लागू औषध ईन्जेक्सनसहित भारतीय नागरिक पक्राउ

२७ कार्तिक पर्सा । पर्सा प्रहरीका अनुसार लागू औषध नियन्त्रण ब्यूरो र स.प्र.बल भंसार सुरक्षा गार्ड गुल्म बीरगंजबाट खटिएको संयुक्त प्रहरी टोलीले लागू औषध ईन्जेक्सन डाईजोल्यावसहित एक जनालाई पक्राउ गरेको छ ।

प्रहरीका अनुसार पर्सा बी.म.न.पा.वडा नं.१६ भंसार गेट स्थित सडकमा बिभिन्न सवारी साधन तथा पैदल यात्रुहरु समेतको चेकजाँच गर्ने क्रममा भारतको रक्सौलबाट बीरगंजतर्फ पैदल हिडी आउदै गरेको भारत मोतिहारीको रामघअर्वामा विशाल पटेलको साथलाई लागू औषधसहित पक्राउ गरेको हो ।

प्रहरीले पटेलको साथबाट लागू औषध ईन्जेक्सन डाईजोल्याव ५०० पिस, नेर्फिन ५०० पिस र फेनारगन  ५०० पिस बरामत गरेको छ । पक्राउ गरिएको लागू औषध सहित निजलाई नियन्त्रणमा लिई आवश्यक अनुसन्धान कार्य भइरहेको ।