बैंक ह्याक प्रकरणमा स्याङ्जाबाट भुसाल पक्राउ
Advertisement

२५ असोज, काठमाडौं । चिनियाँ राष्ट्रपति सी चिनफिङको भ्रमणका बेला हुनसक्ने संभावित विरोध प्रदर्शन रोक्न प्रहरीले २८ जना ‘शंकास्पद व्यक्ति’लाई नियन्त्रणमा लिएको छ ।

प्रहरीले बिहीबार साँझदेखि शनिबार मध्याह्नसम्म गरी काठमाडौं उपत्यकाका विभिन्न ठाउँबाट २८ जनालाई नियन्त्रणमा लिएको हो ।

प्रहरीले सी काठमाडौं उत्रिने दिन शनिबार मात्रै ४ जनालाई काठमाडौंका विभिन्न ठाउँबाट नियन्त्रणमा लिएको छ ।काठमाडौंको तीनकुने, बिजुलीबजार र थापाथली क्षेत्रबाट नियन्त्रणमा लिइएको महानगरीय प्रहरी परिसर काठमाडौं स्रोतले जनाएको छ ।

Advertisement

राष्ट्रपति सी शनिबार अपराह्न साढे ४ बजेदेखि ५ बजेको बीचमा त्रिभुवन अन्तर्राष्ट्रिय विमानस्थलमा उत्रिने जनाइएको छ ।सीको सवारी हुने रुटमा दिउँसो २ बजेदेखि नै पूर्ण रुपमा सवारी सञ्चालनमा रोक लगाइने जनाइएको छ ।

सीको सवारीका क्रममा पैदल यात्री र सर्वसाधारणलाई समेत सडक किनारामा उभिन नदिइने प्रहरीले जनाएको छ ।चिनियाँ राष्ट्रपति सीको भ्रमणलाई लक्षित गरी काठमाडौं उपत्यकाको सुरक्षा व्यवस्था कडा बनाइएको छ ।

सीको भ्रमणका बेला सुरक्षा व्यवस्थापनका लागि १५ हजार सुरक्षाकर्मी परिचालन गरिएको छ । सीको सुरक्षाका लागि चीनबाटै आएका चिनियाँ जनमुक्ति सेनाका अतिरिक्त नेपाली सेना, नेपाल प्रहरी, सशस्त्र प्रहरी र राष्ट्रिय अनुसन्धान विभागका सुरक्षाकर्मी परिचालन गरिएको गृह मन्त्रालय स्रोतले जनाएको छ ।

Advertisement

प्रतिक्रिया दिनुहोस

कृपया तपाईंको प्रतिक्रिया दिनुहोस्!
कृपया यहाँ तपाईंको नाम प्रविष्ट गर्नुहोस्