सरकार जनअपेक्षाअनुरुप काम गर्न असफल : समाजवादी पार्टी
नेपालबहस संवाददाता
कात्तिक २८, २०७६ शुक्रबार ०:२२:४
२८ कार्तिक काठमाडौं । सत्तारुढ दल समाजवादी पार्टीले आफू सहभागी सरकारको चर्को आलोचना गरेको छ । बिहीबार काठमाडौंमा बसेको ‘संघीय परिषद् बैठक’मा संघीय परिषद्का अध्यक्ष डा. बाबुराम भट्टराईले प्रस्तुत गरेको राजनीतिक प्रतिवेदनमा आफैं सहभागी सरकारको आलोचना गरिएको हो ।
प्रतिवेदनमा सरकार जनअपेक्षाअनुरुप काम गर्न असफल भएकोमात्र नभइ अकर्मन्यता, भ्रष्टाचार र यथास्थितिवादको दलदलमा फस्दै गएको उल्लेख छ । प्रतिवेदनमा संघीयता कार्यान्वयन गर्नुको सट्टा सरकार एकपछि अर्को गरी संघीयता असफल बनाउन लागिपरेको आरोप लगाइएको छ ।
सरकारको आलोचना गरेपनि सोही प्रतिवेदनमा तत्काल सरकारबाट बर्हिगमनको विषयमा भने मध्यमार्गी बाटो लिइएको छ । सरकार छाड्ने कि नछाड्ने भन्ने विषयमा पार्टी्भित्र लामो बहस चलेपनि अध्यक्ष डा. भट्टराईले प्रस्तुत गरेको राजनीतिक प्रतिवेदनमा संविधान संशोधन प्रक्रिया अगाडि नबढाए सरकारबाट बर्हिगमनका लागि कार्यकारिणी समितिले निर्णय गर्ने मध्यमार्गी प्रस्ताव राखेको छ ।
राजनीतिक प्रतिवेदन पेश गर्दै भट्टराईले प्रत्यक्ष लोकतन्त्रको विरुद्धमा नेकपा विपक्षी दल नेपाली कांग्रेसकै कित्तामा पुगेको जिकिर गरे । नेकपा वैचारिक रुपमा अन्यौलग्रस्त र नैतिक रुपमा स्खलित पार्टी भएको जिकिर गरे । भट्टराईले राजपा नेपाल राष्ट्रिय पहिचान र अधिकारको पक्षधर लोकतान्त्रिक दल रहेको उल्लेख गर्दै राजपासँग धेरै एजेण्डाहरु मिल्ने भएकाले एकता प्रक्रिया चलिरहेको बताए ।
प्रतिवेदनमाथि बैठकबाट प्राप्त सुझाव समेटेर केन्द्रीय समिति बैठकले राजनीतिक प्रतिवेदन परिमार्जनसहित पारित गर्नेछ । बैठकमा देशभरिबाट करिब एक हजार संघीय परिषद् सदस्य सहभागी छन् । गएको वैशाख २३ गते तत्कालीन संघीय समाजवादी फोरम नेपाल र नयाँ शक्ति पार्टी नेपालबीच भएको एकता भएपछि पहिलोपटक संघीय परिषद् बैठक बसेको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपजनताको उन्नति र प्रगति नै कांग्रेसको चाहना हो : सभापति देउवा
बैशाख १४, २०८१ शुक्रबार
रेशम चौधरीको मुद्दामा मिसिल झिकाउन सर्वाेच्च अदालतको आदेश
बैशाख १४, २०८१ शुक्रबार
कांग्रेसलाई वर्ग शत्रु ठानेर अगाडि बढे पार्टी सकिन्छ : अध्यक्ष नेपाल
बैशाख १४, २०८१ शुक्रबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
आइपिएलमा आज दुई खेल हुँदै
बैशाख १५, २०८१ शनिबार
आइपिएलमा कोलकोतामाथि पञ्जाबको कीर्तिमानी जित
बैशाख १५, २०८१ शनिबार
इलाम-२ र बझाङमा मतदान शुरु
बैशाख १५, २०८१ शनिबार
आजको मौसम : हावाहुरी र चट्याङसहित वर्षाको सम्भावना
बैशाख १५, २०८१ शनिबार
दैनिक भिन्डीको पानी पिउदा अचम्मका फाइदाहरु
बैशाख १५, २०८१ शनिबार
नेपाल र वेस्ट इन्डिज ‘ए’ बीचको टि–ट्वान्टी शृङखला आजदेखि सुरु
बैशाख १५, २०८१ शनिबार