नयाँ खरिद भएका ‘वाटर क्यानोन’को परीक्षण एवम् प्रदर्शनी

२८ कार्तिक काठमाडौं ।  नेपाल प्रहरीको लागि नयाँ खरिद भएका ५ वटा ‘वाटर क्यानोन’को प्रहरी प्रधान कार्यालयस्थित खेल मैदानमा बिहीबार परीक्षण एवम् प्रदर्शनी भएको छ । प्रहरी महानिरीक्षक सर्वेन्द्र खनाल लगायत वरिष्ठ प्रहरी अधिकृतहरुले उक्त प्रदर्शनीको अवलोकन गरेका छन् ।

उक्त अवसरमा ‘वाटर क्यानोन’द्वारा सेल्फ स्प्रे प्रदर्शन, ५५ मिटर दुरी तथा ३० मिटर दुरीमा पानीको फोहरा प्रदर्शन र भिडमा सहभागीको पहिचान हुन सहज होस् भन्न प्रयोग गरिने विभिन्न रङयुक्त फोहरा प्रयोग प्रदर्शन भएको थियो ।नेपाल प्रहरीका लागि हाल ५ वटा नयाँ ‘वाटर क्यानोन’ खरिद भएका छन् ।

यसअघि १ वटा ‘वाटर क्यानोन’ रहेको थियो । उत्तेजित भिड तथा अग्नी नियन्त्रणमा प्रयोग हुने प्रत्येक नयाँ ‘वाटर क्यानोन’मा १८ वटा अश्रु ग्याँस सेल र ७ हजार ४ सय लिटर पानी अट्ने क्षमता रहेको छ । ‘वाटर क्यानोन’मा ‘अपर क्यान’ र ‘लोअर क्यान’ रहेका छन् । ‘अपर क्यान’मा ५५ मिटरको दुरीसम्म र ‘लोअर क्यान’मा ३० मिटरको दुरीसम्म पानीको फोहरा फाल्न सक्ने क्षमता रहेको छ ।

काठमाडौं महानगरपालिका-३२ पेप्सीकोलास्थित सडकबाट अवैध लागूऔषध चरेश २३ ग्राम र नियन्त्रित लागूऔषध डाइलेक्स डिसी १०० एमएलको बोतल ११ थान सहित २ जनालाई बिहीबार प्रहरीले पक्राउ गरेको छ ।
पक्राउ पर्नेहरुमा धादिङ त्रिपुरासुन्दरी गाउँपालिका(३ ठेगाना भएका ३३ वर्षीय शंकर सडौला र सुनसरी हरिनगर गाउँपालिका-१ ठेगाना भएका ३८ वर्षीय पवन दास रहेका छन् ।

लागूऔषध नियन्त्रण व्यूरो कोटेश्वरबाट खटिएको प्रहरीले सडौलाको साथबाट लागूऔषध चरेश १२ ग्राम तथा डाइलेक्स डिसी १०० एमएल बोतल १ थान र दासको साथबाट लागूऔषध चरेश ११ ग्राम तथा डाइलेक्स डिसी १०० एमएलको बोतल १० थान सहित फेला पारी पक्राउ गरेको हो ।  यस सन्बन्धमा प्रहरीले थप अनुसन्धान गरिरहेको छ ।

प्युठान, सल्यान, सप्तरी र बाराका विभिन्न स्थानमा भएका छुट्टाछुट्टै सवारी दुर्घटनामा परी ५ जनाको मृत्यु भएको छ ।  प्युठान, स्वर्गद्वारी नगरपालिका-४ मनखोला भिरस्थित सडकमा भिगृबाट स्वर्गद्वारीतर्फ जाँदै गरेको ग=२ च ५२४९ नम्बरको बलेरो गाडी सडकदेखि अन्दाजी ३ सय मिटर तल खसेर बिहीबार बिहान दुर्घटना हुँदा गाडीमा सवार हाल नाम, थर, वतन नखुलेकी १ जना महिलाको घटनास्थलमै मृत्यु भएको छ ।

दुर्घटनामा घाइते भएका चालक समेत अन्य ४ जनालाई उपचारको लागि प्राथमिक स्वास्थ्य केन्द्र भिगृ हुँदै थप उपचारको लागि भैरहवातर्फ पठाइएको छ ।

सल्यान, त्रिवेणी गाउँपालिका-४ बडागाँउमा रा.१ ज.४३२ नम्बरको जिप अनियन्त्रित भई बिहीबार बिहान दुर्घटना हुँदा गम्भीर घाइते भएका जिपमा सवार सोही गाउँपालिका फालावाङ बस्ने ६० वर्षीया कृष्णा देवी परियार र ५९ वर्षीया यज्ञी थापाको अञ्चल अस्पताल तुल्सीपुरमा उपचारको क्रममा मृत्यु भएको छ । दुर्घटनामा घाइते भएका अन्य ७ जनाको सोही अस्पतालमा उपचार भइरहेको छ ।

सप्तरी, बोदेबर्साईन नगरपालिका-२ बैरियास्थित सडकमा को.२३ प.५४० नम्बरको मोटरसाइकलको ठक्करबाट गम्भीर घाइते भएकी पैदलयात्री सोही ठाउँ बस्ने ६० वर्षीय रामप्रसाद साहको उपचारको लागि लहानतर्फ लैजाने क्रममा बिहीबार दिउँसो बाटोमै मृत्यु भएको छ । मोटरसाइकल चालकलाई प्रहरीले नियन्त्रणमा लिएको छ ।

बारा, कलैया उपमहानगरपालिका(२३ मोतिसर चोकमा ना।७ त २६६ नम्बरको ट्याक्टरले ना.३ प ५१३७ नम्बरको मोटरसाइकललाई बिहीबार बिहान ठक्कर दिँदा मोटरसाइकल चालक कलैया उपमहानगरपालिका-३ बस्ने २५ वर्षीय बिनोद साहको घटनास्थलमै मृत्यु भएको छ ।

फरार ट्याक्टर चालकको प्रहरीले खोजी गरिरहेको छ ।  यस सन्बन्धमा स्थानीय प्रहरीले आवश्यक अनुसन्धान गरिरहेको छ ।

मोरङको उर्लाबारी नगरपालिका-२ सिमसार बेतनी सामुदायिक उपभोक्ता समितिको जग्गामा सोही नगरपालिका बस्ने ३८ वर्षीय हङ राई समेत १० जनाको बाँस, टाटी, फुस्को छानो भएको टहरामा बिहीबार बिहान आगलागी हुँदा टहरा तथा टहराभित्र रहेको भाडावर्तन समेत जलेर करिब १ लाख ४७ हजार रुपैयाँ बराबरको धनमाल नष्ट भएको छ ।

स्थानीय बासिन्दाको सहयोगमा आगलागी नियन्त्रणमा लिनुका साथै यस सन्बन्धमा प्रहरीले थप अनुसन्धान गरिरहेको छ ।