पूर्व एमालेको शिकार बने महरा, बलात्कारीको आरोप !

१४ असोज, काठमाडौं । अन्ततः पूर्व एमालेको षडयन्त्रको शिकार सभामुख कृष्णबहादुर महरा भइ छाडे । लामो समय संसद् सचिवालयकी एक महिलासँग शारीरिक सम्वन्धमा रहेका महरालाई पूर्व एमाले निकटले पदबाट निकाला गर्ने अवस्थामा पु¥याइ दिएका छन् ।

नेकपा अध्यक्षसमेत रहेका प्रधानमन्त्री केपी ओलीले महरालाई तत्काल राजिनामा गर्न सल्लाह दिएको स्रोतले बताएको छ ।गत आइतवार राति ती महिलाले सभामुख महराले आफूमाथि यौन दुव्र्यबहार गरेको भन्दै प्रहरीलाई खबर गरेपछि यो प्रकरण सार्वजनिक भएको हो ।

सभामुख जस्तो सम्मानित पदमा बसेका महराको यौन प्रकरण एक कान दुई कान मैदान भइसकेको थियो । यसबारे संसद् सचिवालयका कर्मचारीबीच गाईगुई हुन थालिसकेको थियो । यो परिस्थितिको पूर्व एमालेले राम्रैसँग उपयोग गरेको स्रोतको दावी छ ।

गत आइतवार सभामुख महरा तीन कुनेस्थित ती महिलाको डेरामा पुगेपछि विवाद भएको थियो । पूर्व एमाले निकट ती महिलामार्फत महरासँग असन्तुष्ट नेताले बदला लिएका छन् । महिलाले आफूहरुबीचको सम्वन्धको पर्दाफास गर्ने धम्की दिएकी थिइन् । यसक्रममा सभामुख र महिलाबीच सामान्य हात हालाहालको अवस्था उत्पन्न भएको बताइन्छ ।

लगत्तै महिलाले प्रहरीको १०० नं. मा फोन गरी घटनाबारे जानकारी गराइन् । सभामुख महरा भने घटना लगत्तै त्यहाँबाट बाहिरिएका थिए । आइतबार राति महरा ती महिलाकोमा गएको छिमेकीहरुले पुष्टी गरेका छन् । त्यसपछि भने महरामाथि नैतिक दवाव बढेको छ । यो विषयमा नेकपा सचिबालय बैठक बसी सभामुखलाई पदबाट राजीनामा गराई निष्पक्ष छानबीनको बाटो खोल्नु पर्ने सहमति भएको छ । यसबारे महरालाई जानकारी गराइएको स्रोतले बताएको छ ।

संभवत: आज साँझसम्म महराले पदबाट राजीनामा दिने छन् । यो घटनाले कम्युनिष्टहरुको वास्तविक चरित्र समेत उदाङ्गो पारिदिएको छ । बाहिर हेर्दा महरा जतिको भलाद्मी मानिस अरु देखिन्नन् ।

लामो समय अध्यापन पेशामा रहेका महरा ०४८ सालको प्रतिनिधिसभामा समेत सांसद चुनिएका थिए । तर उनको भित्री जीवन भने यति फोहरी रहेको धेरैले कल्पनासमेत गरेका थिएनन् ।

स्रोतका अनुसार ती महिलासँग महराको सम्वन्ध सभामुख हुनुअघि बाटै थियो ।  सहमतिमा भएको यो सम्वन्ध त्यति बेला मात्र सार्वजनिक भयो , जतिखेर महिलालाई पूर्व एमाले नेताले प्रभावमा पार्न सफल भए । यो घटनाले महराको राजनीतिक जीवन अब लगभग किनारा लाग्ने अवस्थामा पु¥याइ दिएको छ ।