बर्दियामा जङगली हात्तीको आक्रमणबाट एक जना घाइते, स्थानियवासी त्रसित !

२७ असोज, काठमाडौं । बर्दियाको ठाकुरबाबा नगरपालिका वडा ६ तुल्सिपुरमा जङगली हात्तीको आक्रमणबाट एक जना घाइते भएका छन् ।

गएको शुक्रबार साँझ गाउमा आफन्तको घरबाट फर्कर्ने क्रममा जङगली हात्तीको आक्रमण परेर २३ बर्षिय दिपक नेपाली घाइते भएको बर्दिया राष्ट्रिय निकुञ्जले जनाएको छ ।

घाइतेका वुवा राजन नेपालीका अनुसार असोज २४ गते शुक्रबार राती आफन्त वितेको ठाउमा कुर्न गएका नेपाली घर फर्कने बेला हात्तीको आक्रमणमा परेका हुन् । नेपालीका वुवाले नेपालबहस डटकमसंग कुरा गर्दै भने तत्काल घटना भएको थाहा पाए पछि बाँकेकाे शिक्षण अस्पताल कोहलपुर लगिएको थियो । त्यहाँ डाक्टरले सक्दैनौ भने पछि काठमाडौं ल्याइएको छ । अहिले घाइतेकोे टिचिङ अस्तपताल महारागञ्जमा उपचार भैइरहेको छ ।

यस बिषयमा निकुञ्जसंग बुझ्दा घाइते उपचारका लागी तत्काल ५० हजार उपलब्ध गराएको बुझिएको छ । अन्य कुरा प्रक्रियाको क्रममा रहेको छ ।  यता काठमाडौंको टिचिङ अस्तपतालमा उपचार गराइरहेको दिपकलाई हात्तीले आक्रमण गर्दा बाँया हात, छाती र फोक्सोमा गहिरो चोट लागेको छ ।

दिपक नेपाली र उनका साथी आफन्त वितेको भरमा कुर्न गएर संगै फर्कदा दिपक हात्तीको आक्रमणमा परेका हुन् । तर उनी संगै गएका उनका साथी टिकाराम खनाल भने भागेर बाचेको घाइतेका बुवा राजनले बताए ।

बर्दियामा जङगली हात्तीको आक्रमणबाट जनजीवन विगतदेखि नै आतङकित बन्दै आएको छ । धान खेतिको सिजनदेखि गहुँ खेतीको सिजनसम्म हात्तीको आतङबाट स्थानियवासी त्रसित हुँदै आएका छन् ।

विगतमा पनि हात्तीको आक्रमणबाट दर्जनौ व्यत्तिको ज्यान गएको छ भने धेरै संख्यामा घाइते भएका छन् । रातको समय जङगलबाट निस्किने ती हात्तीले सधैका बर्षमा किसानले लगाएको अन्नबालीमा क्षति पुर्‍याउनुका साथै स्थानिय वासीको मृत्यु समेत हुने गरेको छ ।