विप्लवका दाजुसहित २१ जना उच्चस्तरीय नेताकार्यकर्ता प्रहरीद्धारा गिरफ्तार

३० असोज काठमाडौं । विप्लव नेतृत्वको नेपाल कम्युनिष्ट पार्टीको राप्ती ब्यूरो बैठकमा प्रहरीले हस्तक्षेप गरेको छ । राज्यले प्रतिबन्द लगाएको पाटीले गैरकानुनी रुपमा कार्यक्रम गरेको सुचना पाएपछि दाङ प्रहरीले २१ जनालाई नेपाल–भारत सीमानाका अन्तर्गत दाङको राजपुर गाउँपालिका–४ मुग्रेटा खोलाबाट गएराती १ बजे पक्राउ गरेको हाे ।

प्रदेश नम्बर ५ का प्रहरी प्रमुख प्रहरी नायव महानिरीक्षक डीआईजी सुरेशबिक्रम शाहले नेपालबहस डटकमसँग कुराकानी गर्दै भने,  पक्राउ परेका २१ जनालाई अहिले जिल्ला ल्याउने तयारी भैइरहेको छ ।

शाहले भने- “कहाँ आइपुगे भन्ने केही सम्पर्क भएको छैन । अलि विकट ठाउँ भएको र फोन नलागेको कारण कति बजे जिल्ला आइपुग्छन् केही थाहा छैन । तर जिल्ला आइपुगेपछि थप अनुसन्धान हुनेछ ।”

बैठकमा सहभागी पार्टीका केन्द्रीय सदस्य एवम् कमाण्ड ईन्चार्ज चन्द्रबहादुर चन्द ‘बीरंजग’, अर्का केन्द्रीय सदस्य तथा राप्ती ब्युरो इन्चार्ज सुभास बाठालाई पनि गिरफ्तार गरेको छ । चन्द ‘विप्लव’ का दाजु हुन् ।

दुई केन्द्रीय सदस्यसँगै नेकपा निकट युवा सङ्गठनका केन्द्रीय अध्यक्ष पाटन जङ्गली लगायत २१ जना उच्च स्तरीय नेताहरु पक्राउ परेको अनुमान गरिएको छ ।