नेपाल र चिनियाँ प्रतिनिधिमण्डलबीच वार्ता सम्पन्न

२६ असोज, काठमाडौं । नेपाल र चिनियाँ प्रतिनिधिमण्डलबीच १७ वटा सम्झौतामा हस्ताक्षर भएको छ । प्रधानमन्त्री केपी शर्मा ओली र चिनियाँ राष्ट्रपति सी जिनपिङको उपस्थितिमा दुई देशबीच सहमति पत्र आदान प्रदान समेत गरिएको छ ।

एक विशेष समारोहमा परराष्ट्र मन्त्री प्रदीप ज्ञवाली र चिनियाँ विदेश मन्त्री वाङ यीले समझदारी पत्र आदानप्रदान गरे ।यसका अलावा चिनियाँ प्रतिनिधिमण्डल र नेपाली टोलीका अन्य अधिकारीहरूबीच पनि समझदारी पत्र आदानप्रदान भएको छ ।

सम्झौताअघि नेपाली र चिनियाँ अधिकारीहरुबीच द्विपक्षीय वार्ता भएको थियो । वार्तापछि शिक्षा, स्वास्थ्य, पर्यटन, पूर्वाधार निर्माण तथा लगानीका क्षेत्रका विषयमा सम्झौता भएको छ ।