२१ कार्तिक, काठमाडौं । ल्यान्डमार्क डेभलपर्स प्रालिका नाममा हाउजिङ बनाउने भन्दै विभिन्न व्यक्ति एवम् व्यापारीहरुसँग करोडौैं रुपैयाँ ठगी गरेको आरोपमा शाहीकालिन पूर्वअर्थ सहायकमन्त्री एवं ज्योति ग्रुपका उपाध्यक्ष रूपज्योति कंसाकारलाई प्रहरीले आज साँझ त्रिभुवन विमानस्थलबाट पक्राउ गरेको छ ।

शाहीकालिन मन्त्री पक्राउको तयारी शिर्षकमा नेपालबहस डटकमले केही घण्टा अगाडिमात्र समाचार सम्प्रेशण गरेको थियो । समाचार स्राेतका अनुसार महानगरीय प्रहरी परिसरको टोली उनी काठमाडाैं आउँदै गरेकाे गाेप्य सुचना पाएपछि ज्याेतिलाई पक्राउ गर्न त्रिभुवन अन्तर्राष्ट्रिय विमानस्थल पुगेकाे थियाे ।  सिल्क एयरबाट त्रिभुवन अन्तर्राष्ट्रिय विमानस्थल काठमाडौंमा ल्याण्ड भएका व्यवसायी ज्योतिलाई पक्राउ गरेसँगै अदालतले दिएकाे आदेश कार्यान्वयन भएकाे छ ।

काठमाडौं प्रहरी परिसरले उनलाई व्यापक खोजी गरिरहेको थियो । प्रहरीले पक्राउ गर्ने डरले उनी भुमिगत शैलीमा कहिले देश त कहिले विदेशका विभिन्न ठाउँमा लुकिछिपी बस्दै आएका थिए । ठगीको आरोपमा यसअघि नै पक्राउ गर्न जिल्ला अदालत काठमाडौंले दिएको आदेश कार्यान्वयन नगर्न माग गर्दै रूपज्योतिका तर्फबाट सर्वोच्च अदालतमा दायर भएको रिट हिजो सर्वोच्चले खारेज गरेपछि रूपज्योतिलाई पक्राउ गर्ने बाटो खुलेको थियाे । हेर्नुहोस् थप समाचार

शाहीकालिन मन्त्री पक्राउको तयारीमा प्रहरी !