तीनकुने पार्कमा भूमाफियाको आँखा ! दुर्व्यसनी, वेश्यावृत्ति र दिसापिसाबको केन्द्र
नेपालबहस संवाददाता
कात्तिक २०, २०७६ बुधबार २१:४८:४९
२० कार्तिक, काठमाडौं । ३० लाख रुपैयाँ खर्चेर चिनियाँ राष्ट्रपति सि चिन फिङ् आउने बेलामा गत असोज २५ गते अघि नै झकिझकाउ सिँगारिएको तीनकुने यतिबेला पूर्ववत अनैतिक गतिविधिको अखडा हुनपुगेको छ । हरेकपटक विदेशी पाहुना आउँने मौकामा यसलाई सतही रुपमा सजाउने काम हुने गरेझैँ चिनियाँ राष्ट्रपतिलाई देखाउनका लागि फूलका बिरुवा, दुवो रोपेर पार्कको रुप दिईएको एयरपोर्ट नजिकैको तीनकुने यतिबेला हरेक राती दरबारमार्ग र ठमेलका यौन गतिविधि हुनेगरेको स्थानीय वासिन्दाले बताएका छन् ।
हरेक राती २-४ जोडी त्यहाँ पुगेकै हुन्छन् भनी ती स्थानीय बताउँछन् । साथै, खुला दिशा मुक्त शहरको रुपमा घोषित काठमाडौँमा दिशा–पिसाबले चापेका बटुवाको लागि खुला दिशापिसाब केन्द्र झैँ भएको छ ।
पहिले ५३ रोपनी रहेको तीनकुनेको उक्त सरकारी जग्गा बीचमा सडक विस्तारको कारणले मासिएर हाल ५० रोपनी मात्र रहेको छ । जग्गाको वरिपरि मात्र सजाईएको छ, भित्रपट्टी उस्तै हिलो वा धुलो र फोहरयुक्त उजाड यथावत छ । वरिपरिको दुवो र फूलका बिरुवाका लागि दैनिक २ ट्याङ्कर पानी लगाउने गरेको, महानगर स्रोतले बतायो ।
दशौँ अर्ब मूल्य पर्ने तीनकुनेको जग्गा धेरैवर्षदेखि त्यत्तिकै उपेक्षित रहेको छ । जग्गाधनीहरूलाई मुआब्जा दिन बाँकी रहेको हुनाले यहाँ कुनै निर्माण कार्य नगरिएको महानगर स्रोत बताउँछ । २१ रोपनी जग्गाको लागि महानगरपालिकाले १० करोड रुपैयाँ दिएको, ८ रोपनी जग्गावालाहरूसँग मुआब्जाको कुरा नमिलेको र २२ रोपनीका लागि जग्गाधनीहरूले मुआब्जा मागेपनि सरकारी दावी अनुसार त्यो पहिले नै सार्वजनिक जग्गा रहेको भन्ने विवाद रहेको छ ।
अर्कातिर यो जग्गा पनि भूमाफियाको कुदृष्टिमा परीसकेको छ । भूमी व्यवस्था कार्यालयमा महत्वपूर्ण कागजात वा रेकर्ड हराउनु नौलो र दण्डनीय घटना भएन । त्यसैले तीनकुनेको जग्गाको रेकर्ड र नक्सा कुनै दिन गायब भयो भने आश्चर्य मान्नु पर्दैन ।
विकासको अस्थायी नाटक यो जग्गामा पटकपटक हुँदैआएका छन् । स्थानीय निर्वाचनअघि काठमाडौं महानगरपालिकाले ५० लाख रुपैयाँ खर्च गरेर पार्क बनाउन जमिन सम्याएको थियो । यसलाई पार्कको रुपमा सिँगारेर पार्कको बीचमा नेपालको सबभन्दा ठूलो झण्डा फहराईरहने उसको योजना थियो ।
तर निर्वाचित जनप्रतिनिधिहरू आएपछि कता के भयो ? काठमाडौँका मेयर विद्यासुन्दर शाक्यले पार्क बनाउने काम रोकिदिए । त्यसपछि यो ठाउँ फेरि बस र ट्रक पार्किङ् गर्ने भद्रगोले अखडा बन्यो । अठारौँ सार्क शिखर सम्मेलनको तयारी कालमा महानगरपालिकाले उपेक्षित र बेस्याहार भएका सार्वजनिक जमिनहरूलाई पार्क बनाउने योजना अघि सा¥यो । संघीय मामिला तथा स्थानीय विकास मन्त्रालयले रू १ करोड अनुदान पनि दियो । तर अहिले जस्ताको त्यस्तै ।
चिनियाँ राष्ट्रपति सीलाई देखाउनकै लागि त्यहाँ सजाएर राखिएका मृगको मूर्ती, फूलदान लगायतका वस्तुहरू चोरी हुनथाले । लागु औषध दुब्र्यसनीका साथै वेश्यावृत्तिको अखडा बन्न पुग्यो तीनकुने पार्क । ती सामान चोर्न कहाँका मान्छे आईपुगे, यो प्रश्नको उत्तर दिन सक्दैनन् स्थानीयहरू ।
सो जग्गा २०३३ सालमै तत्कालीन श्री ५ को सरकारले अधिग्रहण गरेको थियो, जग्गाधनीलाई मुआब्जा दिने प्रतिबद्धताका साथ । सरकारले मुआब्जा दिईसकेको पनि हो । तर सोसम्बन्धी प्रमाणका सम्पूर्ण कागजात रहस्यमय तरिकाले गायब भए । २०५२ सालमा मुआब्जा दिने फेरि तरखर भयो ।
तर त्यो बेला जग्गाको मूल्यबारे विवाद उठेर त्यतिकै रोकियो । आजसम्म त्यो जग्गा भुराभुरी खेल्ने, बस वा ट्रक पार्किङ्, दिशापिसाब, वेश्यावृत्ति, लागुऔषध दुब्र्यसन, ड्राईभिङ् सिक्ने, कसिंगर वा फोहोर फाल्नेजस्ता अनैतिक कार्यको लागि सरकारबाट अघोषित रुपमा उपलब्ध स्थान झैँ हुन पुगेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअर्थतन्त्र मिश्रित अवस्थामा छ : गभर्नर अधिकारी
बैशाख १४, २०८१ शुक्रबार
लगानी सम्मेलनमा एक सय ५१ परियोजना प्रस्तुत गरिँदै
बैशाख १४, २०८१ शुक्रबार
निजी क्षेत्रको मनोबल उकास्न सरकारले महत्वपूर्ण निर्णय गर्छ : अर्थमन्त्री पुन
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
आइपिएलमा आज दुई खेल हुँदै
बैशाख १५, २०८१ शनिबार
आइपिएलमा कोलकोतामाथि पञ्जाबको कीर्तिमानी जित
बैशाख १५, २०८१ शनिबार
इलाम-२ र बझाङमा मतदान शुरु
बैशाख १५, २०८१ शनिबार
आजको मौसम : हावाहुरी र चट्याङसहित वर्षाको सम्भावना
बैशाख १५, २०८१ शनिबार
दैनिक भिन्डीको पानी पिउदा अचम्मका फाइदाहरु
बैशाख १५, २०८१ शनिबार
नेपाल र वेस्ट इन्डिज ‘ए’ बीचको टि–ट्वान्टी शृङखला आजदेखि सुरु
बैशाख १५, २०८१ शनिबार