो संख्यामा आवेदन पर्ने अनुमान गर्दै जापान फाउन्डेसनले पहिले चिट्ठा अनि परीक्षाको उपाय अपनाएको समाचार प्रकाशित भएको छ।

जापान रोजगारीः चिट्ठा परे भाषा परीक्षा शिर्षकमा प्रकाशित समाचारमा एकैचोटि ठूलो संख्यामा आकांक्षीले परीक्षा दिँदा त्यसको व्यवस्थापन गर्न कठिन हुने अनुमान गर्दै फाउन्डेसनले चिट्ठा पर्नेले मात्र भाषा परीक्षा दिन पाउने सूचना जारी गरेको हो ।अब भाषा परीक्षामा सहभागी हुन भाग्यले साथ दिनुपर्नेछ ।

फाउन्डेसनले परीक्षामा सामेल हुन चाहनेका लागि अनलाइन दरखास्त आह्वान गरिएको जनाएको छ । रोजगारीका लागि जापान जान खोज्ने युवाको भाषा र सीप परीक्षण तथा अन्य व्यवस्थापकीय काम गर्न काठमाडौँस्थित जापानी दूतावासले जापान फाउन्डेसनलाई नियुक्त गरेको छ । फाउन्डेसनले कात्तिक १०, ११ र १२ मा पहिलो चरणको भाषा परीक्षा हुने जनाएको छ ।